SAN LUCAS 1:35 - Enhlit Bible

³⁵ Apcatingmavoc alhta ángel Dios apcasinancama: —Evayventac sat Espíritu Santo tacjalhit lhiya. Cajapvotac sat lhiya Visqui netin apmopvan malha yipjopay. Eponquinacpoc sat sicaa aptiyacmo sat. Eltamjacpoc sat Dios Apquitca.

SAN LUCAS 1:35 Iomraidhean Croise

JOB 14:4

Mepqui ayalhnayo mataa apvalhoc enlhit, mepqui mataa aptemaclha appeyvomo.

JOB 15:16

Apquiltanovacpec enlhit napato Dios, ayinyema aptemaclha apanco aclhamoclhojo acnim, acno ningyam yingmin aclhamoclhojo acnim.

JOB 25:4

¿Apvanqui ya enlhit apanco etningvomoc napato Dios, naysicsa aptemaclha apsilhnanomap apanco?

SALMOS 2:7

Eycaso actomja Dios appayvam yoyam olngacsic: —Aptomjac alhta seyanya coo: Lhip aptomja sictamongvoyam. Actimescasquic lhip acnim nac jay.

SALMOS 51:5

Naso, sicmasom coo ayenmo sictiyaycamlha. Sicmasom nac coo ayenmo motyaycamlha coo.

SAN MATEO 1:18

Eycaso actemaclha alhta aptiyaycamlha Jesucristo. Inponquinalhquic alhta María. Apponcanma alhta José, yoyam etnejic aptava. Am alhta colyimjapac mocjam. Inyasamcoc alhta María actomja inlovso ayinyema apmopvan Espíritu Santo.

SAN MATEO 1:20

Naysicsa allheneycam apvalhoc alhta José, acvanmesa lhama ángel Visqui apcasinancama. Aptomjac alhta ángel apcanya José: —José, lhip nac David aptavin niptamin. Nongya nasa etnejic aptava María. Ayinyemaclha Espíritu Santo aptimesquiscama inlovso.

SAN MATEO 14:33

Apquilticlhiquic alhta aptapnaoc enlhit apnaycam barco avalhoc. Apquiltomjac alhta apquilanya Jesús: —Nasoc anco aptomja lhip Dios Apquitca —alhta apquiltomjac.

SAN MATEO 27:54

Lhama alhta apquilvita acyovjamcaa nalhpop capitán najan singilpilhtetemo apquiltamilquiscama Jesús. Apquilvitac alhta aclhamoclhojo asoc. Apquilacac alhta. Apquiltomjac alhta aplhenacpo Jesús: —Nasoc alhta Dios Apquitca as enlhit —alhta apquiltomjac.

SAN MATEO 4:3

Yejemoc alhta acvaa acyipconma apnaclha Jesús. Intomjac alhta ayanya Jesús: —¿Naso ya lhquip Dios Apquitca? Ingyane sat cotniclha nintom as mataymong —alhta intomjac.

SAN MARCOS 1:1

Eycaso ayenmoclha tasic amyaa Jesucristo, Dios Apquitca.

SAN MARCOS 1:24

—Jesús co Nazaret. ¿Soc pa jintimesquisic nincoo? ¿Apvaa ya lhquip, yoyam jingilmascoscomoc? Acyicpilcoc lhip, Dios Apponcanma nac lhip —alhta aptomjac.

SAN LUCAS 1:27

Apcanama alhta eltimnascomoc quilvana mepqui atava acvisay María. Acponquinomalhca alhta María. José alhta apponcanma, David aptavin niptamin alhta.

SAN LUCAS 1:34

Incatingmavoc alhta María: —¿Jalhco sat cotnejic as asoc? Am coo etava ma —alhta intomjac.

SAN LUCAS 1:36

Ca incolanojo actimem moc Elisabet. Actomjaclhojo acvanyam intomjac inlovso. Apquinavo sat maa ayitca. Seis piltin alhta actomja inlovso. Ayanyomalhca alhta cotay ayitca.

SAN JUAN 1:34

Acvitac alhta coo. Aclingasquic coo apvisay aptomja Dios Apquitca —alhta aptomjac.

SAN JUAN 1:49

Aptomjac alhta mocjam Natanael: —Singillhicmoscama, lhip nac aptomja Dios Apquitca. Lhip aptomja enlhitaoc Israel Apvisqui apancaoc —alhta aptomjac.

SAN JUAN 20:31

Innatalhesalhqui inyicje asoc sinpilapquiscama as vaycajac, yoyam melyascamejec quellhip Jesús aptomja Cristo Dios Apquitca. Colhic sat acyimnatem apnenyaoc quellhip apquiltomja melyasquiyam apvisay apanco.

LOS HECHOS 8:36

Lhama alhta apquilyeycajangvocmo acyitnamaclha yingmin. Yejemoc alhta aptomja apcanya as enlhit: —Quip ilanojo, yingmin nac jay. ¿Movanqueje ya otingya yapasquiscama yingmin? —alhta aptomjac.

GALATAS 2:20

Malha siyitsepma lhama alhta Cristo asoc timyescama. Inmasquec actemaclha evalhoc nano. Cristo apnac evalhoc quilhvo. Yitnec coo acyimnatem enquenyic ayinyema moyasquiyam Dios Apquitca. Ayinyemaclha eyasicjavoc Dios Apquitca, apyinyovsomacpo apanco seyanmongam coo.

EFESIOS 2:3

Ningilvajanamquic alhta nincoo lha nintemaclha inganco. Ningilyajaclhoc alhta mataa actemaclha ningmayjayoclha najan actemaclha ayitsepma ingnenyic. Covanquejec alhta jingyeycajac apyanmongsayclha Dios nintemaclha inganco. Ningno nincoo enlhitaoc lhalhma anco.

HEBREOS 4:15

Apvanquic Jesús jinglingamcojoc lhama naysicsa mepqui ningilyimnatem yoyam jingimlimojo. Innec alhta acyicpilco Jesús ningnoc nincoo lha. Am alhta eyca coyitnac meyascalhma Jesús.