SAN LUCAS 10:2 - Enhlit Bible

² Aptomjac alhta apquilanya Jesús: —Cotlaycaoc acmocjitma acyilhna, eyca apcanito aptomja apnaclheycaoc. Elilmalhnam quellhip acnaclhomalhquilha avisqui ac, yoyam elapajacsic elnaclhamcoc acyilhna.

SAN LUCAS 10:2 Iomraidhean Croise

1 REYES 18:22

Aptomjac nic nat mocjam Elías apquilanya enlhitaoc: —Sicvamlha elhapco coo profeta Dios aplingascama. Apnam aso cuatrocientos cincuenta profetas apquilpayescamo quilaycmasquiscama acvisay Baal.

SALMOS 68:11

Aplingasquic nic nat Visqui ingac lhama amyaa. Inlingalhquic nic nat amyaa quilvanaa alpayescama:

JEREMÍAS 3:15

Olyacyecsic sat apquilviscaa sicyisponcama coo, eltimjic sat apquilviscaa nipyesicsa quellhip apquiltomja apquilyascamco najan apquilyicpilquemo.

ZACARÍAS 11:17

¡Enlhit layi aptomja apyamasma apnatoscama mepqui aptamilquiscama! ¡Coyimsasic sat sovo acvinatem apectong najan apatic derecho! Etniclhac sat appinsem najan apyavec as apquilancam — alhta aptomjac — nic nat aptomjac profeta.

ZACARÍAS 11:5

Apquilajac mataa enlhit apquilmam, mepqui acyitnocjay apquilvalhoc. Apquiltomjac mataa apquilhacjam apnatoscama: ¡Gracias Visqui ingac, selinyejemo coo! — apquiltomjac mataa. Mepqui acyitnocjay apquilvalhoc apquilancam nipquesic.

NÚMEROS 11:17

Ovayventac sat coo, najan opamejitsic sat lhip. Olcoc sat nicja espíritu apna lhip apvalhoc, elmecsic sat apquillhalhma lhip. Colhyevavojoc sat aplhinquiscama lhip enlhitaoc, jave aplhapcoc lhip.

NÚMEROS 11:29

Apcatingmavoc nic nat Moisés: —Aplhenseycam nac lhip semasma coo. ¡Altamjo inyicje elyatam profetas apquilpayvam apyovoclhojo enlhitaoc, ayinyema espíritu apanco Dios! — nic nat aptomjac.

SAN MATEO 20:1

Visqui netin apquilnancascama acyitsomalhco apmolhama apyap malha apvisqui. Aplhinquic nic nat alhtooc anco, yoyam etingyam enlhit apquiltamjaycam uva avjac.

SAN MARCOS 13:34

Malha inyicje enlhit aplhinga mocjay. Apyinyovquic siclho tingma pac. Apquilasinaquic apquilancam apcanama eltamjam. Najan apcanama poc elaylhic atong.

SAN MARCOS 16:15

Apquilpamejitsa alhta: —Ellhing sat quellhip lhalhma anco. Eliltimnas sat aplhamoclhojo enlhit tasic amyaa.

SAN MARCOS 16:20

Apquililtimnasa alhta amyaa lhalhma anco. Apquilpasmec alhta mataa Visqui ingac naysicsa apquiltamjaycam. Apquilyimnatasquic alhta apquililtimnascama amyaa ayinyema asoc monquinatquiscama quilyiploycam alhta mataa. Amén.

SAN LUCAS 9:1

Apcansaclhec alhta Jesús doce apquiltamsoycaoc. Apquilmesquic alhta apquilmopvan. Apquilasinaquic alhta elantipsic somquic quilyicjamo najan eltamilquiscomoc acmasca apyimpeoc.

LOS HECHOS 11:19

Apmatnec alhta Esteban. Apquilminlhinacpec alhta najan enlhit melyasquiyam tasic amyaa. Invocmoc alhta apquinyajaycaoc yoclhilhma Fenicia najan acyayem inquilhe acvisay Chipre najan tingma Antioquía. Apquiltimnam alhta tasic amyaa apvamlha nipyesicsa judíos.

LOS HECHOS 13:2

Lhama acnim alhta invocmec ninpayvam. Am alhta elmayajamco aptoycaoc naysicsa apquililmalhnancama. Aptomjac alhta apquilanya Espíritu Santo: —Elyacyes sat quellhip Bernabé najan Saulo, yoyam eltamjam ayinyema siyanem eltamjam —alhta aptomjac.

LOS HECHOS 13:4

Apquillhinquic alhta Bernabé najan Saulo. Espíritu Santo alhta apquilapajascama. Apquilyasquic alhta tingma Seleucia. Apquilquinatvocmec alhta barco, yoyam elyacsic acyayem inquilhe Chipre.

LOS HECHOS 20:28

Eltamilsacpojo apanco quellhip. Eltamilquis sat najan apquilanacpo Jesucristo apmolhama, malha quilancam nipquesic apquiltamilquiscama apnatoscama. Quellhip apquiltomja apquilimja apmamyi ayinyema Espíritu Santo yoyam eltamilsic Jesucristo apmolhama. Apyanmoncasquic alhta em pac Jesús apmolhama.

LOS HECHOS 22:21

Aptomjac alhta seyanya Visqui ingac: “Ilhing. Pac ongvapajacsic lhip mocjay nipyesicsa metnaja judíos” —alhta aptomjac.

LOS HECHOS 8:4

Apquillhinquic alhta Jesucristo apmolhama co Jerusalén. (Apquilhpanec alhta). Apquililtimnasam alhta mataa tasic amyaa apquilyasaclha.

1 CORINTIOS 12:28

Apquilyacyesquic alhta Dios napocja Jesucristo apmolhama yoyam etnimsic apmamyi. Apquilmamyi alhta apóstoles Dios apquilapajascama, natamin najan apquillingascama amyaa ayinyema Dios, natamin najan apquiltomja apquillhicmoscama. Apquilmasquic poc apquilmopvan apquiltamjaycam sinpilapquiscama, najan poc apquilmopvan eltamilquiscomoc acmasca apyimpeoc, najan poc apquilanyomap eltamilsic apcaneyquiclhilha, najan poc eltimjic apquilimja apmamyi, najan poc apquilmopvan moc actemaclha appayvam yoyam elpamejitsic Dios.

1 CORINTIOS 15:10

Cotnejic ac maa actemaclha sicvisay lha. Dios aptomja seyimlaycmo coo. Cotnaja alhto seyimlaycmo alhta Dios. Avanjec alhta sictamjaycam, am colhno apquiltamjaycam enaymacoc apóstoles. Jave coo ayinyema sicmovan ajanco, Dios eyca ayinyema seyimlaycmo aptomja semquescama apmopvan.

2 CORINTIOS 6:1

Nincoo ningiltomja ningiltamjaycamo lhama Dios. Ningiltomjac nincoo ningilanya quellhip: Noelane nasa alhtoc apquillhoy quellhip Dios apcaycaoc.

FILIPENSES 2:21

Apquiltemaclha mataa poc ingilyalhinga collhenic apquilvalhoc asoc apancaoc. Am eyca collhenac mataa apquilvalhoc ningilanyomalhca ontimjic ayinyema Jesucristo.

FILIPENSES 2:25

Ayanayc coo incaymalhquic ongvapajacsic siclho ingyalhing Epafrodito nipyesicsa quellhip. Aptomja mataa siclhalhma sictamjaycamo lhama, malha silnapomalhco lhama. Quellhip alhta apquilapajascama ingyalhing Epafrodito, yoyam jesantimsic asoc alaymomalhca coo.

FILIPENSES 2:30

Inquitlhincasquic alhta ingyitsapoc ayinyema apyiplovquiscama Cristo. Am alhta ingyacac ayasomquilha, am alhta emyovsacpoc apanco. Am alhta colapvancaac quellhip jelpasmoc singilpilhtetomaclha. Apvaac alhta ingyalhing Epafrodito apyamongayclha quellhip yoyam jepasmoc.

COLOSENSES 1:29

Eycaso ayinyema sicvascapma mataa, malha silnapomalhca intomjac. Eyimnatasquic mataa apmopvan ayinyema Cristo.

COLOSENSES 4:12

Inlhenquic najan evalhoc ingyalhing Epafras aptomja alhta apmolhama quellhip. Ingyalhing Epafras aptomja Jesucristo apquilancam. Apquilinlhanacmec mataa apquilmalhnesquiscama quellhip. Apquiltamjoc yoyam eltimjic apquilyimnatem quellhip. Apquiltamjoc yoyam elyiplovcasojo quellhip actemaclha apmayjayoclha Dios.

1 TESALONICENSES 2:9

Quellhip ingilyalhinga. Elyasingvoclhojo sat quellhip actemaclha alhta ningiltamjaycam yoyam coymalhqueje nintom. Ningiltamjam alhta acnim anco najan alhtaa. Am ongilmoncalhnac aptoycaoc quellhip yoyam mongilyimtalhnecsic apquilvalhoc quellhip. Ningilinlhanacmec mataa ningiltimnascama tasic amyaa ayinyema Dios.

1 TESALONICENSES 5:12

Quellhip ingilyalhinga. Ningiltamjoc nincoo ongiltimnasiclhojo quellhip. Elilyejiclhojo sat mataa yoyam colhic alaco apquiltomja apquillhicmoscama nipyesicsa quellhip najan apquiltomja apquilimja apmamyi najan apquiltomja apquiltimnascaoc ayinyema Visqui ingac.

2 TESALONICENSES 3:1

Quip elaylhojo ingilyalhinga. Jingilmalhnesquis nincoo yoyam copayjiclhac lhalhma anco tasic amyaa ayinyema Visqui ingac. Yoyam elilyejiclhojo enlhitaoc acno alhta quellhip.

1 TIMOTEO 4:10

Eycaso ayinyema actemaclha ningiltamjaycam najan actemaclha ningvascapma, malha ningilnapomalhca. Ayinyemaclha yitnec nincoo aljalhanma ingvalhoc Dios aptomja mengyitsepma. Aptomja apmamyi singvomquiscama tap ningiltomja mongyasquiyam. Aptomja najan apquilvomquiscama tap aplhamoclhojo enlhitaoc.

2 TIMOTEO 4:5

Itne sat lhip mataa apyascamco, mepqui acyeyjamelhma. Ilinmalhacpojo sat lhip acmasca. Ilinlhanmojo sat aptamjaycam aptimem lhip soycam amyaa yoyam elngacsic tasic amyaa.

FILEMON 1:1

Coo nac Pablo sicma singilpilhtetomaclha ayinyema siclingascama apvisay Jesucristo. Siclhalhma coo ingyalhing Timoteo. Inlhenquic ingilvalhoc lhip Filemón, aptomja ingyalhing ningasicjayo najan ningiltamjaycamo lhama.

HEBREOS 3:6

Cristo aptomja Dios Apquitca najan aptomja apquilyajayquiclho. Cristo aptomja Apvisqui nipyesicsa apmolhama. Nincoo ningiltomja apmolhama. Incaymalhquic ongilinlhanmojo actemaclha mongyasquiyam najan actemaclha ningyiplovquiscama acvocmo actamongvomlha nelha. Incaymalhquic colpayjiclha ingilvalhoc naysicsa aljalhneycam ingilvalhoc.

EL APOCALIPSIS 2:1

‘Aptomjac alhta seyanya coo: Italhosquis sat lhip yoyam elyipsitic soycam amyaa aptomja apquimja apmamyi Jesucristo apmolhama apnaycam tingma Efeso: “Eycaso appayvam aptomja apmaycam apmic actamilaclha siete apyova. Najan aptomja aptiyascam naysicsa siete alapongmateycaoc alyinmom: