LEVÍTICO 3:3 - Enhlit Bible

³ Enlhit aptoscama acmatnam cotnejic sat acno macmescama Dios malvatnama talha. Colhic sat alvatna talha acpilhmoc avalhoc vayqui.

LEVÍTICO 3:3 Iomraidhean Croise

SALMOS 119:70

Malha acpilhmoc comasis intomjac apquilvalhoc enlhitaoc. Inpayjeclhec evalhoc sicyiplovquiscama lhip apcanamaclha.

ÉXODO 29:13

Ilic sat acpilhmoc acyipitcay ayi, najan ajicjic, najan alyayem ac, colhic alvatna talha netin altar.

ÉXODO 29:22

Ilic sat aptipilhmoc nipquesic apyicpacyic, najan acyipitcayo apyi, najan acyipitcayo apicjic, najan anit alyayem pac, acyipitcayo aptipilhmoc, najan apyoc derecho, ayinyema apvisay nipquesic ofrenda acponquinquiscama sacerdotes.

PROVERBIOS 23:26

Lhip sictamongvoyam: Ingyeylhojo mataa sicpayvam, jelanojo coo, ivjanaoc sictemaclha coo.

ISAÍAS 6:10

Iltimesquis sat coyasingvoyam apquilvalhoc enlhitaoc. Iltimesquis sat mepqui apaycaoc najan mepqui apataoc as enlhitaoc. Yoyam melvityejec sat mataa. Yoyam melingejec sat mataa. Yoyam colyasingvomejec sat mataa apquilvalhoc. Yoyam melyanmongsejec sat mataa apquilvalhoc. Yoyam meltamilvomejec sat mataa as enlhitaoc— alhta aptomjac seyanya.

EZEQUIEL 36:26

Oyanmongsic sat quellhip moc apquilvalhoc, cotnejic sat apquilvalhoc acmasom acyitsomalhca mataymong, colhic sat actamilaycam apquilvalhoc.

EZEQUIEL 44:15

Am alhta jelyinyavac sacerdotes apquiltomja Sadoc aptovana. Apquilinlhanacmec mataa seltimesaycam naysicsa selyamasma isarelitas. Apvancaac jeltimesam coo, apquiltemaclha macmescama Dios malvatnama talha acpilhmoc najan ema ayinyema asoc acticyovam. Eycaso siyanamaclha coo.

LEVÍTICO 1:12

Colyatemenalhcac sat navayc apjapitic aptoscama, colhic sat acninquina netin talha, najan apcatic, najan aptipilhmoc, najan apvalhoc maa.

LEVÍTICO 1:8

Esavojoc sat apnincanma netin talha apitic, najan apcatic najan vayqui avalhoc.

LEVÍTICO 16:25

Colhic sat alvatna talha aptipilhmoc netin altar apquilvatnamaclha.

LEVÍTICO 3:2

Incaymalhquic enlhit eyantemiclha aptoscama carpa tingma, epquinic sat apmic netin apcatic aptoscama. Ingyajic sat payjoc apatong carpa tingma. Elilhpajac sat ema netin najan niyava altar sacerdotes.

LEVÍTICO 3:4

Najan alyayem, najan acpilhmoc niyava alyayem najan niyava lomos, najan niyava ajicjic, comyetic sat najan ajicjic najan alyayem ac.

LEVÍTICO 4:10

Cotnejic sat acno ningajem vayqui inquinavo macmescama Dios actemaclha singasicjayquiclha. Natamin elvitic sat talha sacerdote as asoc netin altar apquilvatnamaclha holocaustos.

LEVÍTICO 7:30

Esantac sat enlhit napato Dios acpilhmoc (aptipilhmoc) nayi (najan nipye), najan apitic nayi. Emyasiclhac sat netin as asoc, malha yoyam emoc tacja Dios.

LEVÍTICO 7:5

Elvitic sat talha sacerdote netin altar apquilvatnamaclha, cotnejic sat macmescama Dios actemaclha ningayo. Acvisay macmescama Dios acyanmongam apsilhnanomap apanco enlhit.

LEVÍTICO 9:10

Apyinyovquic nic nat netin altar comyetic sat acpilhmoc, najan alyayem ac, najan ajicjic acyipitcay acpilhmoc, acno apcanama siclho Dios napato Moisés.

SAN MATEO 13:16

‘Apquilinyejemoc anco quellhip. Apataoc innac quellhip, yoyam elvita. Apaycaoc innac quellhip, yoyam ellinga.

SAN MATEO 15:8

Intasi inyicje apquilpamesma as enlhitaoc. Selayo inyicje apquiltomjac. Tepec eyca acyitna apquilvalhoc apancaoc.

ROMANOS 5:5

Cotnaja alhto aljalhneycam ingvalhoc nincoo. Ingilmasquic nincoo Dios ningasicjayo ayinyema Espíritu Santo. Apnec ingilvalhoc Espíritu Santo aptomja singmescama Dios.

ROMANOS 6:6

Ningyasamcoc nincoo: Inmasquec nintemaclha nano acno apquitsepma Cristo netin asoc timyescama. Intovasalhquic nintemaclha ningyiplovquiscama mongilyascalhma, yoyam comascoc ningilyajayquiclho mongilyascalhma actomja malha singilmam.

DEUTERONOMIO 30:6

Ellanac sat Dios apquilvalhoc quellhip monquinatquiscama pacto ningmiyovmalhca. Najan maa apquilvalhoc apquitquic. Elasicjojoc sat mataa Dios ayinyema, ayinyema apquilvalhoc najan apquilyimnatem quellhip. Colhic sat acyimnatem apnenyaoc quellhip.

1 SAMUEL 2:15

Pilapcasquic nic nat apvita enlhit apsayquinta macmescama Dios. Apvoctac nic nat sacerdote apquilancam, yicpintama yoyam colvatnalhca aptipilhmoc. Aptomjac nic nat mataa apcanya: Jimques sat angvitic apjapitic. Am lhac coyacmoc sacerdote apjapitic mocjetic — nic nat aptomjac apquilancam.