SAN LUCAS 1:68 - Enhlit Bible

⁶⁸ Aptasi nac Visqui ingac, Israel Dios apancaoc. Apvaac ningyesicsa ningiltomja enlhit apancaoc. Ingiljalhyovascasquic ningilpilhtetomalhca.

SAN LUCAS 1:68 Iomraidhean Croise

GÉNESIS 14:20

Ningilayo ningiltomja Dios Apyimtalhnamo, ayinyema apyimnatem lhip yoyam elnapoc cotnaja ingmoc— nic nat aptomjac Melquisedec. Aplhocac nic nat apvisqui Melquisedec nicja asoc apancaoc Abram. Apmasquic nic nat mataa Abram lhama asoc acyitna inlhojo diez asoc.

GÉNESIS 24:27

Aptomjac nic nat apquilmalhnancama: —Aptasi nac Dios Visqui pac Abraham. Nasoc anco actomja appayvam. Apquimlaycmo mataa Abraham. Elhicmosquic alhta amay yoyam ovoclha tingma apancaoc Abraham apmolhama— nic nat aptomjac apquilmalhnancama.

GÉNESIS 9:26

Aptomjac nic nat mocjam Noé: Dios Apyimtalhnamo epasmoc sat mataa Sem (najan aptovana). Apquilancam apvennamap sat etnejic mataa Canaán (najan aptovana).

1 REYES 1:48

Aptomjac alhta David: Innec ayaco Dios Apvisqui apancaoc Israel, setasquisa apvisqui seya'monquiscama coo sicmolhama coo — alhta aptomjac David — nic nat aptomjac Jonatán.

1 REYES 8:15

Aptomjac nic nat apvisqui Salomón apquilanya: —Aptasi nac, Dios Apvisqui apancaoc Israel. Aplhenquic alhta Dios actomja nasoc anco napato sicyeyjamcaa David. Invocmec aplhanmaclha quilhvo nac jay. Aptomjac alhta Dios apcanya:

1 CRÓNICAS 29:10

Aplhenquic nic nat apvisqui David altamila appayvam Dios Visqui ingac napatavo apcaneyquiclha enlhitaoc: Aptasoc apanco lhip Dios Visqui ingac ningilvisay Israel cotmongvoycamlha nelha.

1 CRÓNICAS 29:20

Aptomjac nic nat mocjam apvisqui David apquilanya enlhitaoc: Eltime sat apquilayo Dios Visqui ingac — nic nat aptomjac. Yiplovcoc nic nat apquilayo Visqui apancaoc apquilyeyjamcaa. Apquiljalhec nic nat, apquilticlha aptapnaoc napato Dios najan napato apvisqui rey.

SALMOS 106:48

Innec ayaco Dios Visqui apancaoc Israel apquilmolhama, cotningvoyam nelha. Ontimjic sat nimpasmeyquiclha: ¡Nasoc anco! Innec ayaco Visqui ingac.

SALMOS 111:9

Dios Visqui ingac aptomja apquilvomquiscama tap apnaymacoc. Comasquejec sat mataa aplhanma apmayjayoclha mepqui apyeycajascaoc. Santo mayayo nac Dios. Pac ongilavojo.

SALMOS 130:8

Aptomja apmascoscama aclhamoclhojo melyascalhma enlhitaoc Israel.

SALMOS 41:13

Aptasic apanco Visqui ingac. Innec ayaco Dios Visqui apancaoc Israel apquilmolhama cotmongvoycamlha nelha. Nasoc anco (Amén).

ÉXODO 4:31

Am nic nat elyascacmoc israelitas apquillinga appayvam. Nasoc anco apyascamco Dios Visqui apancaoc actemaclha apquillingaycamco siclho acyimtalhnama. Apquiljalhec nic nat alticlhicvocmo payjaclha napataa nalhpop, apquilayo Visqui apyimtalhnamo.

SAN LUCAS 1:71

Jingilvomsic sat tap nipyesicsa cotnaja ingmoc najan aplhamoclhojo sintanoncama.

SAN LUCAS 19:44

Elyinjacpoc sat lhop quellhip. Esovjacpojoc sat eticyo quellhip. Mengyaymacpejec sat lhama mataymong tacjalhit moc. Quellhip ayinyemaclha melyasamco acvamlha acnim, yoyam etnejic maycaa Dios Ingyapam nipyesicsa quellhip —alhta aptomjac.

SAN LUCAS 2:38

Actalhningvactamo alhta Ana. Inlhenquic alhta avalhoc Dios Ingyapam. Aplhenacpec alhta mataa sicaa. Altimnasamcaa alhta innaymacoc aptomja apquiljalhanma ningilvomsomalhca tap tingma Jerusalén.

SAN LUCAS 24:21

Ningiljalhnec alhta elvomsic tap enlhitaoc Israel. Natqui acnim intomjac siclhena nac.

SAN LUCAS 7:16

Apquilacac aplhamoclhojo enlhit. Apquilacoc alhta Dios Ingyapam. Apquilpamejitsa alhta: —Ingilpalhavac nincoo profeta apvanyam Dios aplingascama. Apquilpamejitsa mocjam: —Apvaac Dios Ingyapam, yoyam epasmoc enlhitaoc —alhta apquiltomjac.

EFESIOS 1:3

Pac ontimjic mataa ningayo Dios aptomja Jesucristo Visqui ingac Apyap. Ningillhocac nincoo aclhamoclhojo actemaclha singaycaoc ayinyema netin. Eycaso ayinyema ningilpasmeyquiclha Jesucristo.

EFESIOS 1:7

Avanjec anco singasicjayo Dios. Apyinyovquic Apquitca singyanmongam yoyam jingilvomsic tap. Apmascosquic mongilyascalhma ayinyema apquitsepma singilyanmongam.

HEBREOS 9:12

Aptalhningvoclhec alhta Cristo moc apvalhoc tingma apponquinomap, apvisay “apponquinomap apanco”. Acvamlha lhama aptalhningvoyam alhta Cristo. Am alhta esaclhac em pac yataay apquitcoc najan vayqui ayitcoc acyanmongam melyascalhma enlhitaoc. Apsaclhec alhta Cristo em pac apanco. Eycaso actomja acyanmongam singvomquiscama tap nincoo cotmongvoycamlha nelha.

1 SAN PEDRO 1:3

Pac ongilavojoc sat mataa Dios Ingyapam najan Jesucristo Visqui ingac. Avanjec alhta singamliyam Dios. Ingiltimescasquic alhta ingjalhnancaoc singmescama ingvalhoc alhnancoc, ayinyema aplhaticjangvoycamlha Jesucristo nipyesicsa apquilmasquingvaycmo. Singmescama alhta aljalhneycam ingvalhoc alhnancoc.

1 SAMUEL 25:32

Apcatingmavoc nic nat David: —Innec ayaco Dios Apyimtalhnamo Israel, aptomja apcapajascama lhiya sicnaclha coo.