LEVÍTICO 6:18 - Enhlit Bible

¹⁸ Eltovamcoc sat Aarón apquitquic apquilinava najan aptovana as asoc macmescama Dios malvatnama talha napato Dios. Ematong sat enlhit apmongvoyam as nintom acponquinomalhca — nic nat aptomjac Moisés.

LEVÍTICO 6:18 Iomraidhean Croise

ÉXODO 29:37

Ilinlhanmojo sat siete acnim ofrendas malvatnama talha acyanmongam melyascalhma. Coponquinalhcac sat altar apquilvatnamaclha napato Dios, cotnejic acvisay altar santísimo. Ematong (ingyitsapoc) sat enlhit apmongvocmo inlhojo altar santísimo acponquinomalhca.

LEVÍTICO 3:17

Comasquejec sat mataa singanamaclha nac jay, elyiplovcasojoc sat mataa enlhit najan aptovana naysicsa apquileyvam lhalhma anco. Noeltovaoc nasa acpilhmoc (aptipilhmoc), noeltovaoc nasa ema ac vayqui, najan ema pac yataay najan nipquesic — nic nat aptomjac Moisés.

LEVÍTICO 4:24

Epquinic sat apmic netin apcatic yataay apquitcoc, ingyajic sat aptoscama payjoc acticyovamaclha apnatoscama elvitic sat talha. Acvisay macmescama Dios acyanmongam meyascalhma.

LEVÍTICO 4:3

Apsilhnanacpec sat ancoc apvisqui sacerdote, actomja malha apquilsilhnanomap apyovoclhojo enlhitaoc. Incaymalhquic etingya vayqui ayitcoc inquinavo, cotnejic macmescama Dios mepqui acmasom ayimpejic, acyanmongam meyascalhma.

LEVÍTICO 4:33

Epquinic sat apmic netin apcatic nipquesic, ingyajic sat aptoscama payjoc acticyovamaclha apnatoscama elvitic sat talha.

LEVÍTICO 6:10

Incaymalhquic sacerdote etalhniclha poc apava najan calzoncillos apava lino. Esavojoc sat tajap netin altar, ayinyema asoc acmatnam acmeta, ingyicjecsic sat tajap nicja altar apquilvatnamaclha.

LEVÍTICO 6:19

Aptomjac nic nat Dios apcanya Moisés:

LEVÍTICO 6:27

Enlhit aptomja apmongvoyam as apitic ematong sat. Inquilhpajac sat ancoc apava ema pac asoc apmatnam, colhic sat acyimyesa apava lugar santo acponquinomalhca.

LEVÍTICO 6:29

Eycaso macmescama Dios aptomjaclha sacerdote actomja actamila anco santísima napato Dios. Eltovamcoc sat apquilvamlha sacerdotes.

LEVÍTICO 7:6

Elpasmiclhac sat sacerdotes eltovamcoc apjapitic, payjoc lugar acponquinomalhca, ayinyema aptomjaclha sacerdote actomja santísima actamila.

NÚMEROS 18:10

Moclhama apquilmolhama quellhip apquinavo, apquilmopvan eltovamcoc as macmescama Dios ofrendas. Eltovamcoc sat mataa aptoycaoclhilha acponquinomalhca, ayinyema asoc alponquinomalhca nac ofrendas.

NÚMEROS 18:8

Aptomjac nic nat Dios apcanya Aarón: Coo sictimesquiscama lhip etnejic apquimja apmamyi ofrendas ayinyema israelitas. Cotnejic lhip apanco najan apquitquic apancaoc moclhama ofrendas apquilmescama nasa israelitas, acvisay asoc macmescama Dios. Comasquejec sat mataa siyanamaclha nac jay.

1 CORINTIOS 9:13

Apquilyasamcoc quellhip actemaclha apquiltamjaycam Dios apquilancam congne tingma apponquinomap. Apquiltovquic mataa nicja asoc acninquinomalhca tingma apponquinomap. Apquiltovquic najan mataa apquilancam nicja asoc macmescama netin acvatnamalhquilha.

1 SAN PEDRO 1:16

Eycaso intomjac aclhanma actalhesomalhca: “Eltime sat quellhip mepqui apquiltamongvaycmo, ayinyemaclha coo sictimem mepqui sictamongvaycmo” —ilhnic nat aptomjac Dios.

1 SAN PEDRO 2:9

Quellhip apquiltomja Dios apquilyacyescama. Quellhip apquiltomja Dios apquilancam Visqui apmolhama. Quellhip apquiltomja enlhitaoc apquilponquinomap, apquiltomja Dios apmolhama. Apquiltamjoc Dios yoyam ellingacsic quellhip aptamjaycam sinpilapquiscama. Aptomja najan apquilanama quellhip yoyam elvatsamcoc quellhip apquileyvam naysicsa yatescamalhma yoyam elvomoc ayitsayoclhilhma actamila.