SAN LUCAS 10:28 - Enhlit Bible

²⁸ Aptomjac alhta apcanya Jesús: —Inpayjoc aplhanma. Itne sat mataa lha. Memasquingvomejec sat lhip cotmongvoycamlha nelha —alhta aptomjac.

SAN LUCAS 10:28 Iomraidhean Croise

NEHEMÍAS 9:29

Apquiltamjoc nic nat lhip elyiplovcasojoc mocjam singanamaclha lhip appayvam. Am nic nat elyiplovcasac mataa, apnatovasa singascamaclha ayinyema lhip. Acyimnatem ingnenyic ayinyema ningyiplovquiscama singanamaclha. Apquilinmelham nic nat, acnatjemo nic nat apquilvalhoc ningilyeyjamcaa.

PROVERBIOS 19:16

Ongmiyovalhcac mataa, acyitna inlhojo ningyiplovquiscama singanamaclha. Ongyinyovalhcac sat, ningilvenna inlhojo ningyiplovquiscama singanamaclha.

EZEQUIEL 20:11

Apquillhocac alhta maa siyanamaclha najan siyascamaclha, yoyam elmiyovacpoc apquiltomja apquilyiplovquiscama.

EZEQUIEL 20:13

Am alhta eljalhnoc sicpayvam naysicsa apquileyvam yoclhilhma actamopeycaoc. Am alhta elyiplovcasac siyanamaclha actemaclha ningmiyovmalhca, am alhta eltamilcasac acnim ninnayclha. Inquitlhincasquic alhta oyanmongsiclhac apquiltemaclha apancaoc as yoclhilhma actamopeycaoc.

EZEQUIEL 20:21

Am alhta eljalhnoc apquitquic siyanamaclha najan siyascamaclha coo, yoyam elmiyovacpoc, am eltamilcasac acnim ninnayclha. Aclovquic alhta coo, inquitlhincasquic oyanmongsiclhac apquiltemaclha apancaoc payjoc yoclhilhma actamopeycaoc.

LEVÍTICO 18:5

Elsavojo sat apquilyiplovquiscama siyanamaclha najan siyascamaclha, elmiyovacpoc sat quellhip. Coo sicvisay Dios Visqui apancaoc quellhip.

SAN MATEO 19:17

Apcatingmavoc alhta Jesús: —¿Soctomja selmalhnamcaa nac apvisay asoc altamila? Lhama apanco aptomja aptamila apvisay Dios Ingyapam. Apquiltamjoc sat ancoc lhip etnejic acyimnatem apnenyic (yoyam memasquingvomoc), iyiplovquis sat Dios apcanamaclha —alhta aptomjac.

SAN MARCOS 12:34

Lhama alhta apyicpilca acpayjo apcatingmoctem enlhit —aptomja alhta eyca Jesús: —Apcamquitvaac lhip Dios apquilnancascama. Apquilvatsamquic alhta as enlhitaoc. Apquilacac alhta elilmalhneclhojo moc asoc.

SAN LUCAS 7:43

Apcatingmavoc alhta Simón: —Ayanayc coo apcasicjayo aptomja apmascoscama acyiviy apmaycaoc nasa, melhno poc. Ayinyemaclha inmascosalhquic nic nat apmaycaoc nasa acyiviy. —Inpayjoc aplhanma —alhta aptomjac Jesús.

ROMANOS 10:4

Intamongvocmec nelha singanamaclha Moisés. Cristo aptimesquiscacmec nelha. Am sat ancoc ongilyascacmoc Cristo, ongiltimjic sat ningilpeyvomo napato Dios.

ROMANOS 3:19

Ningyasamcoc nincoo, inpeyvoc aclhanma singanamaclha actalhesomalhca. Apquillhenacpec enlhitaoc acyitna singanamaclha. Copvanquejec lhama etnejic appayvam: “Mepqui sicsilhnanomalhca coo”. Ayinyemaclha aplhamoclhojo enlhitaoc lhalhma anco apquiltomja apquilsilhnanomap napato Dios.

ROMANOS 7:10

Ayanayquic alhta coyimnaticsic enquenyic singascamaclha. Pilapcasquic alhta sicvita actomja acmascoscama sicyimnatem.

GALATAS 3:12

Colhenalhquejec mataa mongyasquiyam naysicsa ningyiplovquiscama singanamaclha Moisés. Intomjac nic nat singanamaclha Moisés: “Enlhit aptomja apsovjomo apyiplovquiscama aclhamoclhojo singanamaclha, colhic sat acyimnatem apnenyic” —nic nat intomjac.

DEUTERONOMIO 6:24

Dios alhta singilanama, yoyam ongyiplovcasojo acyovoclhojo singanamaclha. Ontimjic mataa ningilayo Dios, coytic sat actamilaycam ingilvalhoc, jingilmeyvoc sat mataa, acno singmasma, as ningvamlha nac jay.