SAN LUCAS 1:7 - Enhlit Bible

⁷ Am alhta ayitca ma. Cotay ayitca Elisabet. Apvanacmec alhta as enlhit najan aptava.

SAN LUCAS 1:7 Iomraidhean Croise

GÉNESIS 17:17

Yejemoc nic nat apquilpolintamo nalhpop Abraham. Apticlhiquic acpayjaclha napaat nalhpop. Apcasmasquic nic nat Abraham. Intomjac nic nat apvalhoc: —Sicvanyam coo, cien años acvocmoc. ¿Evanqui ya otac sictamongvoyam? Acvanyam najan etava Sara, noventa años invocmoc. ¿Avanqui ya cotac ayitca?— nic nat intomjac apvalhoc.

GÉNESIS 18:11

Apvanyam nic nat aptomjac Abraham najan aptava Sara. Inmasquec nic nat acyinyova actom.

GÉNESIS 25:21

Cotay ayitca ilhnic nat Rebeca. Apquilmalhnescasquic nic nat Isaac. Apjalhnoc nic nat Dios apquilmalhnancama. Inlovsoc nic nat intomjac Rebeca.

GÉNESIS 30:1

Am nic nat covanac cotac ayitca Raquel. Inyasipcasquic nic nat mataa inyalho actomja acvitay ayitca. Intomjac nic nat Raquel ayanya atava: —Jetingyasquis eyitquic. Am sat ancoc otac eyitquic, ongvitsapoc sat— nic nat intomjac.

1 REYES 1:1

Apvanacmec nic nat apvisqui David, aptomjayclho apvanyam apanco. Mepqui ilhnic nat actamila apyimpejic, eyquey nic nat mataa, apcalacpo inlhojo manto pac.

2 REYES 4:14

—¿Soc asoc lha yoyam ontingyasquisic? — nic nat aptomjac Eliseo. —Lhaja. Paj ayitquic as quilvana, apvanacmec atava — nic nat aptomjac Giezi.

SAN LUCAS 1:5

Apnec alhta apvisqui Herodes yoclhilhma Judea. Apnec alhta najan lhama sacerdote apvisay Zacarías. Aptomja alhta apquilpasmeycam aptamjaycamo lhama Abías. Aptava alhta innac acvisay Elisabet. Sacerdote Aarón aptavin niptamin alhta as quilvana.

SAN LUCAS 1:6

Appeyvomo alhta as enlhit najan aptava napato Dios Ingyapam. Am alhta esilhnanacpoc. Am alhta cosilhnanalhcac najan aptava. Apquilyajaclhoc alhta mataa Zacarías najan aptava actemaclha apcanamaclha najan singanamaclha Visqui ingac.

SAN LUCAS 1:8

Invocmec alhta acnim, yoyam etnajam Zacarías aptemaclha sacerdote napato Dios Ingyapam.

ROMANOS 4:19

Apvanyam nic nat aptomjac Abraham. Apvocmec nic nat cien años. Acvanyam nic nat aptava acvisay Sara. Apyasamcoc nic nat Abraham, inmasquec acvitay ayitca aptava. Am nic nat eyca comasquingvocmoc aptimem meyasquiyam.

HEBREOS 11:11

Coyasquiyam nic nat innac Sara, Abraham aptava. Inmasquec nic nat acvitay ayitca, ayinyemaclha invanacmec nic nat as quilvana. Inlhocac nic nat Dios apmopvan yoyam cotimsic ayitca. Ayinyemaclha am nic nat coyascacmoc yoyam comoc nelha aplhanmaclha Dios actomja nasoc anco.

1 SAMUEL 1:2

Anit nic nat apnatamcaa Elcana. Lhama ilhnic nat acvisay Ana, moc nic nat acvisay Penina. Invitac nic nat ayitquic Penina. Cotay ayitca ilhnic nat Ana.