LEVÍTICO 4:20 - Enhlit Bible

²⁰ Cotnejic sat acno ningajem vayqui macmescama Dios acyanmongam melyascalhma. Colhic sat acmascosa melyascalhma apyovoclhojo enlhit, elasicjacpoc sat mocjam.

LEVÍTICO 4:20 Iomraidhean Croise

ÉXODO 32:30

Moc acnim nic nat intomjac, aptomja Moisés apquilanya enlhitaoc: —Avanjec quellhip apquilsilhnanomap apanco. Pac ongvinamtic sat ayitsicsic inquilhe apnaclha Dios. Olmalhnesquisic sat quellhip, yoyam ingyasicjiclhojo mocjam — nic nat aptomjac.

DANIEL 9:24

Cotnejic sat acsovjongvocmo setenta semanas nipyesicsa enlhit najan tingma mayayo. Colhic sat acmascosa apquilinmelhaycam enlhit najan apquilsilhnanomap apanco. Colhic sat ayasicjayquiclha enlhitaoc apquilvatsamco inlhojo apquiltemaclha apancaoc. Colhic sat mocjam nintemaclha acpeyvomo. Cosovjongvomoc sat acvitay ningvanmoncama najan aplhanmaclha profeta. Colhic sat ayaco Santísimo Mayayo.

LEVÍTICO 1:4

Incaymalhquic avtip epquinic apmic netin apcatic aptoscama. Comascosalhcac sat apsilhnanomap apanco enlhit, ayinyema Dios.

LEVÍTICO 12:8

Am sat ancoc eyancac actoscama nipquesic, avanquic as quilvana cotingyac apcanit sapop, tasic najan apcanit valhaay, lhama sat cotnejic actemaclha holocausto, poc sat cotnejic macmescama Dios acyanmongam coyascalhma. Elmalhnesquisic sat sacerdote, comascoc sat actanovmalhca quilvana napato Dios — nic nat aptomjac.

LEVÍTICO 14:18

Esavojoc sat aceite ayitcoc eltilhnamcoc apyitsicsic enlhit aptamalviyam. Comascoc sat apsilhnanomap apanco enlhit aptamalviyam, comascoc sat aptanovmap napato Dios.

LEVÍTICO 15:15

Etnejic sat sacerdote lhama macmescama Dios acyanmongam meyascalhma, poc sat etnejic macmescama holocausto malvatnama talha, colhic sat acmoscosa actemaclha aptanovmap napato Dios, ingyasicjacpoc sat mocjam enlhit aptamalviyam.

LEVÍTICO 19:22

Eycaso macmescama acyiplomo apquilmalhnesquiscama sacerdote. Ingyasicjojoc sat mocjam Dios. Comascosalhcac sat actemaclha apsilhnanomap apanco.

LEVÍTICO 4:21

Cotlhalhcac sat tap tingma aclhamoclhojo asoc, acyovoclhojo vayqui, comyetic sat maa, acno siclho vayqui macmescama Dios acyanmongam melyascalhma.

LEVÍTICO 4:26

Comyetic sat netin altar acyovoclhojo aptipilhmoc, colhojoc sat malvatnama talha macmescama Dios actemaclha singasicjayquiclha. Colhic sat acmascosa meyascalhma apvisqui apquilmolhama tribu.

LEVÍTICO 4:35

Comyetic sat netin altar acyovoclhojo aptipilhmoc, colhojoc sat malvatnama talha macmescama Dios actemaclha singasicjayquiclha, Dios apyisponcama. Colhic sat acmascosa meyascalhma enlhit mepqui apyimtalhnamo.

LEVÍTICO 4:8

Natamin elcoc sat acyovoclhojo acpilhmoc avalhoc vayqui,

LEVÍTICO 5:10

Poc valhaay (segundo) etnejic sat macmescama Dios actemaclha holocausto, acno singanamaclha siclho. Colhic sat acmascosa apsilhnanomap apanco enlhit.

LEVÍTICO 5:13

Colhic sat acmascosa apsilhnanomap apanco enlhit. Colhojoc sat actemaclha nintom macmescama Dios, ellhovamcoc sat sacerdotes nintom ayaymomalhca macmescama Dios— nic nat aptomjac Moisés.

LEVÍTICO 5:16

Incaymalhquic eyinyoc enlhit acyanmongam apcanyomap eyinyoc, más una quinta parte, actemaclha acyanmongam acvoncapaycaoc, colhic sat acmesa sacerdote. Colhic sat acmascosa apsilhnanomap apanco enlhit acyanmongam nipquesic apquitcoc, ingyasicjacpoc sat mocjam enlhit napato Dios.

LEVÍTICO 5:18

Incaymalhquic etingya aptoscama nipquesic apquitcoc mepqui acmasom apyimpejic, cotnejic sat macmescama Dios acyanmongam apsilhnanomap apanco. Colhic sat acmascosa apsilhnanomap apanco, mepqui apyascamco aptovascama.

LEVÍTICO 5:6

Incaymalhquic etingya aptoscama (yataay, tasic najan nipquesic) apquilvana macmescama Dios acyanmongam apsilhnanomap apanco napato Dios. Colhic sat acmascosa apsilhnanomap apanco enlhit.

LEVÍTICO 6:7

Colhic sat acmascosa apsilhnanomap apanco enlhit acyanmongam nipquesic apquitcoc, ingyasicjacpoc sat mocjam napato Dios — nic nat aptomjac Moisés.

NÚMEROS 15:25

Etingyasquisic sat sacerdote najato mayasicjayquiclha enlhitaoc Israel. Ongvasicjiclhojoc sat mocjam, ayinyema meltamjoclha elsilhnanacpoc apanco enlhit, najan sicvita selmescama ofrenda najan sacrificio selmescama acyanmongam melyascalhma.

NÚMEROS 15:28

Etingyasquisic sat sacerdote najato mayasicjayquiclha as enlhit apsilhnanomap. Ongvasicjiclhojoc sat mocjam.

ROMANOS 5:11

Moc asoc mocjam: Inpayjeclhec nincoo ingvalhoc ningiltomja ninpasmeyquiclha Dios Ingyapam ayinyema Jesucristo Visqui ingac. Ayinyemaclha Cristo aptomja singasicjascaseyquiclho Dios.

GALATAS 3:13

Apyinyovquic acyanmongam Cristo aptomja singilvayclha. Mongnatovasalhquejec sat ayinyema singanamaclha. Ayinyemaclha aptovasacpec alhta Cristo nincoo singyanmongam. Ayinyemaclha intomjac nic nat Dios appayvam actalhesomalhca: “Etvacsic sat Dios moclhama enlhit apyipitsomap netin yamit” —nic nat intomjac.

HEBREOS 1:3

Apquitca aptomja malha laneyo intalhamavo yoyam ongvita gloria ayitsayolhma apanco Dios. Innoc moc aptemaclha Apquitca najan aptemaclha Dios. Acmovan innac appayvam Apquitca, aptomja apcanama aclhamoclhojo asoc netin najan nalhpop. Apquitca ayinyema yoyam colmascosalhca mongilyascalhma. Quilhvoc apna netin apnaclha Dios apyimtalhnamo, napocja actamilaclha.

HEBREOS 2:17

Incaymalhquic alhta Jesús etniclhac enlhit apanco apno apquilyalhinga. Yoyam etnejic apquimlaycmo nipyesicsa. Yoyam najan etnejic Dios apquilancam apyimtalhnamo. Yoyam emascocsic melyascalhma enlhitaoc.

HEBREOS 9:14

Acyiviy acmovan em pac Cristo, am colhnoc acmovan ema ac asoc acticyovam. Apmesacpec alhta apanco Cristo actemaclha macmescama Dios actomja actamila anco. Eycaso ayinyema apmopvan Espíritu Santo apquilmilaneycaoc. Cristo em pac actomja ayalhnascama ingvalhoc najan acmascoscama actemaclha ingvalhoc nano. Ingvanquic sat ongilanam Dios aptomja apquilmilaneycaoc.

1 SAN JUAN 1:7

Apnec mataa Dios naysicsa ayitsayolhma, ongiltimjic sat ningilpasmeyquiclha nincoo. Dios Apquitca Jesucristo em pac actomja acmascoscama mongilyascalhma.

1 SAN JUAN 2:2

Apyinyovacpec Jesucristo aptomja macmescama Dios acyanmongam mongilyascalhma. Jave acvamlha acyanmongam mongilyascalhma nincoo. Najan lha acyanmongam melyascalhma enlhitaoc lhalhma anco.

EL APOCALIPSIS 1:5

Altamjoc yoyam ellhovac quellhip apcaycaoc ayinyema Jesucristo. Aptomja aplingascama amyaa appeyvomo mepqui apyeycajascaoc aplhanma. Aptomja aplhaticjangviyam apmamyi nipyesicsa apquilmasquingvaycmo. Aptomja Apvisqui tacjaplhit apquilviscaa lhalhma anco as nalhpop. Cristo aptomja singasicjayo, aptomja apmascoscama mongilyascalhma ayinyema apquitsepma singyanmongam.