LEVÍTICO 26:6 - Enhlit Bible

⁶ Melnapacpejec sat mataa apquileyvomaclha. Elnateynic sat mataa mepqui apquilyascamalhma poc. Melvityejec sat mataa asoc navjac aclom. Melvityejec sat mataa quimpocjacme.

LEVÍTICO 26:6 Iomraidhean Croise

2 REYES 2:24

Appaycacpo ilhnic nat niptamin profeta. Apvitac nic nat actemaclha apquilasmescama. Apyamnam nic nat naysicsa aplhanma apvisay Dios. Yejemoc nic nat alantepa nalhma anit oso asoc navjac aclom. Inquilyaptec nic nat apquilyovoclhojo. Apquilitsepquic nic nat cuarenta y dos quilyimnanic.

1 CRÓNICAS 22:9

Etac sat lhip apquitca acyitna actamilaycam apvalhoc. Omyoc sat mataa apquilimpocjay cotnaja ingmoc, etnejic sat apvisay Salomón. Melnapacpejec sat mataa enlhitaoc, colhic sat mataa actamilaycam apquilvalhoc nipyesicsa israelitas.

2 CRÓNICAS 20:30

Mepqui ilhnic nat mocjam apquilimpocjay cotnaja ingmoc nipyava co Judá, naysicsa aptimem apvisqui Josafat.

JOB 11:19

Comasquejec sat mataa actamilaycam apvalhoc lhip, mepqui apquilinmelhaycam enlhit. Eltiyaningvotac sat apnaymacoc apnaclha lhip.

JOB 5:23

Mengyacyejec sat lhip asoc navjac aclom aleyvam amyip, malha apnaymacoc altomja.

SALMOS 144:14

Inlhameclhec ninatoscama vayqui, mepqui actiyam lapamqui. Mepqui quimpocjacme tingma ingac (mepqui cotnaja ingmoc).

SALMOS 147:14

Visqui ingac ayinyema actamilaycam ingvalhoc (mepqui ningilnapomalhca). Visqui ingac ayinyema cotlaycaoc nintom (trigo apactic).

SALMOS 29:11

Dios Visqui ingac aptomja apyimnatescama apyimpeoc apnaymacoc. Dios Visqui ingac ayinyema actamilaycam apquilvalhoc apnaymacoc.

SALMOS 3:5

Acyitnaclhec mataa yoyam otyinic. Aclhaticjac mataa naysicsa setamilquiscama Visqui ingac.

SALMOS 4:8

Pac otyinic mataa acyiplomo actamilaycam evalhoc. Lhip ayinyema actamilaycam evalhoc naysicsa sictiyascam.

SALMOS 85:8

Ongvaylhojoc sat mocjam lhip appayvam aptomja Visqui ingac. Jingillhicmocsic sat actemaclha actamilaycam ingilvalhoc ningiltomja ningiltamilcasomalhco inganco. Yoyam mongilsilhnanalhquejec sat mocjam ayinyema nintemaclha inganco.

ÉXODO 23:29

Lhama año sat cotnejic mepqui sicsovjomo silinyajasquiscama (silantipquiscama) as enlhitaoc. Cotalhquejec sat yoclhilhma actamopeycaoc niptamin cotnaja ingmoc. Colhamiclhejec sat asoc navjac acnatovascama ninganma.

PROVERBIOS 3:24

Mengyacyejec sat lhip naysicsa aptiyanma, mepqui acvitay apvanmoncama asoc.

PROVERBIOS 6:22

Singiltamescama cotnejic sat acyantamayclha lhip nalhit amay, melhnanmejec sat lhip. Singiltamescama cotnejic sat acmasma lhip naysicsa aptiyanma, mengyacyejec sat lhip. Singiltamescama cotnejic sat acpamejitquiscama lhip naysicsa aplhaticjay, yoyam eyiplovcasojoc lhip.

ISAÍAS 35:8

Cotalhcac sat maa amay actamila, apquiltimec acvisay Amay Acponquinomalhca. Colapvanquejec elyiplaclha as amay metnaja Dios apquilyacyescama, najan enlhit acyeyjamelhma apquilvalhoc.

ISAÍAS 35:9

Cotjanyalhquejec sat as amay asoc navjac aclom, paj najan yamacmeyva. Eltajanyacpoc sat enlhit apquilvomsomap tap, apquilmomap siclho.

ISAÍAS 45:7

Eycaso sicpayvam Dios: —Coo sictipquiscama ayitsayolhma najan yatescamalhma. Coo ayinyema sicvomquiscama tap najan ayinyema apquillingaycamco acyimtalhnama. Coo ayinyema aclhamoclhojo asoc sicvisay Dios.

ISAÍAS 9:7

Cotningvomejec sat nelha actemaclha apcanamaclha najan actemaclha apquilvinsayclho olhma. Elhic sat mataa netin apvisqui aptajanem. Aptajanem apanco ilhnic nat apyeyjamcaa David najan apcanamaclha apanco. Aptomja apyimnatescama apcanamaclha quilhvo nac jay najan cotmongvoycamlha nelha. Apyimnatescama apcanamaclha ayinyema actemaclha apyicpilquemo najan actemaclha acpeyvomo. Evascapoc sat Dios Visqui Apyimtalhnamo esavojoc sat as asoc— nic nat aptomjac profeta.

JEREMÍAS 30:10

Eycaso sicpayvam sicvisay Dios: Noela nasa quellhip seltimesaycam apquilmolhama Jacob. Noela nasa quellhip apquilmolhama Israel. Apquilmomap nac quellhip as yoclhilhma mocjay. Olvomsic sat tap quellhip najan apquitquic, yoyam eltajiclhac sat mocjam. Elhnam sat quellhip acyiplomo actamilaycam apquilvalhoc, mepqui apquilinmelhaycam poc enlhit.

JEREMÍAS 31:26

Aclhaticjac alhta mocjam, tasic alhta sictiyanma coo.

EZEQUIEL 14:15

Evanquic olapajacsic asoc navjac aclom as yoclhilhma, yoyam colnapoc enlhitaoc. Cotniclhac sat yoclhilhma actamopeycaoc. Metyisamejec sat mataa enlhit ayinyema apcay asoc navjac aclom.

EZEQUIEL 14:17

Evanquic olapajacsic enlhit apquilimpocjay as yoclhilhma, eticyoc sat enlhitaoc najan apnatoscama.

EZEQUIEL 14:21

Actomjac coo silanya quellhip: Evanquic olapajacsic cuatro sicyanmongsayclha apquiltemaclha apancaoc tingma Jerusalén: apquilimpocjay enlhit, najan mayic ataoc, najan asoc navjac aclom, najan ningmasquem. Elitsapoc sat enlhitaoc najan apnatoscama.

EZEQUIEL 34:25

Ollanac sat pacto ningmiyovmalhca nipyesicsa maa, coytic sat actamilaycam apquilvalhoc. Omascocsic sat aleyvam asoc navjac aclom as yoclhilhma, elmiyovacpoc sat sicnatoscama apquileyvam amyip najan payjoc apquilyinatamaclha coning yamit.

EZEQUIEL 34:27

Elvitac sat mataa acyilhna, melacyejec mataa cotnaja ingmoc. Omascocsic sat apquiltemaclha apquilmomap, elyicpilcangvomoc sat sicvisay Visqui apancaoc.

EZEQUIEL 5:17

Ongvapajacsic sat mayic ataoc, najan ningmasquem ataoc, najan ningitsepma. Najan asoc navjac aclom colnapoc apquitquic, poc sat eticyoc naysicsa apquilimpocjay. Eycaso sicpayvam sicvisay Visqui apancaoc — alhta aptomjac.

OSEAS 2:18

Nalhit acnim ollanac sat pacto ningmiyovmalhca, mongacyejec sat asoc navjac, najan nata navjac, najan nimisma. Ongvintacsic sat pilhpaalh, najan sovo acvinatem. Omascocsic sat apquilimpocjay cotnaja ingmoc. Elovsic sat apquilyampay enlhit ajancaoc.

OSEAS 2:20

Otnejic sat etava quellhip mepqui sicyamasma mataa. Jelyicpilcojoc sat coo, sicvisay Visqui apancaoc.

LEVÍTICO 25:18

Elsavojo mataa apquilyiplovquiscama siyanamaclha najan siyascamaclha, colhic sat mataa actamilaycam apquilvalhoc naysicsa apquileyvam.

LEVÍTICO 25:19

Elvitac sat mataa acyilhna quellhip yoyam eltovamcoc, mellingamquejec sat mataa mayic.

LEVÍTICO 26:22

Olapajacsic sat asoc navjac aclom. Colsavojoc sat alnapma apnatoscama, najan alnapma apquitquic, najan alnapma enlhit nipyesicsa quellhip. Casilhtojoc sat apvitamap enlhit natingma.

LEVÍTICO 26:25

Olapajacsic sat cotnaja ingmoc. Elyanmongsiclhac sat quellhip apnatovascama sicpayvam sicmayjayoclha coo. Elinyajamcoc sat quellhip, elyilhanmam tingma apquilvanyam. Olapajacsic sat ningmasquem nipyesicsa quellhip. Elmacpoc sat quellhip nipyesicsa cotnaja ingmoc.

LEVÍTICO 26:7

Elminlhinam sat quellhip, elinyajamcoc cotnaja ingmoc. Eticyoc sat maa.

MIQUEAS 4:4

Eleyoc sat apyovoclhojo enlhitaoc mepqui apquilay. Ellovsic sat apquilyampay coning pisquisca uva avjac najan higo yamit. ¡Eycaso appayvam apanco Dios Visqui Apyimtalhnamo!

SOFONÍAS 3:13

Apquiltemaclha mataa apquilaymomap co Israel, mepqui apquilmopvan amyaa, mepqui apquilyinimquiscama, najan mepqui apquillhamasomap. Elvitac sat aptoycaoc, ellovsic sat apquilyampay, mepqui mataa ayay apquilvalhoc — alhta aptomjac.

HAGEO 2:9

Aptamila etnejic sat as tingma apponquinomap, am elhno siclhoc alhta. Cotnejic sat mepqui apquilnapomap enlhit, colhic sat actamilaycam apquilvalhoc. Nasoc sicpayvam sicvisay Dios sicyimtalhnamo.

ZACARÍAS 9:10

Enatovacsic sat carros apancaoc co Efraín, najan nolhing apquilquinamtem co Jerusalén, najan pilhpaalh apquilmaycam apquilimpocjay. Elngacsic sat amyaa mepqui ningilnapomalhca nipyesicsa enlhitaoc. Cotnejic sat apcanamaclha payjoc yingmin acvanyam acvaycmo moc yingmin acvanyam, najan ayenmo vatsam Éufrates acvaycmo nelha lhopactic — nic nat aptomjac profeta.

SAN JUAN 14:27

‘Altamjoc coo coltamilam apquilvalhoc netamin coo. Ellhovac sat quellhip ayinyema coo actamilaycam evalhoc. Intasi nac actamilaycam ingvalhoc ayinyema coo, am colhno ayinyema enlhit lhalhma anco. Nocoltamjam nasa apquilvalhoc, noela nasa quellhip.

LOS HECHOS 12:6

Apquiltamjoc alhta Herodes eyantamiclha Pedro secaseclha. Aptinquic alhta alhtaa Pedro nipyesicsa apcanit singilpilhtetemo. Cadena alhta malpilhquitma apmeoc. Apquilanam alhta poc singilpilhtetemo aptamilquiscama atong singilpilhtetomaclha.

ROMANOS 5:1

Ningiltimesalhquic nincoo ningilpeyvomo napato Dios ayinyema mongyasquiyam. Yiplovcoc najan actamilaycam ingvalhoc napato Dios ayinyema Jesucristo Visqui ingac.