LEVÍTICO 8:8 - Enhlit Bible

⁸ Apyipitcasquic nic nat payjoc apnenyic acvisay pectoral, acyitna avalhoc maa Urim najan Tumim, actemaclha ningyicpilquemo.

LEVÍTICO 8:8 Iomraidhean Croise

ESDRAS 2:63

Apquilanyacpec nic nat melpasmejec mataa aptoycaoc acponquinomalhca, ayinyema apcanama apvisqui maa. Incaymalhquic nic nat siclho eyipconic apquimja apmamyi sacerdote Urim najan Tumim.,

NEHEMÍAS 7:65

Apquilanyacpec nic nat melpasmejec mataa aptoycaoc acponquinomalhca, ayinyema apcanama apvisqui maa. Incaymalhquic nic nat siclho eyipconic apquimja apmamyi sacerdote Urim najan Tumim.

ÉXODO 29:1

Iponquinquis sat sacerdotes actema nac jay: Itingya sat lhama vayqui inquinavo najan dos nipquesic apquilinava, mepqui acmasom apyimpeoc.

LOS CANTARES 8:6

Jeyantemiclha sat lhip, semam coo ayinyema lhip apvalhoc acmam. Malha semam coo lhip apectong. Acliclamo ingvalhoc acyitsomalhca acyimnatem, malha ningitsepma mongmovan ongmascocsic. Ayitsepma ingnenyic acyitsomalhca acyimnatem, malha tacjalhop, mongmovan ongilyeycajacsic. Acliclamo ingvalhoc acyitsomalhca talha alayvom, mongmovan ongmascocsic.

ISAÍAS 59:17

Yitnec aptemaclha appeyvomo Dios Apyimtalhnamo, malha apmaycam ningajapsomalhca. Yitnec aptemaclha singmasma Dios Apyimtalhnamo, malha apmaycam ayajapsomalhca impatic. Yitnec apyanmongsayclha apquiltemaclha apancaoc, malha apquilmaycam Dios Apyimtalhnamo. Yitnec apquinmelhaycam naysicsa aplom Dios Apyimtalhnamo, malha apmaycam apcalomap.

NÚMEROS 27:21

Ingyane sat Josué eyoclhojoc mataa sacerdote Eleazar. Eyasamcojoc sat mataa sacerdote actemaclha apmayjayoclha Dios ayinyema Urim asoc singyascasingviyam. Eyasamcojoc sat mataa Josué yavamlha elimpocjac quellhip cotnaja ingmoc najan acvamlha elvotac sat mocjam. Elyasamcojoc sat mataa aplhamoclhojo enlhitaoc Israel — nic nat aptomjac Dios.

EFESIOS 6:14

Elpenacsojo quellhip, malha yoyam elnapacpoc. Elyiplovcasojo actemaclha nasoc anco, malha apnatetem niplhita. Elyiplovcasojo actemaclha acpeyvomo, malha apquilajapquiscama apnenyaoc.

DEUTERONOMIO 33:8

Aptomjac nic nat Moisés apquilanyacpo apquilmolhama tribu Leví: Mepqui apquilvatseycaoc mataa levitas apquiltamilquiscama napato Dios acvisay Tumim najan Urim, actemaclha ningyicpilquemo asoc acyilhamalhca napato Dios. Apyipconquic nat lhip enlhitaoc payjoc Masah, apquilatingmacpec alhta payjoc acyitnamaclha yingmin Meriba.

1 TESALONICENSES 5:8

Incaymalhquic ontimjic mepqui singilyeyjamelhma ayinyemaclha nincoo ningileyvam acnim anco. Yitnec mataa apquilajapquiscama apnenyaoc singilpilhtetemo najan apquilajapquiscama apcatcoc naysicsa apquilnapomap. Incaymalhquic nincoo lha coytic mongyasquiyam najan ningilasicjayo najan aljalhneycam ingvalhoc ongilvomsalhca tap.

1 SAMUEL 2:28

Alyacyesquic alhta enlhitaoc sacerdotes. Ellanac mataa selmescama coo asoc acmatnam, najan moc asoc selmescama coo. Elantalhniclhac mataa apava apvinatem sacerdote, seltimesaycam sicnaclha coo. Apvanquic mataa eltasomoc, acyitna inlhojo selmescama aptoscama apmatnam.,

1 SAMUEL 28:6

Aptomjac nic nat Saúl apquilmalhnaycam Dios yavamlha etnejic. Am nic nat ingyatingmavoc Dios. Mepqui ilhnic nat amyaa acvitay apvanmoncama. Mepqui ilhnic nat amyaa ayinyema sicas asoc ayamosilha, mepqui najan amyaa ayinyema profetas.