SAN LUCAS 1:30 - Enhlit Bible

³⁰ Aptomjac alhta apcanya ángel: —María, nojeya nasa. Apquimlaycmoc lhiya Dios —alhta aptomjac.

SAN LUCAS 1:30 Iomraidhean Croise

GÉNESIS 6:8

Inlicavoc nic nat apvalhoc Dios Apyimtalhnamo aptemaclha Noé.

ISAÍAS 41:10

Noela nasa quellhip. Coo sictomja sellhalhma. Noncotnajam nasa apquilvalhoc. Coo sictomja Dios Apvisqui apancaoc. Olyimnaticsojoc sat quellhip. Opasmoc sat mataa quellhip. Coo sat omamcoc emic actomja acyimnatem.

ISAÍAS 41:14

Noela nasa quellhip Jacob apquilmolhama. Apquitcoc apancaoc quellhip malha ascoc. Apcanito quellhip enlhitaoc Israel. Eycaso sicpayvam sicvisay Dios: —Opasmoc sat quellhip. Sicmasma quellhip sicvisay Sicyimtalhnamo.

ISAÍAS 44:2

Coo sictomja silantipquiscama quellhip. Malha sicaa sictimesquiscama avalhoc inquin. Coo sat opasmoc quellhip. Noela nasa Jacob apmolhama sictomja selancam quellhip. Noela nasa quellhip enlhitaoc Israel (Jesurún) sictomja silyacyescama.

SAN MATEO 14:27

Aptomjac alhta Jesús apquilanya apquiltamsoycaoc: —¡Elyimnates apquilvalhoc! ¡Coo nac aso, nojela nasa! —alhta aptomjac.

SAN MATEO 28:5

Aptomjac alhta ángel apquilanya quilvanaa: —Nojela nasa. Acyasamcoc coo, Jesús inquilquitamac quellhiya, apyipitsomap alhta asoc timyescama.

SAN LUCAS 1:13

Aptomjac alhta apcanya ángel Dios apcasinancama: —Zacarías, nojeya nasa —alhta aptomjac. Aplingac mataa Dios Ingyapam lhip apquilmalhnancama. Cotimsic sat ayitca lhip aptava Elisabet. Itnesquis sat apvisay Juan.

SAN LUCAS 12:32

“Noela nasa quellhip sicnatoscama apcanito. Apquiltamjoc Ingyapam netin elmesic apquilnancascama.

LOS HECHOS 27:24

Aptomjac lhac seyanya: “Nongya nasa Pablo. Incaymalhquic evoclhac sat lhip apnaclha apvisqui co Roma. Eycaso ayinyema, yoyam elvomsacpoc tap aplhamoclhojo apquillhalhmaa” —alhta aptomjac ángel Dios apcasinancama.

ROMANOS 8:31

¿Jalhco sat ongiltimjic nincoo? Aptomjac sat ancoc Dios singmasma nincoo, copvanquejec lhama enlhit jingilinmelham nincoo.

HEBREOS 13:6

Ingvanquic nincoo ongillhenic naysicsa mongyasquiyam: Visqui ingac aptomja sepasmom. Mongvacyejec sat mataa coo yoyam jetvacsic poc enlhit —sat ontimjic nincoo.