LEVÍTICO 26:12 - Enhlit Bible

¹² Otyisam sat mataa nipyesicsa quellhip. Otnejic sat Dios Visqui apancaoc quellhip. Otnejic sat enlhit ajancaoc quellhip.

LEVÍTICO 26:12 Iomraidhean Croise

GÉNESIS 17:7

Eycaso actemaclha monquinatquiscama sicmayjayoclha coo napato lhip najan aplhamoclhojo aptovana niptamin lhalhma anco: Otnejic sat mataa Dios lhip Visqui pac. Otnejic sat mataa Dios Visqui apancaoc aptovana niptamin lhalhma anco.

GÉNESIS 17:8

Omquecsic sat yoclhilhma Canaán aptiyascamcaclha lhip. Cotmongvoyam nelha sat cotnejic apmayclha lhip. Coo sat otnejic Dios Visqui apancaoc aptovana niptamin”— nic nat aptomjac Dios.

GÉNESIS 3:8

Inmalhcoc nic nat ilhma actalhnam anco. Pilapcasquic nic nat enlhit najan aptava aplinga actemaclha aptiyascam Dios Apyimtalhnamo amyip. Yejemoc apyilhanma coning yamtaa enlhit najan aptava.

GÉNESIS 5:22

Apyiplovcasquic nic nat mataa Enoc apmayjayoclha Dios. 300 años tap nic nat aptiyascam mocjam Enoc. Aptiyacmec nic nat mocjam apquitquic apquilinava najan quilvanaa.

GÉNESIS 5:24

Apvonquipquic nic nat Enoc. Dios Apyimtalhnamo nic nat apyantam, ayinyemaclha apyiplovcasquic nic nat mataa Enoc apmayjayoclha Dios Apyimtalhnamo.

GÉNESIS 6:9

Eycaso amyaa aptemaclha ilhnic nat Noé. Appeyvomo ilhnic nat Noé. Am nic nat esilhnanacpoc napato Dios Apyimtalhnamo. Am nic nat elhnoc apquictingaycamco lhama. Apyiplovcasquic nic nat Noé apmayjayoclha Dios Apyimtalhnamo.

2 SAMUEL 7:7

Acnec coo mataa nipyesicsa enlhitaoc Israel naysicsa apquillhingam. Alyacyesquic coo mataa lhama enlhit yoyam etnejic apvisqui nipyesicsa enlhitaoc Israel, aptomja aptamilquiscama enlhitaoc ajancaoc. Am alhta otnajac mataa ongvanic apvisqui: Altamjoc coo yoyam ellanac tingma quellhip yoyam elhic coo. Paj — nic nat aptomjac Dios.

SALMOS 50:7

Aptomjac Dios apquilanya: —Quip elaylhojo quellhip enlhitaoc Israel: Opquiniclhac sat ayalhnaclhojo apquiltemaclha quellhip. Coo sicvisay Dios, Apvisqui apancaoc quellhip.

ÉXODO 29:45

Otnejic sat sicmaclha nipyesicsa israelitas, otnejic Visqui apancaoc Dios.

ÉXODO 29:46

Elyasingvomoc sat sicvisay Dios Visqui apancaoc, sicyinyovquiscama nat yoclhilhma Egipto, yoyam olhic sat nipyesicsa. Coo sicvisay Dios Visqui apancaoc— nic nat aptomjac Dios.

ÉXODO 3:6

Aptomjac nic nat Dios Apyimtalhnamo apcanya: —Coo nac Visqui Dios, lhip apyap Apvisqui pac najan Abraham Apvisqui pac najan Jacob Apvisqui pac — nic nat aptomjac. Yejemoc nic nat apcalasa napaat Moisés. Apcacac nic nat elanojo napaat Dios Apyimtalhnamo.

ÉXODO 6:7

Otnejic sat quellhip enlhit ajancaoc. Otnejic sat Dios Apvisqui apancaoc quellhip. Elyasingvomoc sat quellhip sictomja Dios, quellhip Apvisqui apancaoc. Sictomja sicyinyovquiscama actemaclha acyimtalhnama apquiltamjaycam quellhip ayinyema co Egipto.

ISAÍAS 12:2

Dios aptomja sevomquiscama tap, mepqui sicyasquiyam coo, mepqui siyay coo. Visqui ingac aptomja sevomquiscama tap, sictomja sicyilhanmeycam, aptomja seyimnatescama.

ISAÍAS 41:10

Noela nasa quellhip. Coo sictomja sellhalhma. Noncotnajam nasa apquilvalhoc. Coo sictomja Dios Apvisqui apancaoc. Olyimnaticsojoc sat quellhip. Opasmoc sat mataa quellhip. Coo sat omamcoc emic actomja acyimnatem.

JEREMÍAS 11:4

Coo alhta sillanay pacto ningmiyovmalhca napatavo apquilyeyjamcaa naysicsa sicyinyovquiscama yoclhilhma Egipto, apquillingaycamco alhta malha congne talha nimpicanmaclha tava apac. Actomjac alhta silanya: Elyiplovcasojo siyanamaclha, otnejic sat quellhip enlhit ajancaoc, sictimem Dios Visqui apancaoc quellhip.

JEREMÍAS 30:22

Aptomjac mocjam Visqui ingac: Otnejic sat enlhit ajancaoc, sictimem Dios Visqui apancaoc. Eycaso sicpayvam sicvisay Visqui apancaoc — alhta aptomjac.

JEREMÍAS 31:33

Cotnejic sat pacto ningmiyovmalhca alhnancoc nipyesicsa enlhitaoc: Opquinic sat apquilvalhoc siyanamaclha coo, comoc sat apquilvalhoc, malha mactalhescama apquilvalhoc sat cotnejic. Otnejic sat Dios Visqui apancaoc, otnejic sat enlhit ajancaoc. Naso coo sicpayvam sicvisay Dios.

JEREMÍAS 32:38

Otnejic sat enlhit ajancaoc, sictimem Dios Visqui apancaoc.

JEREMÍAS 7:23

Actomjac nat silanya apquilyeyjamcaa, yoyam elyiplovcasojo siyanamaclha. Otnejic sat enlhit ajancaoc, sictimem coo sicmasma enlhitaoc. Altimnasquic nat siyanama, yoyam eltamilsacpojo apanco, colhic sat actamilaycam apquilvalhoc.

EZEQUIEL 11:20

Elyiplovcasojoc sat mataa siyanamaclha najan siyascamaclha coo. Otnejic sat enaymacoc, otnejic sat Dios Visqui apancaoc.

EZEQUIEL 36:38

Elhnam sat enlhit appintalhnama tingma apquilvanyam, ellhojoc sat nipquesic macnalayquinta tingma apponquinomap naysicsa fiesta tingma Jerusalén, yoyam colhic acmesa Dios. Jelyicpilcangvomoc sat sicvisay Visqui apancaoc — alhta aptomjac.

JOEL 2:27

Elyicpilcangvomoc sat quellhip, sicpasmom mataa coo, sicvamlha lhama coo sicmasma quellhip, mepqui poc. Mellingamquejec sat mataa apquilmancactama quellhip — alhta aptomjac Dios Apyimtalhnamo — nic nat aptomjac profeta.

NÚMEROS 5:3

Incaymalhquic etipsacpoc enlhit, najan cotipsalhcac quilvana ningmasquem ayajem. Incaymalhquic etipsacpoc enlhit, najan cotipsalhcac quilvana ningmasquem ayajem. Motanovejec sat apyovoclhojo apjalhnancaoc, sicvita inlhojo apquilantipsomap ningmasquem alnapma. Olhic sat nipyesicsa apjalhnancaoc — nic nat aptomjac Dios.

SAN MATEO 22:32

“Coo nac Abraham Dios apanco najan Isaac Dios apanco najan Jacobo Dios apanco” —nic nat aptomjac. Dios Ingyapam aptomja Apvisqui apancaoc enlhit apjalhnancaoc. Am etnajac Apvisqui apancaoc apquilitsepma —alhta aptomjac Jesús.

2 CORINTIOS 6:16

Mongvanquejec najan tingma apponquinomap ongninquinic quilaycmasquiscama alyitsomalhca Dios. Nincoo ningiltomja malha Dios tingma pac apponquinomap. Dios aptomja apquilmilaneycaoc. Aptomjac nic nat Dios: Otnejic sat tingma ajac nipyesicsa enlhitaoc, otyisam sat nipyesicsa. Otnejic sat Dios Apvisqui apancaoc enlhitaoc. Otnejic sat sicmolhama aplhamoclhojo enlhitaoc.

DEUTERONOMIO 23:14

Apnec mataa Dios nipyesicsa quellhip, elmeyvoc sat quellhip eltimjic apquilyimnatem naysicsa apquilimpocjay nipyesicsa cotnaja ingmoc. Etnejic sat mataa apcalhnayo carpa tingma apnamcaclha quellhip napato Dios. Eyamyiclhac sat Dios, apvita inlhojo acpaysacmo apnaycamcaclha quellhip.

DEUTERONOMIO 23:15

Apvaac sat ancoc enlhit apmomap apquinyem, yoyam elhic sat nipyesicsa quellhip, noelapajas nasa etajojoc sat apnaclha apvitip.

HEBREOS 11:16

Inquillhenquic nic nat mataa apquilvalhoc apquilaoclha actamila anco, am colhnoc nalhpop. Inlhenalhquic nic nat ningaoclha netin. Am nic nat emancac Dios apquiltomja as enlhitaoc apvisay Visqui apancaoc. Apquillanesquic nic nat Dios tingma apyiviy yoyam elhnam as enlhitaoc acma melyasquiyam.

EL APOCALIPSIS 2:1

‘Aptomjac alhta seyanya coo: Italhosquis sat lhip yoyam elyipsitic soycam amyaa aptomja apquimja apmamyi Jesucristo apmolhama apnaycam tingma Efeso: “Eycaso appayvam aptomja apmaycam apmic actamilaclha siete apyova. Najan aptomja aptiyascam naysicsa siete alapongmateycaoc alyinmom:

EL APOCALIPSIS 21:7

Apquilinlhanacmec sat ancoc enlhit, elhquiclhac sat aclhamoclhojo asoc. Coo sat otnejic sictamongvoyam as enlhit. Coo sat otnejic Dios apanco malha apyap.