LEVÍTICO 26:33 - Enhlit Bible

³³ Ongvilhpansic sat quellhip elinyajamcoc mocjay, nipyesicsa cotnaja nimpayvomó lhama. Elminlhinacpoc sat quellhip. Cotniclhac sat yoclhilhma actamopeycaoc. Enatovasacpoc sat tingma apancaoc.

LEVÍTICO 26:33 Iomraidhean Croise

1 REYES 8:46

Paj lhama enlhit mepqui apsilhnanomap apanco. Apvitac sat ancoc lhip actemaclha apquilsilhnanomap enlhitaoc, coyiplovjoc sat aplom lhip. Ingyanic sat lhip elmacpoc enlhitaoc Israel. Colhic sat acnalaclho cotnajaclha apquilaoclha acyitna ningato najan mocjay. Cotnaja ingmoc sat enalaclha.

2 REYES 25:9

Apvatnec nic nat talha tingma apponquinomap najan apvisqui tingma pac najan apyovoclhojo tingma Jerusalén. Apvatnec nic nat tingma apancaoc enlhit apquilyimtalhnamo.

2 CRÓNICAS 7:19

Acvitac sat ancoc selyamasma quellhip, am sat ancoc elyiplovcasac quellhip siyanamaclha najan siyascamaclha, apquiltomja quellhip apquilayo quilaycmasquiscama acyitsomalhca dios.

NEHEMÍAS 1:3

Jelatingmavoc alhta: Apnam mocjam enlhitaoc apquilaymomap as yoclhilhma. Am alhta elmacpoc. Avanjec alhta apquillingaycamco acyimtalhnama. Inquilyaninquic alhta apjalhtam mataymong nipyava tingma Jerusalén. Inquilmetquic alhta atnaoc apjalhtam tingma — alhta aptomjac.

NEHEMÍAS 1:8

Coyit apatic lhip appayvam appamejitquiscama ilhnic nat Moisés. Aptomjac nic nat lhip apcanya: Acvitac sat ancoc melyascalhma quellhip, ongvilhpansic sat nipyesicsa enlhitaoc lhalhma anco.

ESTER 3:8

Aptomjac nic nat Amán apcanya Asuero: —Lhip visqui mayayo. Apquileyvec mataa ningileyvomaclha poc apquiltemaclha enlhitaoc. Yitnec mataa apquiltemaclha apancaoc, mepqui apquilyajayquiclho lhip appayvam. Ilapajas sat lhip, montimjic ningilpalhquemalhca.

SALMOS 106:27

Ingyilhpansic sat apyovoclhojo aptovana elitsapoc sat nipyesicsa enlhitaoc lhalhma anco. Ingyilhpansic sat moclhama yoclhilhma (cotnaja apquilaoclha).

SALMOS 44:11

Ningilmalhquic mataa nincoo. Malha ninatoscama yoyam onticyo. Ingilhpancasquic nincoo lhip nipyesicsa metnaja nimpayvomó lhama.

SALMOS 44:12

Lhip alhta singyamasma acyanmongam ayitcoc. Malha mepqui acyanmongam alhta singyamasma lhip.

ISAÍAS 1:7

Actamopeycaoc intomjac quellhip apquilaoclha. Apmetquic alhta tingma apancaoc. Apnaclhec acyilhna enlhitaoc cotnaja apquilaoclha napatavo quellhip. Intovasalhquic apquilaoclha quellhip acno ilhnic nat aptovasomap tingma Sodoma.

ISAÍAS 6:11

Ayatingmavoc alhta coo: —Visqui, ¿acvoncaclhojo ya sat cotnejic? — alhta actomjac coo. Apcatingmavoc alhta Visqui ingac: —Acvocmo sat acnim apnatovasomap tingma apvanyam acvocmo mepqui lha tingma, yoyam etnejic aptamopeycaoc tingma.

JEREMÍAS 13:24

Ongvilhpansic sat quellhip lhalhma anco, malha ningimposcay actic naysicsa alhcajayam, actomja ayilhpanquiscama ayimpeoc.

JEREMÍAS 15:4

Otnesquisic sat apquilay apyovoclhojo enlhitaoc as nalhpop ayinyema sicyanmongsayclha aptemaclha apanco apsilhnanomap apvisqui Manasés, Ezequías apquitca, tingma Jerusalén — alhta aptomjac Dios — nic nat aptomjac profeta.

JEREMÍAS 31:10

Quellhip enlhitaoc lhalhma anco, elaylhojo Visqui ingac appayvam. Ellingas sat amyaa acvaycmo nicja yingmin acvanyam: Coo alhta siyilhpanquiscama israelitas. Ongvansiclhac sat mocjam, oltamilsic sat enlhit ajancaoc, apno enlhit aptamilquiscama apnatoscama nipquesic.

JEREMÍAS 4:7

Inyinyovquic lhac acyilhanmomaclha yamacmeyva. Inquilhyacme singiltovascama, colnapoc enlhitaoc lhalhma anco. Apquilyinyovquic cotnaja ingmoc apquilaoclha, yoyam elnatovacsic quellhip apquilaoclha. Colhic sat apyanina apyovoclhojo tingma, mepqui enlhit sat cotnejic.

JEREMÍAS 7:34

Omascocsic sat apquilminaycmascama najan apquilitsovascama nipyesicsa tingma apquilvanyam Judá apquilmolhama najan natingma Jerusalén. Colngalhquejec sat mocjam apquilminaycmascama alyimjapma. Elhojoc sat aptamopeycaoc tingma aptovasomap najan maa yoclhilhma — alhta aptomjac Dios — nic nat aptomjac profeta.

JEREMÍAS 8:3

Elilhpansacpoc sat apquilaymomap enlhit apquilmapsomcaa, ayinyema siyilhpanquiscama lhalhma anco. Apquililtamjo inyicje elitsapoc maa, colapvanqueje eyca elitsapoc. Eycaso sicpayvam sicvisay Visqui apancaoc — alhta aptomjac.

JEREMÍAS 9:16

Ongvilhpansic sat nipyesicsa metnaja israelitas, melyicpilquemo apquilyeyjamcaa, melyicpilquemo israelitas. Elnapacpoc sat maa, elsovjacpoc sat apticyovam — alhta aptomjac.

LAMENTACIÓNES 1:1

Avanjec acmayovsa ingvalhoc ningvita tingma apvanyam mepqui enlhit. Siclhoc alhta apnam enlhit appintalhnama. Apyitsomacpo as tingma quilvana tampeyi, am colhno mayayo siclhoc alhta actemaclha avisqui nipyesicsa enlhitaoc, actomjayclho quilvana acmomalhca, yoyam cotnesam nipyesicsa enlhit.

LAMENTACIÓNES 1:3

Ajolhec alhta apquillingaycamco co Judá apquiltimesaycam najan apquilmomacpilha cotnajaclha apquilaoclha. Avanjec alhta apquilminlhinaycam cotnaja ingmoc apquilyitsomacpo quilvana avisqui nano, actomjayclho acmomalhca quilhvo nac jay mepqui aclovquiscama acyampay.

LAMENTACIÓNES 4:15

Apquililpalhamam alhta: ¡Elavojo, noelpacningvomjo nasa, apquilmapsomcaa nac maa! — alhta apquiltomjac apnaymacoc. Apquilinyajamquic maa mocjay, apquillhenacpo: Colapvanquejec jingilpalhavota ningyesicsa — alhta apquiltomjac metnaja apnaymacoc.

LAMENTACIÓNES 4:16

Ayinyema alhta Visqui ingac apyamasma najan apnatovascama. Mepqui alhta apquilayo sacerdotes. Am alhta elmiyovacpoc apquilvanyam mayayo.

EZEQUIEL 12:20

Enatovasacpoc sat moclhama tingma apquilvanyam, etniclhac sat mepqui enlhit, yoclhilhma actamopeycaoc. Jelyicpilcangvomoc sat coo sicvisay Visqui apancaoc — alhta aptomjac.

EZEQUIEL 20:23

Aclhenquic alhta mepqui sicyeycajascaoc payjoc yoclhilhma actamopeycaoc, yoyam ongvilhpansic sat israelitas moc yoclhilhma lhalhma anco.

EZEQUIEL 22:15

Ongvilhpansic sat quellhip lhalhma anco nipyesicsa metnaja israelitas. Omascocsic sat apquiltemaclha apancaoc apquilmapsomcaa, malha comasis apyimpeoc quellhip najato.

EZEQUIEL 5:2

Apquilpenasquic sat ancoc apquilimpocjay tingma apvanyam, ilvit sat talha tercera parte apva payjoc apvalhoc tingma. Ilic sat mocjam tercera parte apva, iyatemen sat nav'ayc apva payjoc tap tingma. Ilic sat mocjam tercera parte apva, ingyimpos sat alhcajayam. Colhojoc sat siyilhpanquiscama enlhit co Jerusalén, sicmaycam sovo acvinatem yoyam olnapoc.

OSEAS 9:6

Apquilinyajamquic alhta inyicje. Elmacpoc sat tacja yoclhilhma Egipto. Elatoynacpoc sat tingma Menfis. Cotalhcac sat yamit amaoc acyitnamaclha siclho plata, najan nipyesicsa tingma apquiltamopeycaoc.

AMÓS 9:4

Apnalaclhec sat ancoc cotnaja ingmoc, eticyoc sat maa. ¡Ellingamcojoc sat acmasom, mepqui sicmasma lhama! Coo eyca sicvita aclhamoclhojo asoc — alhta aptomjac Dios Apyimtalhnamo— nic nat aptomjac profeta.

ZACARÍAS 7:14

Ayilhpancasquic siclhoc nat nipyesicsa enlhitaoc lhalhma anco metnaja apquiltemolhama. Intomjaclhec nat yoclhilhma actamopeycaoc apquileyvomaclha siclho. Actamila anco siclho yoclhilhma, apquiltimesquisa actamopeycaoc - nat aptomjac Visqui ingac.

SAN LUCAS 21:24

Eticyo sat napocja enlhitaoc. Elmacpoc sat napocja najan colhic sat acnalaclha lhalhma anco. Eltamacpoc sat tingma Jerusalén, metnaja judíos sat apquiltoyam, acvocmo acvamlha acnim apcascama Dios Ingyapam —alhta aptomjac Jesús.

DEUTERONOMIO 4:27

Colhic sat ayilhpanquisa quellhip nipyesicsa enlhitaoc lhalhma anco metnaja apquiltemolhama. Elaymacpoc sat apcanito nipyesicsa quellhip.

SANTIAGO 1:1

Coo nac Santiago sictomja Dios apquilancam najan Jesucristo Visqui ingac. Inlhenquic evalhoc Dios apmolhama apquilhpaneycam lhalhma anco.