LEVÍTICO 5:1 - Enhlit Bible

¹ Incaymalhquic enlhit etingya aptoscama macmescama Dios acyanmongam apsilhnanomap apanco: Ayinyema melhanma siclho napato apyicpilquemo amyaa apvitaycamco, mepqui siclho appeyvescasquiclha.

LEVÍTICO 5:1 Iomraidhean Croise

1 REYES 22:16

Apcatingmavoc nic nat apvisqui Acab: —Eyastinquic coo lhip aptemaclha apanco. Jeltimnas sat amyaa actomja nasoc anco. ¿Yitne ya lhquip acvitay apvanmoncama? — nic nat aptomjac.

1 REYES 8:31

Innec sat ancoc actovasa enlhit, incaymalhquic elhenic aptomja aptovascama acpayjo macnincanvoyctamlha asoc macmescama Dios, congne as tingma.

2 CRÓNICAS 18:15

Apcatingmavoc nic nat apvisqui Acab: —Eyastinquic coo lhip aptemaclha apanco. Jeltimnas sat amyaa actomja nasoc anco. ¿Yitne ya lhquip acvitay apvanmoncama? — nic nat aptomjac.

SALMOS 38:4

Avanjec sicsilhnanomalhca ajanco, movanquejec olngamcojo. Malha siclingaycamco seyajapma nimpatam acyimtalhnama.

ÉXODO 22:11

Eyicpilcacpoc sat napato Dios. Elhenic appayvam mepqui apyeycajascaoc, aptomja mepqui apsilhnanomap apanco. Colhejec sat acyascacmo appayvam. Meyinyovejec sat acyanmongam aptoscama aclhinganyam.

PROVERBIOS 29:24

Somco inyicje ningminyilhma nimpasmeyquiclha. Ninlinga inyicje appayvam singyicpilquemo, mongvanquejec eyca ongillhenic.

PROVERBIOS 30:9

Colhenejec sat evalhoc lhip, acyitna inlhojo cascama silnatam, mepqui siclhanma lhip apvisay. Ominyilhic sat coo, mepqui inlhojo silnatam, cotnejic sat sicvenéycam lhip apvisay Dios Visqui ingac — alhta actomjac coo — nic nat aptomjac Agur.

ISAÍAS 53:11

Natamin aplingaycamco acyimtalhnama etac sat actamila yoyam copayjiclhac sat apvalhoc. Appeyvomo nac selancam. Avanjec alhta apyascamco. Eyascasingvomoc sat aplhamoclhojo enlhitaoc actemaclha acpeyvomo. Elngamcojoc sat acmasca, malha appatam acyimtalhnama ayinyema nintemaclha acmasom.

JEREMÍAS 23:10

Avanjec apquilmapsomcaa enlhitaoc lhalhma anco, apquilvisay apquilyamasma. Avanjec apquiltemaclha apancaoc mepqui apquilpeyvomo. Aptovasquic Visqui ingac ningaoclha nincoo, inyamamquic ayimjaclha paat, malha actomja acmeta — alhta aptomjac.

EZEQUIEL 18:20

Ematong sat aptomja apsilhnanomap apanco. Mematnejec mataa apquitca ayinyema apsilhnanomap apanco apyap. Mematnejec mataa apyap ayinyema apsilhnanomap apanco apquitca. Elhcac sat acyanmongam enlhit appeyvomo. Colhic sat acyanmongseclho aptemaclha apanco apmapsom — alhta aptomjac Dios — nic nat aptomjac profeta.

EZEQUIEL 18:4

Coo ajancaoc apyovoclhojo enlhitaoc as nalhpop, najan apyapmayc, najan apquitquic. Enlhit apsilhnanomap apanco, ematong sat.

LEVÍTICO 17:16

Am sat ancoc eyimyasac apava, paj najan eyapasac yingmin apyimpejic, comasquejec sat mataa actemaclha aptanovmap napato Dios.

LEVÍTICO 19:8

Aptovquic sat ancoc enlhit as acnim, esilhnanacpoc apanco napato Dios. Apquinatcasquic as enlhit aptom apanco najan nintom macmescama Dios. Comascoc sat aptiyascam nipyesicsa apnaymacoc.

LEVÍTICO 20:17

Appatjetamquic sat ancoc enlhit lhama quilvana acvisay apyalhing. Ayinyema apyap apquitca as quilvana. Najan inquin ayitca as quilvana. Esilhnanacpoc sat apanco. Eticyoc sat anit napatavo apnaymacoc, ayinyema apsilhnanomap apanco najan acsilhnanomalhca anco quilvana.

LEVÍTICO 4:2

Iltimnas sat lhip israelitas: Apvitacpec sat ancoc enlhit apsilhnanomap mepqui apyascamco aptovascama singanamaclha, etnejic actema nac jay:

LEVÍTICO 5:15

Apvitacpec sat ancoc enlhit apsilhnanomap mepqui apyascamco aptovascama singanamaclha Dios. Incaymalhquic etingya aptoscama nipquesic apquitcoc mepqui acmasom apyimpejic, cotnejic sat macmescama Dios acyanmongam apsilhnanomap apanco. Colhic sat acyitquisa acvamlha acyanmongam plata as nipquesic apquitcoc. Coyitsalhcac sat acyanmongam ayinyema carpa apponquinomap, apquilmam tacja acyanmongam ningilsilhnanomalhca inganco.

LEVÍTICO 5:17

Aptovasquic sat ancoc enlhit singanamaclha Dios mepqui apyascamco aptovascama. Esilhnanacpoc sat apanco, apcanyomap eyinyoc acyanmongam.

LEVÍTICO 7:18

Aptovquic sat ancoc enlhit tercer día apitic macmescama Dios actemaclha singasicjayquiclha, colhic sat acyanmongseclho aptemaclha maa, ayinyema aptanoncama Dios asoc macmescama.

NÚMEROS 9:13

Apcanyacpec moclhama enlhit ayalhnayo apyimpejic, mepqui aplhingam amay epasmoc fiesta Pascua. Am sat ancoc epasmac, ematong sat as enlhit. Am sat ancoc etingyac ofrenda macmescama Dios as acnim fiesta, elngamcojoc sat acyanmongayclha ayinyema apsilhnanomap apanco.

SAN MATEO 26:63

Apvanmaquic alhta Jesús. Am alhta ingyatingmavo. Aptomjac alhta apvisqui sacerdote apcanya Jesús: —Altamjoc coo, yoyam elhenic lhip napato Dios apquilmilaneycaoc. Jingiltimnas sat appayvam actomja nasoc anco: ¿Naso ya lhquip Cristo Dios Apquitca? —alhta aptomjac.

1 SAN PEDRO 2:24

Appatmeclhec alhta apanco Cristo mongilyascalhma. Apyipitsacpec alhta asoc timyescama acyiplomo appatam mongilyascalhma. Ingilvatescasquic alhta mongilyascalhma yoyam ongiltimjic ningilpeyvomo naysicsa ningileyvam. Innec alhta alyimsasa apyimpejic yoyam eltamalvomoc quellhip.

JUECES 17:2

Aplhenquic nic nat lhama asoc acnaclha inquin. Aptomjac nic nat Micaía: —Coo alhta sicminyilhma solyayem aclhinganyam mil cien solyayem acyivey. Lhiya alhta aclhanma, elngamcojoc sat acmasom, aptomja apminyilhma. Otajicsojoc sat solyayem quilhvo nac jay. Aclingac alhta aclhanma lhiya, cotnejic sat macmescama Dios. Coyinyoc sat lhiya solyayem acyanmongam quilaycmasquiscama, yoyam collanalhcac sat ayimpejic plata alyinmom — nic nat aptomjac. Aptajesquic nic nat solyayem. Payjeclhec nic nat avalhoc inquin, actomja ayanya: —¡Lhip sictamongvoyam, Dios Visqui ingac epasmoc sat lhip! — nic nat intomjac.