SAN LUCAS 1:75 - Enhlit Bible

⁷⁵ Actema nac ningiltamilcasomalhco najan nintemaclha acpeyvomo aclhamoclhojo acnim ningileyvam.

SAN LUCAS 1:75 Iomraidhean Croise

ISAÍAS 43:21

Coo alhta silantipquiscama enlhitaoc otnejic ajancaoc. Ellingacsic sat acma seyayo coo.

ZACARÍAS 8:19

Yitnec alhta mataa apquilmalhnancama mepqui nintom najan acmayovsa apquilvalhoc moclhama año piltin cuarto, najan quinto, najan séptimo, najan décimo. Cotniclhac sat fiesta apancaoc co Judá, yoyam elitsovacsojo. ¡Coyit sat mataa actamilaycam apquilvalhoc najan mepqui apquilmopvan amyaa! — alhta aptomjac.

SAN MATEO 1:21

Cotimsic sat ayitca apquinavo. Iltime sat apvisay JESUS. Elvomsic sat tap apnaymacoc enlhitaoc. Elmascocsic sat melyascalhma enlhitaoc —alhta intomjac apvanmoncama.

SAN LUCAS 1:74

Jingilvomsic sat tap nipyesicsa cotnaja ingmoc, yoyam ongilanam mepqui ningilay.

EFESIOS 1:4

Dios aptomja singilyacyescama yoyam ongiltimjic apquitquic ayinyema Cristo. Eycaso appenescamo ilhnic nat aclhanma apvalhoc amamyi apquilantipquiscama aclhamoclhojo asoc. Apquiltamjoc nic nat Dios yoyam ongiltimjic ningiltamila napato mepqui ningilsilhnanomalhca.

EFESIOS 2:10

Nincoo ningilinyema Dios aptomja singmescama ingvalhoc alhnanco ayinyema Cristo Jesús yoyam ongilyiplovcasojo actemaclha actamila. Dios aptomja singillanesquiscama yoyam ongilyiplovcasojo actemaclha actamila.

EFESIOS 4:24

Elyiplovquis actemaclha alhnancoc ayinyema apmayjayoclha Dios., Yoyam cotalhcac apquiltemaclha alhnancoc actomja nasoc anco najan actomja acpeyvomo najan actomja actamila.

DEUTERONOMIO 6:2

Eltimjic sat apquilayo Dios Apyimtalhnamo. Elyiplovcasojoc sat singanamaclha najan singascamaclha, siltimnascama mataa quellhip najan apquitquic najan aptovana. Eleyoc sat quellhip aclhamoclhojo años.

1 TESALONICENSES 4:1

Quellhip ingilyalhinga. Ningiltamjoc nincoo ongiltimnasiclhojo quellhip naysicsa ninlhanma apvisay Visqui ingac Jesús: Elvajanaoc sat nintemaclha nincoo ningiltamilcasomalhco inganco yoyam eyispac Dios Ingyapam. Apquilvajanamquic quellhip quilhvo nac jay. Elinlhanmojo sat mocjam tap.

1 TESALONICENSES 4:7

Apquiltamjoc Dios yoyam ontimjic ningiltamilcasomalhco inganco yoyam cotnejic ayalhnayo ingvalhoc. Dios aptomja singanama, malha singevoycam yoyam mongilvajanamquejec actemaclha ayitsepaycam ingnenyic.

2 TESALONICENSES 2:13

Quellhip ingilyalhinga apquiltomja apquilasicjamacpo ayinyema Visqui ingac. Ningilinlhanacmec mataa nincoo nintimem gracias Dios Ingyapam naysicsa ningilmalhnesquiscama quellhip. Ayinyemaclha Dios aptomja apquilyacyescama quellhip siclhoc anco apquilantipquiscama aclhamoclhojo asoc. Apquiltamjoc yoyam elvomsacpoc tap quellhip ayinyema Espíritu apanco Dios aptomja apponquinquiscama quellhip. Najan ayinyema actomja nasoc anco apquiltomja apquilyiplovquiscama quellhip.

2 TIMOTEO 1:9

Ingilvomcasquic nincoo tap Dios. Ingilasinaquic nincoo Dios, malha singevoycam. Eycaso ayinyema apmayjayoclha Dios. Am conyemac asoc actamila nincoo. Yitnec nic nat apmayjayoclha Dios actemaclha yoyam jingilasina, amamyi yoyam ellanac as nalhpop. Jesucristo aptomja apsovjomo apmayjayoclha Dios.