SAN LUCAS 1:8 - Enhlit Bible

⁸ Invocmec alhta acnim, yoyam etnajam Zacarías aptemaclha sacerdote napato Dios Ingyapam.

SAN LUCAS 1:8 Iomraidhean Croise

1 CRÓNICAS 24:19

Eycaso ilhnic nat apquiltimesaycam moclhama grupos congne tingma apponquinomap, acno ilhnic nat apcanama Dios Visqui ingac eyiplovcasojo apquilyeyjamcaa Aarón.

1 CRÓNICAS 24:2

Mepqui ilhnic nat apquitquic Nadab najan Abiú. Apquilitsepquic nic nat mengyitsepmaclha mocjam apquilyap. Apquiltimec nic nat sacerdotes Eleazar najan Itamar.

2 CRÓNICAS 11:14

Apquilyinyovquic nic nat amyip najan piquetes apancaoc levitas, yoyam elhnam tingma Jerusalén najan Judá. Apquilinmelham nic nat Jeroboam najan apnaymacoc. Colapvanquejec mataa sacerdotes najan apnaymacoc eltamjam napato Dios Visqui ingac.

2 CRÓNICAS 31:19

Apnam nic nat mataa apquilmilasictem nintom moclhama tingma apvanyam. Apquillhocac nic nat mataa aptoycaoc enlhit apvisay sacerdote, aptomja Aarón aptavin niptamin. Apquillhocac nic nat levitas, acyitna inlhojo apquilvisay vaycajac registro, apquileyvam tap tingma apquilvanyam, amyip apancaoc sacerdotes.

2 CRÓNICAS 31:2

Apcapajasquic nic nat Ezequías, apquilanyacpo sacerdotes najan levitas eltimesam tingma apponquinomap, moclhama grupo mataa apquilya'monquiscama poc. Eltingyac sat mataa sacerdotes asoc macmescama Dios acyanmongam melyascalhma, najan moc asoc macmescama Dios actemaclha singasicjayquiclha mocjam. Eltimjic sat mataa gracias najan apquilayo Visqui ingac, eltamilsic sat mataa tingma apponquinomap apatnaoc.

2 CRÓNICAS 8:14

Yitnec nic nat apcanama apyap ninga David, yoyam eyiplovcasojo Salomón, actemaclha apquiltimesaycam sacerdotes, najan apquiltimesaycam levitas apquiltomja apquilayo Dios, najan eltimjic apquiltamjaycamó lhama sacerdotes moclhama acnim. Najan actemaclha apquiltamilquiscama atnaoc moclhama grupo, yoyam eltimesam, acno apcanama siclho David, Dios apquilancam.

ESDRAS 6:18

Apquilyiplovcasquic nic nat apquiltamjaycam sacerdotes tingma Jerusalén actemaclha apquilanyomap congne tingma apponquinomap. Najan apquiltamjaycam levitas actemaclha apquilanyomap. Ayinyema ilhnic nat vaycajac aptalhescama Moisés.

ÉXODO 28:1

Itne sat lhip aplhalhma Aarón najan apquitquic Nadab, najan Abiú, najan Eleazar, najan Itamar, eltimjic sat sacerdotes ajanco.

ÉXODO 28:41

Itingyasquis apquilantalhnama Aarón najan apquitquic. Ilic sat asoc acmasis aceite, ingyatsisquis sat apyitsicsaoc, eltimjic sat apquilponquinomap najan apquilyimtalhnamo sacerdotes alancaoc.

ÉXODO 29:1

Iponquinquis sat sacerdotes actema nac jay: Itingya sat lhama vayqui inquinavo najan dos nipquesic apquilinava, mepqui acmasom apyimpeoc.

ÉXODO 29:44

Oponquinsic sat carpa najan altar apquilvatnamaclha, olponquinsic sat Aarón najan apquitquic, otnejic sacerdotes ajancaoc.

ÉXODO 29:9

Ipquin sat apyitsicsaoc apava apquilpocanma, itjit sat apyapmam niplhita, najan Aarón najan apquitquic. Eltimjic sat apquilyimtalhnamo, comasquejec sat mataa apquiltimesaycam sacerdotes.

ÉXODO 30:30

Ingyilhpaja sat ayingmenic acmasis apyimpejic Aarón najan apquitquic, eltimjic sat apquilponquinomap sacerdotes ajancaoc.

NÚMEROS 18:7

Apvamlha lhip najan lhip apquitquic eltimjic sacerdotes, eltimesam sat acyitnamaclha altar najan payjoc aplhancoc apponquinomap apanco. Coo alhta silyacyescama quellhip eltimjic sacerdotes, paj poc. Apvitacpec sat ancoc poc aptimesaycam apquilpalhcomap sacerdotes, ematong sat quilhvo — nic nat aptomjac Dios.

SAN LUCAS 1:5

Apnec alhta apvisqui Herodes yoclhilhma Judea. Apnec alhta najan lhama sacerdote apvisay Zacarías. Aptomja alhta apquilpasmeycam aptamjaycamo lhama Abías. Aptava alhta innac acvisay Elisabet. Sacerdote Aarón aptavin niptamin alhta as quilvana.

SAN LUCAS 1:7

Am alhta ayitca ma. Cotay ayitca Elisabet. Apvanacmec alhta as enlhit najan aptava.