LEVÍTICO 7:12 - Enhlit Bible

¹² Actemaclha asoc macmescama Dios acvisay singasicjayquiclha mocjam, ayinyema aptimem gracias enlhit napato Dios. Comatong sat aptoscama macmescama Dios. Esantac sat enlhit tortas mepqui levadura alpalhquemalhca aceite, cotnejic macmescama Dios, najan nilpayescama mepqui levadura alpalhquemalhca aceite, najan tortas de harina alpalhquemalhca aceite.

LEVÍTICO 7:12 Iomraidhean Croise

2 CRÓNICAS 29:31

Aptomjac nic nat apvisqui Ezequías apquilanya enlhitaoc: ¡Quellhip apquillanayclha apquilvalhoc! Elsanta sat asoc apancaoc macmescama Dios, cotnejic sat gracias ningilayo Dios Visqui ingac congne tingma apponquinomap — nic nat aptomjac. Apquilsantac nic nat asoc macmescama Dios, cotnejic gracias apquilayo Dios Visqui ingac. Apquiltamjoc inlhojo poc, apvanquic enalantac apnatoscama, cotnejic macmescama Dios acyanmongam melyascalhma.

2 CRÓNICAS 33:16

Apquillaneclhec nic nat altar apquilvatnamaclha tingma apponquinomap. Aptingyac nic nat macmescama Dios, yoyam colhic alvatna, najan moc macmescama Dios actemaclha singasicjayquiclha mocjam, najan macmescama Dios actemaclha gracias a Dios. Apcapajasquic nic nat amyaa nipyesicsa co Judá, eltimjic sat apquilayo Dios Visqui apancaoc Israel.

NEHEMÍAS 12:43

Apquiltingyascasquic cotlaycaoc asoc macmescama Dios as acnim. Avanjec alhta acpayjayclha apquilvalhoc ayinyema Dios. Avanjec najan acpayjayclha avalhaoc quilvanaa najan ayitquic. Inlingalhquic alhta mocjay ayitsovasomalhca tingma Jerusalén.

SALMOS 107:8

Eltime sat gracias Visqui ingac singasicjayo. Ayinyema aptamjaycam simpilapquiscama nipyesicsa enlhitaoc.

SALMOS 116:17

Otnejic sat siyayo lhip, malha asoc macmescama. Molvaticsejec sat mataa silmalhnancama Visqui ingac.

SALMOS 50:23

Ningayo Dios acvisay nintimem mataa gracias Visqui ingac Dios. Jingilvomsic tap ningiltomja ningilinlhanyacmo ningyiplovquiscama Visqui ingac Dios.

JEREMÍAS 33:11

Colngalhcac sat mocjam apquilitsovascama naysicsa fiesta apancaoc. Colngalhcac sat mocjam apyimnanic appayvam apquitsovascama najan apponcanma quilvana ayitcoc. Eltingyac sat mocjam enlhit asoc macmescama Dios, elsaclhac sat tingma apponquinomap, acyiplomo apquilminaycmascama: Eltime sat apquilayo najan gracias Dios Visqui ingac apyimtalhnamo. Avanjec mataa singasicjayquiclho cotmongvoycamlha nelha — sat elminaycmacsic. Ongvasicjiclhojoc sat mocjam enlhit ajancaoc, eltimjic mocjam apquiltamila, acno apquiltemaclha siclhoc anco. Eycaso sicpayvam sicvisay Visqui apancaoc — alhta aptomjac.

OSEAS 14:2

Elyanmonquis moc apquilvalhoc quellhip, eltime sat quellhip: Dios Apyimtalhnamo, jingilasicjiclhojo sat mocjam. Ontimjic sat ningilayo lhip, colhojoc sat asoc macmescama lhip — eltime sat elanic quellhip.

LEVÍTICO 2:4

Apvanquic enlhit esantac ofrenda nintom mocjetic macmescama Dios. Acvisay torta allanomalhca harina alpalhquemalhca aceite, mepqui eyca asoc acyipjescama. Tasic najan nilpayescama alpalhquemalhca aceite, mepqui asoc acyipjescama.

LEVÍTICO 2:5

Apvanquic enlhit ellanac nintom avalhoc sartén, acvisay apyelaquiscama harina alpalhquemalhca aceite, mepqui eyca asoc acyipjescama.

LEVÍTICO 22:29

Aptingyac sat ancoc lhip macmescama Dios actemaclha gracias Dios, colhen sat apvalhoc cotnejic actamila aptoscama, comalhcac sat napato Dios.

LEVÍTICO 6:16

Nintom ayaymomalhca eltovamcoc sat Aarón najan apquitquic. Ellanac sat nintom napocja carpa apponquinomap mepqui alpalhquemalhca levadura asoc acyipjescama.

LEVÍTICO 7:15

Incaymalhquic elsavojo aptoycaoc apitic asoc acmatnam as acnim nac jay. Cotalhquejec sat moc acnim apitic ayaymomalhca.

AMÓS 4:5

Elninquin sat netin apquilvatnamaclha pan macmescama quilaycmasquiscama, emyetic sat. Ellingas sat apquiltemaclha quellhip apquilmescama nasa, colngalhcac sat lhalhma anco. Eycaso apquiltemaclha apancaoc quellhip — alhta aptomjac Dios Apyimtalhnamo.

NÚMEROS 6:15

Mocjam esantac alhancoc aclaneyo pan apquilanomap harina aptamila apanco, mepqui apquimpascaoc, eyca alpalhquemalhca aceite. Najan nilpayescama acyiplomo aceite, mepqui apquimpascaoc najan trigo apactic najan uva ayingmenic.

SAN LUCAS 17:16

Yejemoc alhta apquilpolintamo nalhpop. Apticlhiquic alhta napaat lhop apquinmamcaclha Jesús. Gracias alhta aptomjac aptamilviyam. Co Samaria alhta as enlhit.

SAN LUCAS 17:18

¿Apvamlha ya lhama metnaja nintemolhama aptajingvoyam, yoyam etnejic gracias Dios Ingyapam? —alhta aptomjac.

ROMANOS 1:21

Apquilyasamco inyicje as enlhitaoc apna netin Dios. Am eyca eltomjac apquilayo, am najan eltomjac gracias Dios ayinyema apcaycaoc. Inquilquitamquic mataa apquilvalhoc asoc almasomcaa. Am colmac apquilvalhoc actamila ayinyema Dios, malha yatescamalhma intomjac apquilvalhoc.

EFESIOS 5:20

Eltime sat mataa gracias Dios Ingyapam ellhenic aclhamoclhojo asoc apquillhoy, ayinyema apvisay Jesucristo Visqui ingac.

HEBREOS 13:15

Ingilane sat ongiltimjic ningilayo Dios ayinyema apvisay Jesucristo. Eycaso ningilayo actomja asoc macmescama Dios. Ninlhanma apvisay apanco actomja malha acyilhna actamila anco ningmescama Dios.

1 SAN PEDRO 2:5

Ellhojo sat quellhip yatipjaymacaoc melmasquingvoyam. Dios sat ellanac malha tingma apponquinomap. Eltimjic sat quellhip Dios apquilancam. Eltimjic sat apquilpasmeyquiclha Jesucristo, malha apquilmescama quellhip asoc macmescama Dios, actemaclha apyisponcama.