LEVÍTICO 8:35 - Enhlit Bible

³⁵ Elinlhanmojo sat apnaycam nicja apatong carpa apponquinomap acnim anco najan alhtaa, acvaycmo siete acnim. Elmiyovacpoc sat quellhip, apquilyiplovquisa inlhojo apcanamaclha Dios. Eycaso siyanyomalhca oltimnacsic quellhip — nic nat aptomjac Moisés.

LEVÍTICO 8:35 Iomraidhean Croise

1 REYES 2:3

Ilyejiclhojo sat actemaclha apcanamaclha etnejic. Iyiplovcasojo amay actemaclha apcanama Dios. Noyitnocjasquic nasa singanamaclha najan singascamaclha Dios. Noyitnocjasquim nasa aclhamoclhojo actemaclha singanamaclha apnatalhescama Moisés. Etnejic sat mataa apquilinyejemo lhip naysicsa aptiyascam najan naysicsa aptamjaycam.

ÉXODO 29:35

Iyiplovcasojo sat lhip najan Aarón najan apquitquic siyanamaclha coo. Ilinlhanmojo sat siete acnim apquiltingyey ofrendas actemaclha macponquinquiscama apquilyimtalhnamo sacerdotes (Aarón najan apquitquic).

EZEQUIEL 43:25

Ilnajap sat moclhama acnim lhama yataay apquitcoc, najan lhama vayqui, najan lhama nipquesic, altamila anco ayimpeoc, cotnejic macmescama Dios acyanmongam melyascalhma. Ilinlhanmojo sat apquilnapma acvaycmo siete acnim.

EZEQUIEL 48:11

Cotnejic sat acponquinomalhca apquileyvomaclha sacerdotes Sadoc aptovana, mepqui alhta selyamasma seltimesaycam mataa, naysicsa selyamasma levitas.

LEVÍTICO 10:1

Apcanit nic nat apquitquic Aarón, apvisay Nadab najan apyalhing Abiú. Apquilmec nic nat avalhoc apquilmaycam atilh najan asoc acmasis, eltimjic sat macmescama Dios. Am nic nat conyemac netin altar, atilh avalhoc apquilmaycam.

LEVÍTICO 14:8

Incaymalhquic enlhit aptamalviyam eyimyecsic apava aptalhnama, najan eyapacsic yingmin apyimpejic, najan ingyaptic ava napaat, etniclhac sat mepqui atanovmap napato Dios. Apvanquic epalhavota mocjam nipyesicsa apnaymacoc natingma. Copvanquejec etlhic tingma pac (aplhancoc) acvaycmo siete acnim.

LEVÍTICO 8:30

Apliquic nic nat mocjam Moisés asoc ningatsisquiscama najan ayitcoc ema acyitna netin altar. Apquilhpajac nic nat apyitsicsic najan aptalhnama Aarón najan apquilantalhnama apquitquic. Aptomjac nic nat Moisés apponquinquiscama napato Dios etnejic sacerdote Aarón najan apquitquic, acyiplomo apquilantalhnama apava apponquinomap.

LEVÍTICO 8:34

Apcanama siclho Dios, elhnasojoc sat mataa nintemaclha acnim nac jay, yoyam colhic acmascosa melyascalhma enlhit.

LEVÍTICO 8:36

Apquilyiplovcasquic nic nat Aarón najan apquitquic apcanamaclha Dios, aplingascama siclho Moisés.

NÚMEROS 19:12

Colhic sat ayilhpaja apyimpejic panatem ayalhnascama ingvalhoc, acvaycmo tercer acnim najan séptimo acnim. Colhic sat actamilaycam apvalhoc napato Dios. Am sat ancoc eyiplovcasac enlhit tercer acnim najan séptimo acnim, colhic sat mepqui ayalhnayo apvalhoc napato Dios.

NÚMEROS 3:7

Eltimesam sat apquilno sacerdotes congne carpa apponquinomap ayinyema apcanamaclha Aarón.

NÚMEROS 9:19

Acvoncaclhojo ilhnic nat acvitalhco yipjopay. Acvoncaclhojo ilhnic nat apquilnaclho enlhitaoc apquiltimesamcaa Dios.

2 CORINTIOS 7:1

Quellhip elyalhinga. Eycaso actemaclha aplhanma ilhnic nat Dios actomja nasoc anco. Nincoo ilhnic nat ingillhenac. Incaymalhquic ongilvatsamcoc actemaclha actomja acpaysimquiscama ningyovoclhojo nincoo najan acpaysimquiscama ingvalhoc ingac. Incaymalhquic nincoo ongiltamilsalhcojo inganco napato Dios.

DEUTERONOMIO 11:1

Aptomjac nic nat Moisés: —Elasicjojo quellhip Dios Apyimtalhnamo. Elyiplovcasojo quellhip singanamaclha najan singascamaclha ayinyema Dios.

1 TIMOTEO 1:18

Lhip Timoteo aptomja malha sictamongvoyam. Apquillhenquic nanoc alhta Dios apquillingascama aptemaclha lhip. Ayasinaquic coo lhip yoyam emyoc meyasquiyam najan acyasingvayclho apvalhoc actamila, malha ningilnapomalhca.

1 TIMOTEO 5:21

Actomjac coo siyanya lhip: Iyiplovquis sat actemaclha siltimnascama. Nomyov nasa lhama nipyesicsa. Notanov nasa poc nipyesicsa. Aplingac najan Dios actemaclha siclhanma najan Jesucristo najan ángeles Dios apquilasinancama.

1 TIMOTEO 6:13

Actomjac coo siyanya lhip. Aplingac najan sicpayvam Dios aptomja apquillanay nic nat aclhamoclhojo asoc. Aplingac najan Jesucristo aptomja aplingascama apvisay napato Poncio Pilato. Ilyejiclhojo sat lhip apcanyomap etnejic. Notniclha nasa moc actemaclha acvocmo acnim apvoyctamlha Jesucristo Visqui ingac.

1 TIMOTEO 6:17

Ilane sat lhip enlhitaoc acma apquilnatam yoyam melyimtalhnesacpejec apanco. Noelane nasa collhenic apquilvalhoc apquilnatam yoyam colvomsic tap. Ayinyemaclha comascoc sat apquilnatam. Ilane sat collhenic apquilvalhoc Dios aptomja singmescama aclhamoclhojo asoc naysicsa ayaymomalhca asoc.

1 TIMOTEO 6:20

Lhip Timoteo. Itamilquis sat lhip actemaclha apcanyomap etnejic ayinyema Dios. Nongyeylhojo nasa apquilpameteycam aptomja apquillhamasomap. Nongyeylhojo nasa apquilpayvam enlhitaoc apquilanem elyasamcoc aptemaclha Dios, apquiltomja apquilmopvan amyaa.

2 TIMOTEO 4:1

Actomjac coo siyanya lhip actemaclha siyasinaycam. Aplingac sicpayvam Dios najan Jesucristo yoyam evotac sat mocjam etnejic Apvisqui. Yoyam elyicpilcojoc sat enlhit apjalhnancaoc najan apquilmasquingvaycmo.

HEBREOS 7:28

Singanamaclha Moisés ayinyema actimesquiscama enlhit mepqui apmopvan yoyam etnejic Dios apquilancam. Invaac alhta alhayi aplhanma Dios yoyam colhejec acyascacmo. Eycaso actimesquiscama Dios Apquitca yoyam etnejic Dios apquilancam apyimtalhnamo cotmongvoycamlha nelha.