LEVÍTICO 4:2 - Enhlit Bible

² Iltimnas sat lhip israelitas: Apvitacpec sat ancoc enlhit apsilhnanomap mepqui apyascamco aptovascama singanamaclha, etnejic actema nac jay:

LEVÍTICO 4:2 Iomraidhean Croise

GÉNESIS 20:9

Apcapajasquic nic nat Abimelec yoyam colhic acyantingveclho Abraham. Aptomjac nic nat apvisqui apcanya Abraham: —¿Soctomja sintimesquisa nac aso? ¿Sicmasom ya coo yoyam jesilhnanac lhip napatoc Dios najan esilhnanac lhip aplhamoclhojo sicmolhama? Ingiltimescasquic nincoo lhip asoc mongvanco ongillana.

SALMOS 19:12

¿Ningyasamco ya acvamlha ningilsilhnanomalhca inganco? Lhip Dios Visqui ingac, isavojo emascocsic actemaclha sicsilhnanomalhca ajanco.

SALMOS 19:13

Coo sictomja silancam lhip. Nongyane nasa olyejiclhojo apquiltomja apquilyimtalhnesomap apanco. Otnejic sat sicpeyvomo najan mepqui sicsilhnanomalhca ajanco.

ECLESIASTÉS 5:6

Nosilhnanap apanco ayinyema appayvam (apquilyataycam). Nopeyvescasiclha nasa aptomjaclha acmasom napato sacerdote (soycam amyaa). ¿Apquiltamjo ya lhquip etanovacpoc napato Dios, ayinyema aptemaclha apanco?

LEVÍTICO 22:14

Aptovquic sat ancoc enlhit mepqui apyascamco actomja acponquinomalhca, incaymalhquic etajicsojo moc aptom, acno aptom siclho, más una quinta parte.

LEVÍTICO 4:1

Aptomjac nic nat Dios apcanya Moisés:

LEVÍTICO 4:13

Apquilsilhnanacpec sat ancoc apyovoclhojo enlhitaoc comunidad mepqui apquilyascamco apnatovascama singanamaclha.

LEVÍTICO 4:22

Apsilhnanacpec sat ancoc apvisqui apquilmolhama tribu, mepqui apyascamco aptovascama singanamaclha Dios.

LEVÍTICO 4:27

Apsilhnanacpec sat ancoc enlhit (mepqui apyimtalhnamo), mepqui apyascamco aptovascama singanamaclha Dios.

NÚMEROS 35:11

Elyacyes sat napocja tingma apquilvanyam. Etnejic sat apvisay tingma apmiyovmacpilha enlhit. Etingyac sat mataa enlhit apsilhnanomap apanco apcajem poc naysicsa mepqui aplom, emyovacpoc sat as tingma.

DEUTERONOMIO 19:4

Enlhit apcajem poc, ingyinyejic sat apvoyam as tingma, yoyam emyovacpoc sat maa. Ayinyema apcajem poc mepqui aplom, najan mepqui aclhanma apvalhoc.

1 TIMOTEO 1:13

Eyasicjaclhoc alhta mocjam Jesucristo ayinyemaclha sictemaclha alhta sicyamneycam. Acminlhinquic alhta mataa apquiltamsoycaoc. Ayascasquic alhta mataa apyimpeoc. Eyimlaclhoc alhta mocjam, ayinyemaclha am alhta oyanmoncasac mocjam evalhoc. Am alhta oyascamcoc yoycamlha otnejic.

HEBREOS 5:2

Apvanquic Dios apquilancam elngamcojoc lhama naysicsa mepqui apquilyimnatem enlhit melyascamco najan enlhit apquillhinganyam. Ayinyemaclha moc acnim mataa mepqui apyimnatem Dios apquilancam.

HEBREOS 9:7

Apvamlha Dios apquilancam apquimja apmamyi apvanquic etlhic apvisay anit apvalhoc. Acvamlha lhama aptalhningvayclha lhama año. Copvanquejec etalhningvoclha mepqui apsayclha ema, ayinyema asoc acticyovam acyanmongam meyascalhma apanco najan acyanmongam melyascalhma enlhitaoc.

SANTIAGO 3:10

Intepamquic mataa ingatong yoyam ongavojo yoyam najan ongilyamnam. Quellhip elyalhinga, elvatsaoc actema nac lha.

1 SAMUEL 14:27

Am nic nat eyasamcoc Jonatán actomjaclha aplhanma Saúl, yoyam elyiplovcasojo apnaymacoc, meltovejec sat as acnim. Aptimec nic nat Jonatán nav'a yamit papac yamyovjene. Aptovquic nic nat apyingmenic. Inyimnaclhec nic nat mocjam apyimpejic Jonatán, inmasquec apyampay.