SAN LUCAS 1:17 - Enhlit Bible

¹⁷ Etnimsic sat Juan apmamyi Visqui ingac. Eyiplovjoc sat amay aptemaclha nic nat Elías Dios aplingascama. Colhic sat najan apmopvan apanco. Eltajicsojoc sat apquilvalhoc apquilyapmayc. Elasicjangvomoc sat mocjam apquitquic. Eltajicsojoc sat apquilvalhoc enlhit colyavameycaoc. Elvajaningvomoc sat apquiltemaclha enlhit apquilpeyvomo. Elanic sat elpenacsojo actema nac jay enlhitaoc, yoyam elmoc tacja Visqui ingac —alhta aptomjac ángel Dios apcasinancama.

SAN LUCAS 1:17 Iomraidhean Croise

1 REYES 17:1

Apnec nic nat profeta Dios aplingascama apvisay Elías, tingma Tisbe yoclhilhma Galaad. Aptomjac nic nat profeta Elías apcanya apvisqui Acab: —Dios Apvisqui apancaoc Israel aptomja aplingayo sicpayvam. Sictomja silancam Dios apquilmilaneycaoc. Naso, mepqui acmamay najan mepqui yalya sat cotnejic as ningvamlha nac jay, acvocmo siltamjo sat yingmin — nic nat aptomjac.

1 REYES 18:18

Apcatingmavoc nic nat profeta: —Jave coo. Lhip actomja apquilsilhnanoncama enlhitaoc najan apmolhama. Apyinyovquic lhip Dios najan apmolhama. Apquilpayasoc mataa quilaycmasquiscama acvisay Baal.

1 REYES 21:20

Apcatingmavoc nic nat Acab: —¿Cotnaja ingmoc nac lhip, quilhvo ya seta'a? — nic nat aptomjac. —Eje, acvitac coo lhip — nic nat aptomjac Elías. Lhip aptemaclha apmapsom napato Dios.

2 REYES 1:16

Aptomjac nic nat Elías apcanya apvisqui rey: —Ingyeylhojo Visqui ingac appayvam: Apcapajasquic alhta lhip acyitnaclha quilaycmasquiscama acvisay Baal-zebub, malha visqui apancaoc co Ecrón, eyasamcojo yavamlha sat cotnejic. ¿Apcanayqui ya lhquip mepqui Dios Visqui apancaoc nipyesicsa enlhitaoc Israel? Metamalvomejec sat lhip, ingyitsapoc sat maa — nic lhac Dios Visqui ingac — nic nat aptomjac profeta.

1 CRÓNICAS 29:18

Lhip nac Dios Visqui apancaoc ningilyeyjamcaa Abraham, najan Isaac najan Israel. Ingyane sat colhic mataa actamilaycam apquilvalhoc as enlhitaoc, ilmiyov sat mataa, yoyam melvatsamquejec sat mataa as enlhitaoc.

2 CRÓNICAS 29:36

Avanjec nic nat acpayjayclha apvalhoc apvisqui najan apyovoclhojo enlhit. Pilapcasquic nic nat apquilvita aptemaclha Dios nipyesicsa enlhit quilhvoc anco.

SALMOS 10:17

Visqui ingac. Apjalhnoc lhip apquilmalhnancama enlhit conjamalhca apquilvalhoc. Aptamilquiscacmec lhip apquilvalhoc.

SALMOS 111:10

Acyivey ningyascamco ayinyema ningilayo mataa Visqui ingac. Ontimjic sat ningyascamco ningiltomja ningyiplovquiscama. Colhic sat mataa ayaco Dios Visqui ingac.

SALMOS 78:8

Melvajanamquejec sat mataa apquiltemaclha apancaoc apquilyeyjamcaa. Apquiltemaclha nic nat apquilinmelhaycam Dios Visqui ingac. Apquiltemaclha nic nat apquilyinimquiscama. Mepqui nic nat actamilaycam apquilvalhoc. Apquiltemaclha nic nat apquilyeycajascama apquilpayvam.

ISAÍAS 29:24

Elyasingvomoc sat acyeyjamelhma apquilvalhoc, eltimjic sat apquilyascamco. Colmoc sat apquilvalhoc singillhicmoscama enlhit apquilinmelhaycam siclho — alhta aptomjac Dios — nic nat aptomjac profeta.

AMÓS 4:12

Quellhip enlhitaoc Israel, olhnasojoc sat actema nac jay nipyesicsa quellhip. Elpenacsojo sat quellhip, cotlapsic sat sicvitamalhca — alhta aptomjac Dios Apyimtalhnamo.

SAN MATEO 11:14

Apquililtamjoc sat ancoc melyascomoc amyaa quellhip. Juan apvisay profeta Elías aplhenamap, yoyam eva.

SAN MATEO 14:4

Aptomjac alhta siclho Juan apcanya apvisqui Herodes: —Copvanquejec lhip etnejic aptava apyalhing aptava —alhta aptomjac.,

SAN MATEO 3:3

Aplhenamacpec nic nat Juan. Aplhanma ilhnic nat Isaías profeta Dios aplingascama. Eycaso aptalhescama ilhnic nat: Appameteycam enlhit apquilpalhamaycam yoclhilhma actamopeycaoc: “Ellanesquis amay yoyam eyacsic Visqui ingac. Elpeyvacsojo amay pac,” —nic nat aptomjac.

SAN MATEO 3:4

Voncayispoc moctoscama ava alhta aptalhnama Juan. Asoyimpejic alhta apyapmam. Sova alhta aptom najan yovjan.

SAN LUCAS 1:16

Eltajicsojoc sat apquilvalhoc enlhitaoc co Israel. Elpeyveclhac sat mocjam Dios Visqui apancaoc.

SAN LUCAS 1:76

Lhip eyca aptomja sictamongvoyam. Eltamjacpoc sat lhip apvisay soycam amyaa apanco. Etnimsic sat lhip apmamyi Visqui ingac. Elanesic sat amay, yoyam eyacsic.

SAN JUAN 1:13

Jave apquiltamongvoyam apanco. Jave appaliyam ayinyema enlhit. Jave najan enlhit ayinyema apquiltimesquiscama. Dios Ingyapam eyca apquiltimesquiscama apquitquic.

SAN JUAN 1:34

Acvitac alhta coo. Aclingasquic coo apvisay aptomja Dios Apquitca —alhta aptomjac.

SAN JUAN 3:28

Apquillingac alhta quellhip siltimnascama sicvisay: Jave coo Cristo. Coo eyca sictomja siyapajasomalhca emamyi.

LOS HECHOS 10:33

Yejemoc alhta silapajasa silancam siyanya elyantavoclha lhip. Actamilaclhojo apvactamo lhip. Ninnec nincoo ningilanalhco napato Dios Ingyapam. Ningiltamjoc nincoo ongilaylhojo apquiltimnaycam lhip actemaclha alhta apcanama Visqui ingac, yoyam jingiltimnacsic lhip —alhta aptomjac Cornelio.

ROMANOS 9:23

Apquiltamjoc Dios yoyam cotalhca gloria aptemaclha apyimtalhnamo ningyesicsa nincoo naysicsa singimlaycmo. Aptomja singilanesquiscama Dios yoyam ongilpasmoc sat gloria aptemaclha apyimtalhnamo yoyam covac sat.

COLOSENSES 1:12

Eltimjic sat gracias Ingyapam naysicsa acpayjayclha apquilvalhoc. Apquiltamjoc yoyam ellhovac quellhip apmescama apquilpasmeyquiclha Dios apquilyacyescama naysicsa ayitsayoclhilhma apanco.

2 TIMOTEO 2:21

Incaymalhquic mongilpasmiclhejec asoc acmasom. Onlhojoc sat nincoo asoc actamila anco mepqui ningmaycam acyovoclhojo acnim. Onlhojoc sat asoc acponquinomalhca najan asoc acmomalhca, actomja apvisqui apmaycam. Ontimjic sat malha ninpensomalhca yoyam ongillana nintamjaycam actamila.

1 SAN PEDRO 2:9

Quellhip apquiltomja Dios apquilyacyescama. Quellhip apquiltomja Dios apquilancam Visqui apmolhama. Quellhip apquiltomja enlhitaoc apquilponquinomap, apquiltomja Dios apmolhama. Apquiltamjoc Dios yoyam ellingacsic quellhip aptamjaycam sinpilapquiscama. Aptomja najan apquilanama quellhip yoyam elvatsamcoc quellhip apquileyvam naysicsa yatescamalhma yoyam elvomoc ayitsayoclhilhma actamila.

1 SAN JUAN 2:28

Quellhip eyitquic. Lhama siclhanma mocjam: Eltime sat mataa apquilpasmeyquiclha Jesucristo. Ningvitac sat ancoc mocjam Jesucristo, copayjiclhac sat ingvalhoc. Mongilmancacsejec sat nincoo napato apvactamo sat.

EL APOCALIPSIS 20:4

Natamin acvitac alhta aclhamoclhojo Visqui apquiltajanem. Apnam alhta apquilyimtalhnamo netin apquiltajanem yoyam eltimjic apquilyicpilquemo. Acvitac alhta najan apquiljangaoc apticyovam alhta nano, ayinyema apquillingascama alhta nano apvisay Jesús najan apquillingascama Dios appayvam. Am alhta elpayasoc nano asoc navjac aclom najan quilaycmasquiscama anco. Am alhta colcajasalhca payjaclha napaat inlhoyqui laa apmic. Inquilyimnavocmec alhta mocjam apnenyaoc apticyovam nano. Apquilviscaa alhta apquiltomjac apquillhalhmaa Cristo acvocmo mil años.

1 SAMUEL 7:5

Aptomjac nic nat Samuel apquilanya: Elansiclha sat tingma Mizpa apyovoclhojo enlhitaoc Israel. Olmalhnesquisic sat quellhip napato Dios — nic nat aptomjac.