LEVÍTICO 6:4 - Enhlit Bible

⁴ Aptomja apquinmelhaycam Dios ayinyema pecado apsilhnanomap apanco. Incaymalhquic enlhit etajicsojoc asoc acminyilhamalhca, najan asoc acnatamomalhca, najan asoc apmaycam siclho, najan asoc apvitayclha actiyam poc apanco.

LEVÍTICO 6:4 Iomraidhean Croise

GÉNESIS 21:25

Aplhanveclhec nic nat Abraham napatoc apvisqui Abimelec actemaclha apquilmiyongviyam yamilquit apvisqui apquilancam.

NEHEMÍAS 5:11

Pac olmalhnac quellhip, yoyam eltajicsojoc mocjam apquilmam alhta amyipayc najan ayimjaclha uva najan ayimjaclha olivos najan tingma apancaoc. Elmascos sat quellhip apquilmaycaoc nasa solyayem, najan nintom actic, najan uva ayingmenic najan aceite — alhta actomjac coo.

JOB 20:19

Aplhamaseclhec apquilnatam najan tingma, aptomja apancaoc enlhit mepqui apquilnatam.

JOB 24:2

Apquiltimec apancaoc amyip enlhit apquilmapsomcaa, elminyilhic poc enlhit apnatoscama.

ISAÍAS 59:6

Collanalhquejec mataa ningalomalhca ayinyema sovalac etin. Melanacpejec apava ningilantalhnama ayinyema sovalac etin. Apquiltemaclha apancaoc acmasom quellhip. Apquillanac apmeoc quellhip apquilmaycam, yoyam elnapoc poc.

EZEQUIEL 18:12

Aptovasquic mataa enlhit mepqui asoc, mepqui apquilnatam, aptomja apminyilhma. Mepqui aptajescama asoc monquinatquiscama apmaycaoc nasa. Aptomja apyiplovquiscama najan apcayo quilaycmasquiscama.

EZEQUIEL 18:18

Aptomjac alhta mocjam: Apyap alhta aptovascama mataa poc, aptomja apminyilhma, aptomja apmapsom nipyesicsa apnaymacoc. Ematong sat ayinyema apsilhnanomap apanco.

EZEQUIEL 18:7

Metvacsejec mataa poc, acyitna inlhojo apmaycaoc nasa. Aptajesquic mataa aplhoy asoc monquinatquiscama apmaycaoc nasa. Meminyilhejec mataa. Memyovejec mataa aptom, napato mayic ayajem. Memyovejec mataa aptalhnama, napato mepqui aptalhnama enlhit.

EZEQUIEL 33:15

Aptajesquic sat ancoc asoc monquinatquiscama apmaycaoc nasa poc. Aptajesquic sat ancoc asoc acminyilhamalhca. Apyiplovcasquic sat ancoc singanamaclha ningmiyovmalhca, mepqui mocjam aptemaclha apanco. Naso, emyovacpoc sat, memasquingvomejec sat.

EZEQUIEL 44:19

Incaymalhquic eljalhyovacsic mocjam apava apquilantalhnama naysicsa apquiltimesaycam congne tingma apponquinomap, elyinyoc sat aplhancoc tingma apponquinomap, yicpintama apquiltajayclha payjoc atrio exterior. Poc apava apquilantalhnama elpalhavomoc sat apnaymacoc, coytic sat mayayoclha Dios congne tingma apponquinomap acyipitcay apava.

LEVÍTICO 24:18

Apcajac sat ancoc enlhit actomja aptoscama poc enlhit, incaymalhquic etajicsojoc aptoscama alhnancoc, acyanmongam apcajem: ningiltimem aptoscama acmatnam acyanmongam aptoscama alhnancoc.

LEVÍTICO 24:21

Apcajac sat ancoc enlhit aptoscama poc enlhit, incaymalhquic etajicsojoc aptoscama alhnancoc acyanmongam apcajem. Enlhit aptomja apcajem poc, ematong sat.

LEVÍTICO 4:12

acvisay acyovoclhojo vayqui inquinavo, payjoc tap tingma campamento acyitnamaclha tajap. Ingyicjecsic sat alhpongja, natamin elvitic sat talha maa.

AMÓS 3:10

Aptomjac alhta Dios Apyimtalhnamo: Am elyasamcoc nintemaclha nimpeyvescasquiclha amyaa. Asoc alminyilhamalhca acnaycaoc tingma apancaoc — alhta aptomjac.

MIQUEAS 2:2

Inquitsepquic sat ancoc apnenyaoc amyip, quilhvoc mataa eltimjic apancaoc. Inquitsepquic sat ancoc apnenyaoc tingma, quilhvoc mataa eltimjic apancaoc, apquiltomja apquilminyilhma. Apquiltimec mataa apancaoc enlhit acyiplomo apquilmolhama najan apquilnatam.

SOFONÍAS 1:9

Oyanmongsiclhac sat as acnim apquiltemaclha apancaoc apquilyinimquiscama apquiltomja apquilansayclha apquilnatam tingma apancaoc ayinyema apquilminyilhma najan apquilyinimquiscama — alhta aptomjac.

MALAQUÍAS 1:13

Apquiltomjac mataa quellhip: Ingilastinquic nincoo actema nac jay — apquiltomjac quellhip. Eycaso apquiltomja sevennéycam coo. Apnalantac quellhip apnatoscama alminyilhamalhca, apnatoscama alyateyaycam, apnatoscama acmasca apyimpeoc.

NÚMEROS 5:7

Incaymalhquic enlhit etajicsojo acyanmongam, colhojoc sat acyanmongam asoc actovasomalhca, mocjam acyanmongam tap quinta parte. Incaymalhquic quilvana colhnasojoc actema nac jay.