LEVÍTICO 26:36 - Enhlit Bible

³⁶ Ellingamcojoc sat acyivey apquilay quellhip apquilaymomap nipyesicsa cotnaja ingmoc. Elinyajamcoc sat apquillinga inlhojo alhcajayam, apquilanem quimpocjacme. Elpilapamcoc sat naysicsa apquilinyem mepqui macminlhinaycam.

LEVÍTICO 26:36 Iomraidhean Croise

GÉNESIS 35:5

Apquillhinquic nic nat Jacob najan apquitquic. Apquilacac nic nat apquiltomja apquilaoclha. Dios Apyimtalhnamo nic nat aptimesquiscama apquilay. Am nic nat elminlhinacpoc Jacob apquitquic.

GÉNESIS 4:12

Elcaoc sat mataa lhip moc amyip. Metejec sat mataa acyilhna. Colhejec sat lhip apmaclha as nalhpop, mepqui aplovquiscama apyampay— nic nat aptomjac Dios.

2 CRÓNICAS 14:14

Apquilimpocjac nic nat poc tingma apquilvanyam mocjam. Avanjec nic nat apquilay cotnaja ingmoc napato Visqui ingac. Apquilpatmaoclhec nic nat cotlaycaoc asoc najan cascama apquilnatam acnaycaoc moclhama tingma.

JOB 13:25

Sicyitsomalhca yamit ava actiyam, najan paat acyamay ayimposcay alhcajayam. Seyamascam nac lhip, yoyam jetvacsic, ¿so actomja yi?

SALMOS 53:5

Avanjec alhta apquilay mepqui acvisay, apquilpilhyinimquic alhta. Apquilhpancasquic Dios apquiltomja apquilinmelhaycam (cotnaja ingmoc). Enatovasacpoc sat maa. Ayinyema mepqui apmasma Dios Visqui ingac.

SALMOS 53:6

Ningiljalhnec nincoo singvomquiscama tap ningilvisay ningmolhama Israel. Etyapoc sat tingma Sión. Emascocsic sat actemaclha apquilmomap enlhitaoc. Copayjiclhac sat apquilvalhoc Jacob apquilmolhama (aptovana). Elitsovacsojoc sat enlhitaoc Israel.

SALMOS 89:43

Lhip alhta ayinyema mepqui ajamtic sovo acvinatem. Am alhta epasmac lhip naysicsa apquilnapomac pilha.

PROVERBIOS 28:1

Ningyinyec mataa mepqui singya'mascam, ningiltomja inlhojo ningmasomcaa. Mepqui mataa ningyinyem, mepqui ningay malha yamacmeyva, ningiltomja inlhojo ningilpeyvomo.

ISAÍAS 30:17

Elinyajamcoc sat mil enlhitaoc, ayinyema apya'mascam lhama enlhit. Elinyajamcoc sat quellhip apyovoclhojo, ayinyema apquilminlhinaycam cinco enlhit. Elaymacpoc sat apcanit quellhip. Colhojoc sat ningvitay lhama yamit netin inquilhe, malha asoc monquinatquiscama netin inquilhe — alhta aptomjac Dios — nic nat aptomjac profeta.

ISAÍAS 7:2

Invaac alhta amyaa David tingma pac: —Apquilvaac co Siria, yoyam ellanac quimpocjacme nipyesicsa co Israel — alhta intomjac amyaa. Intiyacmec alhta apvalhoc apvisqui najan aplhamoclhojo enlhitaoc. Malha yamit acyaninma alhta intomjac apquilvalhoc.

ISAÍAS 7:4

Itne sat ingyanic apvisqui Acaz: Noncotnajam nasa apvalhoc. Nongya nasa quimpocjacme. Iyimnates sat apvalhoc, noncotyim nasa apvalhoc apvita sat anit apquiltotseycam apmamyi (yamit acmeta). Apvita sat aplom apvisqui Rezín najan apquillom co Siria najan aplom Remalías apquitca.

JEREMÍAS 37:10

Apquilnapquic sat ancoc quellhip, yoyam eticyoc apyovoclhojo caldeos apquilimpocjay. Apquilaymacpec sat ancoc apcanit apquilyimsem caldeos carpa tingma. Elvotac sat apcanit as caldeoc, elvitic sat talha tingma Jerusalén — nic nat aptomjac profeta.

JEREMÍAS 46:16

Apticyovquic alhta singilpilhtetemo co Egipto, apquilpamejitsacpo nipyesicsa: ¡Noc, ongiltajiclhac sat ningaoclha, yoclhilhma ningilinyemayaclha! Onginyajamcoc sat, ongyinyoc sat ningilnapomalhquilha — apquiltomjac apquilpamejitsomap.

LAMENTACIÓNES 1:3

Ajolhec alhta apquillingaycamco co Judá apquiltimesaycam najan apquilmomacpilha cotnajaclha apquilaoclha. Avanjec alhta apquilminlhinaycam cotnaja ingmoc apquilyitsomacpo quilvana avisqui nano, actomjayclho acmomalhca quilhvo nac jay mepqui aclovquiscama acyampay.

LAMENTACIÓNES 1:6

Mepqui aptamila tingma Jerusalén, mepqui apquilnatanma alyinmom. Apquilinyajamquic alhta apquilviscaa, apquilyitsomacpo popyit metay mataa aptom, ayinyema apyamascam enlhit apmampaviyam.

LAMENTACIÓNES 4:19

Ingilminlhinquic alhta, malha mama apyivey apyamascam asoc navjac. Ingilminlhinquic alhta netin inquilhe najan yoclhilhma actamopeycaoc, yoyam jingilmoc.

EZEQUIEL 21:12

Lhip enlhit, ¡ilpalhamam sat lhip, (yapcalhaoc) copayjam apatong! ¡Eticyoc sat enlhit ajancaoc najan apyovoclhojo apquilviscaa, ayinyema sovo alnapma! ¡Apquilanyacpec eticyoc! Iticpam sat lhip apmic apnenyic, ayinyema acmayovsa apvalhoc — itne sat lhip aplingascama sicpayvam.

EZEQUIEL 21:15

Elangvomoc sat enlhitaoc, apquilvita inlhojo apticyovam aplhamoclhojo. Lhalhma anco natingma colnapoc sat enlhitaoc, malha ticyovam yapmayc sat cotnejic. Acvisay sovo acvinatem alyinmom anco acma ajamtic.

EZEQUIEL 21:7

Elmalhnacpoc sat lhip: ¿Co laa ayinyema apquiliclhangveycam lhip? — sat eltimjic. Ingyatingmojo sat lhip: Ayinyema amyaa siclingay coo, yoyam onlingamcojoc sat acyimtalhnama. Comascoc sat apquilyimnaa enlhitaoc, comascoc sat alyimnatem apectengaoc najan aptapnaoc, ayinyema acyivey apquilay. ¡Quilhvoc sat onlingamcojo! Nasoc coo sicpayvam sicvisay Visqui apancaoc quellhip — alhta aptomjac.

OSEAS 8:3

Apnatovasquic asoc altamila enlhitaoc Israel. Apquilminlhinquic mataa cotnaja ingmoc.

LEVÍTICO 26:17

Otanovac sat apquiltemaclha quellhip. Apquilyimnatem sat eltimjic cotnaja ingmoc apquilvita quimpocjacme. Eltanovacpoc sat quellhip. Elinyajamcoc sat quellhip mepqui acvisay.

DEUTERONOMIO 1:44

Apquileyvomaclha alhta amorreos. Apquilamyilhamquic alhta amorreos eltajanyac quellhip. Apquiltomjaclhec alhta maja yotay, apquilminlhinamcaa. Apquilinyajamquic alhta quellhip yoclhilhma Seir acvaycmo Horma.

JOSUÉ 5:1

Apquillingac nic nat amyaa apquilviscaa enlhitaoc amorreos apquileyvam nicja vatsam acpayjo actalhningvamlha acnim. Apquillingac nic nat amyaa apquilviscaa cananeos apquileyvam nicja yingmin acvanyam. Apquillingac nic nat actemaclha Dios apyamascama yingmin vatsam Jordán napatavo enlhitaoc Israel. Apquiljalhtipilhquitquic nic nat aplhamoclhojo. Intiyacmec nic nat apquilvalhoc apquillinga amyaa. Inmasquec nic nat apquilyimnaa.

JOSUÉ 7:5

Apticyovquic nic nat 36 apnaymacoc enlhit. Apquilminlhinacpec nic nat acvaycmo acyitnamaclha mataymong. Apquilvatsamquic nic nat. Pilapcasquic nic nat aclingalhco amyaa. Intiyacmec nic nat apquilvalhoc.

1 SAMUEL 17:24

Apquinyajamquic nic nat mataa enlhitaoc Israel apquilvita as enlhit apvinatem. Avanjec nic nat apquilay.