LEVÍTICO 6:2 - Enhlit Bible

² Esilhnanacpoc apanco enlhit ayinyema apmopvan amyaa (apyinimquiscama) napato poc apanco, ayinyema apmaycam siclho asoc, ayinyema apminyilhma lhama asoc, ayinyema apnatamaycam asoc,

LEVÍTICO 6:2 Iomraidhean Croise

GÉNESIS 26:7

Apquililtamjoc nic nat enlhitaoc actomja apquilaoclha elyasamcojo, ¿naso ya actomja aptava? Apcatingmavoc nic nat Isaac: —Eyalhing coo as quilvana— nic nat aptomjac. Apcacac nic nat elhenic actomja aptava. Ayinyemaclha actamila anco ilhnic nat aptava. Incacoc nic nat apnenyic ematong ayinyema ayitsepma apnenyaoc enlhitaoc aptava Rebeca.

SALMOS 51:4

Actovasquic coo lhip, actovasquic coo lhip aptemaclha. Acyiplovcasquic coo actemaclha lhip aptanoncama. Nasoc anco mataa lhip appayvam. Inpeyvoc anco lhip singyicpilquemo.,

PROVERBIOS 24:28

Mongvanquejec ongiltipsic apvisay poc mepqui apsilhnanomap apanco. Cotnejic sat ningmovan amyaa ningilinmelha inlhojo poc.

ISAÍAS 21:2

Pilapcasquic alhta acvitay sicvanmoncama ayinyema Dios, asoc acmasom: enlhit apquilyinimquiscama, enlhit apnatovascama. ¡Quellhip co Elam, enalhaticjaoc! ¡Quellhip co Media, elimpocja! ¡Comascoc sat apquiliclhangveycam ayinyema apquilay co Babilonia! — alhta intomjac acvitay.

ISAÍAS 24:16

Inlingalhquic apquilminaycmascama ayinyema nelha lhopactic: ¡Mayayo Visqui appeyvomo! — intomjac apquilminaycmascama. Actomjac coo siyanya: ¡Coo layi, olngamcojoc sat acyimtalhnama! — actomjac coo. ¡Apquiltemaclha apancaoc apquilyinimquiscama, mepqui apquilvatescama!

ISAÍAS 33:1

Quellhip layi apquilvisay apnatovascama, mepqui apnatovasomap alhta siclho. ¡Quellhip layi apquilvisay apquilyinimquiscama, mepqui macyinimquiscama siclho! Enatovasacpoc sat quellhip, apquilpenesa inlhojo apnatovascama quellhip. Elyinimsacpoc sat quellhip, apquilpenesa inlhojo apquilyinimquiscama quellhip.

JEREMÍAS 9:5

Moclhama apquiltomja apquilinmelhaycam poc actemaclha apquilasmescama, paj lhama aptomja nasoc anco appayvam, apquiltemaclha apancaoc apquilmopvancaa amyaa, apquiltemaclha apquilmapsomcaa,

EZEQUIEL 40:46

Moc aplhancoc cuarto actomja sacerdotes apancaoc apquiltimesaycam altar apquilvatnamaclha asoc acticyovam. Sadoc aptovana niptamin maa, apquilvisay levitas. Apquilvamlha maa, apquilmopvan eltimesam napato Visqui ingac — alhta aptomjac.

LEVÍTICO 1:3

Elyacyes sat aptoscama vayqui inquinavo mepqui acmasom ayimpejic, comatong sat acyanmongam melyascalhma, actemaclha holocausto. Elyantemiclha sat mataa payjoc apatong carpa tingma.

LEVÍTICO 19:11

Mongvanquejec ongminyilhic. Mongvanquejec ontimjic ningmovan amyaa. Mongvanquejec ongilyinimsic poc.,

LEVÍTICO 5:15

Apvitacpec sat ancoc enlhit apsilhnanomap mepqui apyascamco aptovascama singanamaclha Dios. Incaymalhquic etingya aptoscama nipquesic apquitcoc mepqui acmasom apyimpejic, cotnejic sat macmescama Dios acyanmongam apsilhnanomap apanco. Colhic sat acyitquisa acvamlha acyanmongam plata as nipquesic apquitcoc. Coyitsalhcac sat acyanmongam ayinyema carpa apponquinomap, apquilmam tacja acyanmongam ningilsilhnanomalhca inganco.

LEVÍTICO 5:19

Acvisay macmescama Dios acyanmongam apsilhnanomap apanco, ingyasicjacpoc sat mocjam — nic nat aptomjac Moisés.

LEVÍTICO 6:1

Aptomjac nic nat Dios apcanya Moisés:

AMÓS 8:5

Yitnec quellhip moc actemaclha aclhanma apquilvalhoc: ¿Soc laa acnim cosovjalhca fiesta piltin apjalhnancoc? Ningilpecjam ongitlhaoc trigo apactic ongvita acyanmongam. ¿Ajolhe ya mocjam acnim ninnayclha? Ningilpecjam ongitlhaoc trigo apactic acyivey acyanmongam. Ongilyinimsic sat balanza ningiljanma, ongilyinimsic sat actemaclha peso, moc actemaclha kilo.

HABACUC 1:13

Aptasi nac lhip, copvanquejec lhip elanojo apquiltemaclha acmasom, najan apquiltemaclha melpeyvomo. ¿Apquilano ya lhquip apquiltemaclha apancaoc mepqui apcascama? ¿Apvita ya lhquip apquilmapsomcaa apnatovascama apquilpeyvomo, mepqui ya appayvam lhip?

SAN JUAN 8:44

Innec quellhip apquilyap acvisay yavey diablo. Quellhip apquiltomja ayitquic. Apquililtamjoc mataa elvajanamcoc quellhip actemaclha ayitsepma inquenyic apquilyap. Siclhoc anco nic nat acvocmo quilhvo nac jay actomja ticyovam inyap. Am coyitnac mataa actimem nasoc anco. Jave nasoc anco actemaclha. Intimec mataa acmovan amyaa, ayinyemaclha yavey diablo acvisay acmovan amyaa inyap. Actemaclha anco acmovan amyaa.

LOS HECHOS 5:4

Lhip apancaoc inyicje apquilcacjam. Apvanqui inyicje emyoc acyovoclhojo acyanmongam. ¿Soctomja aclhena nac apvalhoc emyoc nicja solyayem? Am elyinimcasam lhip enlhitaoc. Apyinimcasqui nac lhip Dios Ingyapam —alhta aptomjac.

EFESIOS 4:25

Elvatsaoc sat apquilmopvan amyaa. Eltime sat mataa nasoc anco apquilpayvam apquilpamejitquiscama poc. Ayinyemaclha ninlhamoclhojo ningiltomja Jesucristo apmolhama.

COLOSENSES 3:9

Noeltime nasa apquilmopvan amyaa. Apquilyinyovquic quellhip actemaclha apquilvalhoc nano.

EL APOCALIPSIS 22:15

Melantilhic sat mataa enlhitaoc apquiltomja apquilyasquiyam malha simjing najan apquiltomja apquilyojolhmaa najan apquiltomja apquilanatama najan apquiltomja ticyovam yapmayc najan apquiltomja apquilpayescamo quilaycmasquiscama acyitsomalhca Dios najan aplhamoclhojo apquiltomja apquilmopvancaa amyaa.