LEVÍTICO 26:4 - Enhlit Bible

⁴ Ongvapajacsic sat acmamay nalhit acnim. Elvitac sat quellhip acyilhna ayimjaclha ninganma najan acyilhna ayimjaclha yamit.

LEVÍTICO 26:4 Iomraidhean Croise

1 REYES 17:1

Apnec nic nat profeta Dios aplingascama apvisay Elías, tingma Tisbe yoclhilhma Galaad. Aptomjac nic nat profeta Elías apcanya apvisqui Acab: —Dios Apvisqui apancaoc Israel aptomja aplingayo sicpayvam. Sictomja silancam Dios apquilmilaneycaoc. Naso, mepqui acmamay najan mepqui yalya sat cotnejic as ningvamlha nac jay, acvocmo siltamjo sat yingmin — nic nat aptomjac.

JOB 5:10

Dios ayinyema acmamay ayictinquiscama ninganma amyip.

SALMOS 104:13

Impalacmec yingmin netin inquilhe alvinatem ayinyema apmaclha lhip maa netin. Inpalentac yingmin acvanyam yoyam coyipcanmoc as nalhpop.

SALMOS 67:6

Amyip ingac ayinyema acyilhna. Dios Visqui ingac aptomja singilpasmom.

SALMOS 67:7

Ningiltamjoc jingilpasmoc mataa Dios Visqui. Eltimjic sat apquilayo aplhamoclhojo enlhitaoc lhalhma anco.

SALMOS 68:9

Dios Visqui ingac. Avanjec nic nat acmamay acpaliyam. Apyesiscama nic nat lhip yoclhilhma acyamay lhopactic.

SALMOS 85:12

Visqui ingac sat conyemac acmamay. Acyilhna eyca conyemac as nalhpop.

SALMOS 85:13

Cotalhcac sat actemaclha acpeyvomo, malha aclhingam amamyi sat cotnejic. Coyinyovejec sat mataa Dios actemaclha acpeyvomo.

ISAÍAS 30:23

Elmesic sat mataa acmamay Dios yoyam elquiniclha actic, elvitac sat cotlaycaoc apyilhna trigo. Colvitac sat apnatoscama ayimjaclha paat lhalhma anco.

ISAÍAS 5:6

Oyamyiclhac sat maa, coctong sat panatem acma amaoc. Omyoc sat acmamay, comacyejec sat mataa.

JEREMÍAS 14:22

Paj coyitnac lhama quilaycmasquiscama acmovan cotnesquisic acmamay. Paj covanac netin cotnesquisic acmamay mepqui lhip. Lhip Dios Visqui ingac. Apmopvan innac lhip ellanac aclhamoclhojo asoc, yoyam jingilmecsic nincoo. Ningiljalhnec mataa lhip, yoyam jingilmeyvoc nincoo — nic nat aptomjac profeta.

EZEQUIEL 36:30

Melmancangvomejec sat mataa quellhip ayinyema apquilvenéycam metnaja israelitas, apquilvita inlhojo cotlaycaoc acyilhna netin yamit najan acyilhna ayinyema amyip.

JOEL 2:22

¡Noncola nasa asoc navjac! Colvitac sat actoycaoc paat, najan acyilhna netin yamit. Colhamiclhac sat acyilhna higo najan acyilhna uva.

LEVÍTICO 25:19

Elvitac sat mataa acyilhna quellhip yoyam eltovamcoc, mellingamquejec sat mataa mayic.

LEVÍTICO 25:21

Ongvapajacsic sat sexto año sicvaticjapquiscama quellhip, ellhovamcoc sat quellhip cotlaycaoc acyilhna, cotnejic acmenmalhem aptoycaoc tres años tap.

ZACARÍAS 8:12

Coytic sat actamilaycam apquilvalhoc nipyesicsa maa. Elvitac sat uva acyilhna najan moc acyilhna ayinyema amyip, comamac sat mocjam. Ellhovamcoc sat enlhit apquilaymomap maa.

SAN MATEO 5:45

Eltimjic sat quellhip apquitquic Ingyapam apna netin. Aptipcasquic mataa acnim Dios Ingyapam, yoyam colsavojo olhma apnamcaclha enlhit apquiltamila najan enlhit apquilmapsomcaa. Apcapajasquic mataa acmamay apnamcaclha enlhit apquilpeyvomo najan enlhit melpeyvomo.

LOS HECHOS 14:17

Inlingasalhquic nic nat mataa aptemaclha apanco Dios Ingyapam nipyesicsa enlhitaoc. Ayinyema ilhnic nat apmescama mataa asoc altamila. Ingmesquic mataa acmamay najan cotlaycaoc acyilhna. Apquilpayesaclhec mataa ingilvalhoc singmesa nintoycaoc acmenmalhem najan asoc, yoyam ongilitsovacsojo —alhta apquiltomjac Pablo najan Bernabé.

DEUTERONOMIO 11:13

Apquilyiplovcasquic sat ancoc quellhip singanamaclha ayinyema Dios siltimnascama quellhip as acnim nac jay. Apquilasicjavoc sat ancoc quellhip apquilyiplovquisa apquilvalhoc najan apquilyascamco naysicsa apquilayo Dios.

DEUTERONOMIO 11:14

Conyemac sat mataa Dios acmamayaclha ayenmoclha año najan nelha año. Elvitac sat quellhip cotlaycaoc trigo apactic najan uva acyilhna najan uva ayingmenic najan aceite olivo ayingmenic.

DEUTERONOMIO 28:12

Memyovejec sat Dios Apyimtalhnamo acmamayaclha, acvisay yingmin acpaliyam as nalhpop, elvitac sat acyilhna naysicsa apquilvascapma apquiltamjaycam quellhip. Elvac sat enlhitaoc naciones, eltimjic apquilmaycaoc nasa nipyesicsa quellhip. Jave quellhip, yoyam elmamcoc siclho nipyesicsa enlhitaoc lhalhma anco.

SANTIAGO 5:7

Quellhip elyalhinga. Elinlhanmojo quellhip acvocmo acnim apvoyctamlha Visqui ingac. Apquilinlhanacmec mataa enlhit aptamjaycam amyip yoyam etac acyilhna. Apquiljalhnec siclhoc acmamay amamyi acvocmo moc acmamay yicpintama apnaclhama acyilhna.

EL APOCALIPSIS 11:6

Apquilmopvan innac as apquillingascama sicvisay. Apvancaac elmeyvoc acmamay, malha apquilapayclha atong netin yoyam comacyejec naysicsa apquillingascama amyaa ayinyema Dios. Apvancaac najan etnescasiclhac ema acyovoclhojo yingmin. Apvancaac najan elasquisic apyimpeoc enlhitaoc lhalhma anco, aclhamoclhojo actemaclha alasquiscama apyimpeoc. Cotnejic sat mataa acvamlha actemaclha apquilmayjayoclha apcanit apquillingascama sicvisay.