SAN LUCAS 1:51 - Enhlit Bible

⁵¹ Ingillhicmosquic apmopvan aptamjaycam acyimtalhnamo. Aptomja Apyimtalhnamo, am elhno enlhit ayajamalhco apvalhoc.

SAN LUCAS 1:51 Iomraidhean Croise

GÉNESIS 11:8

Apquilhpancasquic nic nat enlhitaoc lhalhma anco Dios Apyimtalhnamo. Apquilvatsamquic nic nat apquillanay tingma apvanyam.

GÉNESIS 6:5

Apvitac nic nat Dios Apyimtalhnamo apquiltemaclha apquilmapsomcaa enlhitaoc lhalhma anco. Inquilquitamquic nic nat mataa apquilvalhoc asoc almasomcaa.

GÉNESIS 8:21

Inticjancasquic nic nat Dios Apyimtalhnamo actemaclha acmasis. Intomjac nic nat apvalhoc Dios Apyimtalhnamo: —Motvacsejec sat mataa as nalhpop ayinyema apquilsilhnanomap apanco enlhitaoc. Asomcoc mataa alquitamsama apquilvalhoc enlhitaoc ayenmo aptemaclha apquitcoc. Motvacsejec sat mataa aclhamoclhojo asoc aleyvam lhalhma anco. Motniclhejec sat mocjam sictomjaclha alhta.

SALMOS 118:15

Inlingalhquic amyaa ningiltomja ningilyimnatem nipyesicsa ingnaymacoc. Yiplovcoc apquilminaycmascama natingma. Apmopvan aptamjaycam Visqui ingac.

SALMOS 33:10

Aptovasquic Visqui ingac actemaclha apquilpamejitsomap enlhitaoc. Apquilvatescasquic mataa actemaclha allhanma apquilvalhoc enlhitaoc.

SALMOS 52:9

Otnejic sat mataa gracias lhip Dios Visqui ingac setnesquiscama actamila. Otnejic sat siyayo lhip, apvisay aptamila apanco. Olngacsic sat nipyesicsa lhip apnaymacoc.

SALMOS 63:5

Copayjiclhac sat evalhoc, malha naysicsa sictom actamila anco. Otnejic sat siyayo lhip acyiplomo acpayjayclha evalhoc.

SALMOS 89:10

Apcajac alhta lhip sinavocpo (egipcios). Malha acmatnam acvitalhco ápac. Apquilhpancasquic alhta lhip cotnaja ingmoc ayinyema apmopvan apanco.

SALMOS 89:13

Apyimnatem apanco lhip. Apyimnatem apanco lhip ayinyema apmic.

SALMOS 98:1

Elminaycmas sat alhnancoc ningminaycmascama. Visqui ingac aptamjaycam simpilapquiscama. Apyimnatem apanco ayinyema apmopvan. Acyitsomalhca apectong acyimnatem.

ÉXODO 18:11

Apyimtalhnamo apanco Dios Apyimtalhnamo, am colhno quilaycmasquiscama acyitsomalhca dios. Apquilmasma alhta enlhitaoc apquillingaycamco acyimtalhnamo ayinyema alhta apquilyimtalhnesomap apanco (co Egipto) — nic nat aptomjac Jetro.

ISAÍAS 40:10

Apquilhyacme Dios Dios Visqui ingac acyiplomo acyivey apmopvan. Acyimnatem anco apectong, am colhno enlhit. Apquilmamyi apquillhingam enlhitaoc apquilmomap. Apquillhalhma apquiltomjac apquilmam Apvisqui.

ISAÍAS 51:9

Apquiltomjac alhta quellhip: ¡Visqui ingac, ilhaticja, ilhaticja! ¡Itasquis sat aptemaclha apmopvan, acno aptomjaclha lhip nanoc nat! Lhip nic nat apcajem najan aptovascama sinavocpo Rahab, acvisay nimisma acyivey payjoc yingmin acvanyam.

ISAÍAS 52:10

Apvitascasquic actemaclha apyimnatem, malha apyascama netin apmic. Apquilvitac aplhamoclhojo enlhitaoc lhalhma anco. Apquilanoc singvomquiscama tap apquinyema Dios Visqui ingac.

ISAÍAS 63:12

Aptomjac nic nat aplhalhma Moisés acyiplomo apmopvan apanco. Aptomja apquilhpanma yingmin acvanyam elmilanic apnaymacoc, actemaclha simpilapquiscama cotmongvoycamlha nelha.

JEREMÍAS 49:15

Comascoc sat apquiltemaclha apquilyimnatem quellhip, ayinyema coo. Elvenacpoc sat quellhip nipyesicsa enlhitaoc.

DANIEL 4:37

Coo sicvisay Nabucodonosor. Actimec coo siyayo Dios apna netin, apvisay Mayayo najan Apyimtalhnamo. Aptomja appeyvomo najan nasoc anco aptemaclha. Apvanquic eyinyovsic (elvatesquisic) apquiltemaclha apancaoc enlhit apquilyimtalhnamo.

ROMANOS 1:21

Apquilyasamco inyicje as enlhitaoc apna netin Dios. Am eyca eltomjac apquilayo, am najan eltomjac gracias Dios ayinyema apcaycaoc. Inquilquitamquic mataa apquilvalhoc asoc almasomcaa. Am colmac apquilvalhoc actamila ayinyema Dios, malha yatescamalhma intomjac apquilvalhoc.

2 CORINTIOS 10:5

Ingvanquic nincoo ongiltovacsic apquiltemaclha enlhit nano apquiltomja apquilinmelhaycam Dios. Malha ningilmam apquilvalhoc sat cotnejic enlhitaoc. Malha ningnalayclha apquilmomap sat cotnejic apnaclha Cristo yoyam elilyejiclhojo Cristo.

DEUTERONOMIO 4:34

¿Aplhenacpe ya poc Dios, aptomja apquilyacyescama apquilmolhama nipyesicsa enlhitaoc lhalhma anco? ¿Apquillingamco ya acyimtalhnama? ¿Apquilvita ya asoc simpilapquiscama najan monquinatquiscama najan apquilnapomacpilha, acyiplomo apmopvan aptamjaycam Dios? Invitalhquic alhta nipyesicsa quellhip apnaycam yoclhilhma Egipto.

1 SAN PEDRO 5:5

Actomjac coo silanya quellhip quilyimnanic: Elilyejiclhojo sat mataa ingilyipmaa apquilvanyam. Actomjac coo silanya quellhip elyalhinga: Noelyimtalhnesacpojo apanco nipyesicsa. Elpasim sat mataa poc, malha apquilancam. Eycaso actomja actalhesomalhca: Apquilyasquic mataa olhma Dios yoyam eyimtalhnesacpojo apanco enlhit. Dios eyca epasmoc sat mataa enlhit aptomja meyimtalhnesomap apanco —nic nat intomjac vaycajac.

EL APOCALIPSIS 18:8

Incovac sat lhama acnim yoyam elngamcojo acmasca: actemaclha ningitsepma najan acyitnocjayo apquilvalhoc najan ayajem mayc najan emyetic sat as tingma. Ayinyemaclha apyimnatem apanco Dios aptomja apyanmongsayclha apquiltemaclha enlhitaoc as tingma —alhta intomjac siclingay.