LEVÍTICO 6:5 - Enhlit Bible

⁵ Najan etajicsojoc sat asoc aplhanma siclho nasoc anco, yoyam etajicsojo. Etajicsojoc sat acyovoclhojo asoc actomja avtip apanco, más una quinta parte, actemaclha acyanmongam acvoncapaycaoc naysicsa apyantamayquinta aptoscama macmescama Dios acyanmongam apsilhnanomap apanco.

LEVÍTICO 6:5 Iomraidhean Croise

2 SAMUEL 12:6

Incaymalhquic eyanmongsiclha cuatro apnatoscama. Ayinyema alhta mepqui apcasicjayo, ayinyema aptemaclha apsilhnanomap apanco — nic nat aptomjac apvisqui.

NEHEMÍAS 10:35

Moclhama año ongilmecsic acyilhna ayinyema amyip ningvitay siclho amamyi, najan acyilhna ayinyema moclhama yamit actamila.

ÉXODO 22:1

Yitnec sat ancoc apminyilhma vayqui, inlhojo laa nipquesic. Apcajac siclho, apyinyovquic lhaja. Apcanyacpec apminyilhma eyinyoc (etajicsojoc) acyanmongam 5 vayqui, najan maa acyanmongam 4 nipquesic.

ÉXODO 22:4

Inyancac sat ancoc as enlhit vayqui acminyilhamalhca, najan yamelyeyjaycoc, najan nipquesic apminyilhamap. Etlhajac sat anit acyanmongam vayqui, anit acyanmongam yamelyeyjaycoc, najan anit acyanmongam nipquesic.

ÉXODO 22:7

Apcanyacpec sat ancoc enlhit etamilsic poc apanco solyayem najan asoc acmamnave. Inminyilhalhquic sat ancoc as asoc, emacpoc sat apminyilhma apvitamap. Eyinyoc sat anit acyanmongam moclhama acminyilhamalhca.

ÉXODO 22:9

Apquilatingmacpec sat ancoc apcanit enlhit apquillhanma apnatoscama, vayqui, yamelyeyjaycoc, nipquesic, najan apcalomap, najan moc asoc. Apcanayquic mataa actomja apanco najan actomja aptoscama. Elyicpilcacpoc sat napato Dios apsilhnanomap. Eyinyoc sat anit acyanmongam moclhama apnatoscama, najan moc aclhinganyam.

ÉXODO 30:7

Vocmec sat ancoc secaseclha hora apquilalhnascama calevascama, incaymalhquic Aarón elvitic talha asoc acmasis netin altar nac jay.

ISAÍAS 58:6

Jave sicyisponcama coo. Quip elaylhojo actemaclha sicyisponcama coo: Elmascos sat apquillingaycamco acmasom apnaymacoc quellhip, malha cadenas apquilpilhquetamap, eljalhyovas sat nanyetaoc enlhit apquilmomap, elpasim sat acyajapmo apquilvalhoc, elvatesquis sat apquiltemaclha apquilmomap apnaymacoc.

ISAÍAS 58:9

Eltimjic sat quellhip seyevoycam coo, ongvatingmojoc sat coo. Apquililtamjoc sat ancoc quellhip, yoyam opasingvota, otnejic sat ongvanic: Acnec coo así. Apquilvatsamquic sat ancoc quellhip apquilvenéycam poc, najan apquiltimesquiscama apquilmapsom poc, najan apquilantipquiscama apquilvisay poc.

EZEQUIEL 33:15

Aptajesquic sat ancoc asoc monquinatquiscama apmaycaoc nasa poc. Aptajesquic sat ancoc asoc acminyilhamalhca. Apyiplovcasquic sat ancoc singanamaclha ningmiyovmalhca, mepqui mocjam aptemaclha apanco. Naso, emyovacpoc sat, memasquingvomejec sat.

LEVÍTICO 5:16

Incaymalhquic eyinyoc enlhit acyanmongam apcanyomap eyinyoc, más una quinta parte, actemaclha acyanmongam acvoncapaycaoc, colhic sat acmesa sacerdote. Colhic sat acmascosa apsilhnanomap apanco enlhit acyanmongam nipquesic apquitcoc, ingyasicjacpoc sat mocjam enlhit napato Dios.

SAN LUCAS 19:8

Yejemoc alhta apquiningvoclho Zaqueo apnaclha Jesús, aptomjac alhta: —Visqui, quip ilanojo. Pac omlascoc nalhit silnatam enlhit mepqui apquilnatam. Ayajemo alhta silyinimcascam enaymacoc, cuatro sat otnejic acyanmongayclha —alhta aptomjac.

1 SAMUEL 12:3

¡Jelanojo coo! Jeltimnas sat napato Dios najan napato apvisqui apjalhnancoc, acyitna inlhojo sicsilhnanomalhca ajanco nipyesicsa quellhip. ¿Apcanyacpe ya lhama enlhit jemquecsic aptoscama vayqui najan yamelyeyjaycoc? - Paj inyicje. ¿Soc enlhit aplingamcoc alhta acyimtalhnama ayinyema coo? - Paj inyicje. ¿Naso ya siclhoy acyanmongam ayinyema sicmasma enlhit apsilhnanomap apanco? - Paj inyicje. Evanquic otajicsojo quilhvo nac jay — nic nat aptomjac Samuel.