SAN LUCAS 1:10 - Enhlit Bible

¹⁰ Apcaneyclhec alhta appintalhnama enlhit nipva tingma. Apquililmalhnaquic alhta naysicsa acvatnamalhca asoc masis.

SAN LUCAS 1:10 Iomraidhean Croise

SALMOS 141:2

Cotnejic sat silmalhnancama, malha macmescama lhip. Cotnejic sat sicmiyasquiclha netin emeoc. Malha macmescama lhip actalhnam.

EZEQUIEL 46:3

Incaymalhquic eltimjic apquilayo Dios apyovoclhojo enlhit acnim ninnayclha najan acnim piltin apjalhnancoc, payjoc as atong acyivey.

LEVÍTICO 16:17

Incaymalhquic Aarón aplhapco etlhic congne santuario, mepqui poc aplhalhma acvaycmo aptiyapma mocjam, colhic sat acmascosa melyascalhma apancaoc enlhit. Inmascosalhquic sat ancoc meyascalhma apanco Aarón, najan melyascalhma apquilmolhama familia, najan melyascalhma apyovoclhojo enlhitaoc.

HEBREOS 4:14

Jesús aptomja Dios Apquitca. Apnec nincoo Jesús aptomja Dios apquilancam apyimtalhnamo apanco, aptomja aptalhningvayclha apmaclha Dios. Incaymalhquic ongilinlhanmojo naysicsa ninlhanma apvisay.

HEBREOS 9:24

Aptalhningvoclhec alhta Jesús tingma apponquinomap cotnaja enlhit apquillanay. Ayinyemaclha tingma apponquinomap as nalhpop aptomja malha quilaycmasquiscama ayinyema “apponquinomap apanco” netin. Aptalhningvoclhec alhta netin Cristo yoyam etnejic singilmalhnesquiscama napato Dios.

EL APOCALIPSIS 8:3

Yejemoc alhta apvaa poc ángel apsoycam ingjaycoc alyinmom acvisay apvatnamaclha asoc masis. Apquiningvaac alhta acyitnaclha acvatnamalhquilha asoc macmescama Dios. Apmesacpec alhta cotlaycaoc asoc masis, yoyam epquinic netin acvatnamalhquilha asoc macmescama Dios. Asoc masis actomja malha apquililmalhnancama Dios apquilyacyescama. Yitnec acvatnamalhquilha asoc macmescama Dios, acyitnaclha amamyi Visqui aptajanem.