SAN LUCAS 1:48 - Enhlit Bible

⁴⁸ Coo sictomja silancam moyimtalhnamo. Jelanoc sictemaclha Dios Ingyapam. Jeltimjic sat mataa selinyejemo aplhamoclhojo enlhitaoc aptovana niptamin.

SAN LUCAS 1:48 Iomraidhean Croise

GÉNESIS 30:13

Intomjac nic nat avalhoc Lea: —Selinyejemo nac coo. Jelhenam sat enaymacoc sictomja selinyejemo. Etnejic sat apvisay Aser, Apquilinyejemo— nic nat intomjac.

2 SAMUEL 7:8

Aptomjac nic nat mocjam Dios: —Itne sat ingyanic apvisqui David aptomja selancam: Eycaso sicpayvam sicvisay Dios Sicyimtalhnamo: Alyacyesquic alhta coo lhip apna amyip naysicsa aptamilquiscama apnatoscama. Actimescasquic alhta lhip apquimja apmamyi, etnejic apvisqui nipyesicsa enlhitaoc ajancaoc, enlhitaoc Israel.

SALMOS 102:17

Ingyeylhojoc sat apquilmalhnancama enlhitaoc acyajapma apquilvalhoc. Ingyeylhojoc sat apquilmalhnancama mepqui aptanoncama.

SALMOS 136:23

Am nic nat colvoncacmoc singvita ninlingaycamco. Comasquejec mataa singasicjayo Visqui ingac.

SALMOS 138:6

Apnec maa netin Visqui ingac. Ingilano inyicje actemaclha ingvalhoc. Ingilyicpilcoc nincoo, acyitna inlhojo ayajamalhco ingvalhoc.

SALMOS 72:17

Comasquejec sat mataa apvisay apanco. Colhic sat mataa ayaco. Colhic sat acvaticjapquisa apyovoclhojo enlhitaoc lhalhma anco. Apquilinyejemo sat elhenacpoc apvisqui rey.

ISAÍAS 66:2

Coo alhta ayinyema aclhamoclhojo asoc, coo alhta sillanay. Acyispaquic coo aptemaclha enlhit mepqui apyimtalhnesomacpo apanco najan mepqui ayajamalhco apvalhoc, aptomja apcayo sicpayvam.

MALAQUÍAS 3:12

Eltamjacpoc sat apquilinyejemo quellhip, macyisponcama Dios Apyimtalhnamo. Eycaso sicpayvam Visqui Sicyimtalhnamo — alhta aptomjac Dios — nic nat aptomjac profeta.

SAN LUCAS 1:28

Aptalhningvocmo alhta ángel Dios apcasinancama acnaclha quilvana. Appayvasquic alhta: —Lhiya nac. Quilinyejemo nac anco lhiya. Aplhalhma aptomjac lhiya Visqui ingac. Apquimlaycmoc lhiya Dios Ingyapam, colhno innaymacoc —alhta aptomjac.

SAN LUCAS 1:42

Inyimnatasoc alhta acpayvam Elisabet: —Apquimlaycmoc lhiya Dios Ingyapam. Altamjoc coo, yoyam epasmoc ayitca avalhoc lhiya.

SAN LUCAS 1:45

Quilinyejemoc anco lhiya actomja coyasquiyam. Cotnejic sat asoc aptomja aplhanma alhta Visqui ingac —alhta intomjac Elisabet.

SAN LUCAS 1:49

Avanjec setnesquiscama asoc altamila Dios Apyimtalhnamo. Acponquinomalhca nac apvisay apanco.

SAN LUCAS 11:27

Naysicsa apquiltimnascama alhta Jesús alpalhamamcaa lhama quilvana nipyesicsa enlhit: —Inquilinyajavoc anco quilvana actimquiscama nat lhip najan actomja ayaycaoc neme ac —alhta intomjac.

1 SAMUEL 1:11

Intomjac nic nat almalhnancama Ana: Dios Apyimtalhnamo. Jelanojo coo, nojetanov nasa sicvisay silancam lhip. Jetingyasquis sat sictamongvoyam. Etnejic sat lhip apanco, etnejic sat lhip apquilancam. Mepqui apyisem sat cotnejic apcatic, yoyam cotnatsalhquejec mataa, aptomja lhip apquilancam — nic nat intomjac almalhnancama.

1 SAMUEL 2:8

Aptomja apmiyasquiclha netin enlhit mepqui asoc, najan enlhit aplingaycamco acyimtalhnama. Colhic sat acnesa nipyesicsa apquilyimtalhnamo. Colhic sat ayaco ayinyema Dios. Aptomja apquilantipquiscama nic nat aclhamoclhojo asoc, aptomja najan apmasma aclhamoclhojo asoc.