LEVÍTICO 26:11 - Enhlit Bible

¹¹ Olhic sat coo nipyesicsa quellhip. Motanovejec sat mataa quellhip.

LEVÍTICO 26:11 Iomraidhean Croise

2 SAMUEL 7:7

Acnec coo mataa nipyesicsa enlhitaoc Israel naysicsa apquillhingam. Alyacyesquic coo mataa lhama enlhit yoyam etnejic apvisqui nipyesicsa enlhitaoc Israel, aptomja aptamilquiscama enlhitaoc ajancaoc. Am alhta otnajac mataa ongvanic apvisqui: Altamjoc coo yoyam ellanac tingma quellhip yoyam elhic coo. Paj — nic nat aptomjac Dios.

1 REYES 6:13

Olhic sat tingma nipyesicsa enlhitaoc Israel. Moyinyovejec sat mataa enlhitaoc ajancaoc Israel — nic nat aptomjac Dios.

1 REYES 8:13

Acpenasquic coo sillanay tingma apmaclha lhip. Elhic sat mataa lhip cotmongvoycamlha nelha — nic nat aptomjac.

1 REYES 8:27

Apyimtalhnamo apanco lhip maa netin. ¿Apvanqui ya lhquip elhic as nalhpop congne tingma? Am colhnoc maa netin. Am eyav'ac as tingma sillanay coo.

SALMOS 106:40

Aplovquic nic nat Dios napatavo apnaymacoc. Aptanovquic nic nat apyovoclhojo enlhitaoc.

SALMOS 76:2

Netin inquilhe Sión apyitna tingma pac apponquinomap Jerusalén.

SALMOS 78:59

Aplovquic nic nat Dios apvita apquiltemaclha apancaoc. Apyamasmec nic nat Dios, mepasmejec sat mataa enlhitaoc Israel.

ÉXODO 25:8

Jelanesquis lhama carpa apponquinomap, yoyam olhic sat coo nipyesicsa israelitas.

ÉXODO 29:45

Otnejic sat sicmaclha nipyesicsa israelitas, otnejic Visqui apancaoc Dios.

ÉXODO 29:46

Elyasingvomoc sat sicvisay Dios Visqui apancaoc, sicyinyovquiscama nat yoclhilhma Egipto, yoyam olhic sat nipyesicsa. Coo sicvisay Dios Visqui apancaoc— nic nat aptomjac Dios.

JEREMÍAS 14:21

Nojingiltovas nasa nincoo, yoyam colhic ayaco lhip apvisay. Notne nasa apvenneycam tingma, acyitnamaclha lhip aptajanem mayayo. Coyitnam apatic lhip pacto ningmiyovmalhca ningyesicsa, notne nasa apyeycajascaoc.

LAMENTACIÓNES 2:7

Aptanovquic alhta Visqui ingac altar apquilvatnamaclha najan tingma apponquinomap. Am alhta emyavac apquilimpocjay cotnaja ingmoc tingma apvanyam najan apjalhtam tingma. Apquililpalhamam alhta cotnaja ingmoc congne tingma apponquinomap, acno nincoo siclhoc alhta ningilitsovascama naysicsa fiesta.

JOEL 2:27

Elyicpilcangvomoc sat quellhip, sicpasmom mataa coo, sicvamlha lhama coo sicmasma quellhip, mepqui poc. Mellingamquejec sat mataa apquilmancactama quellhip — alhta aptomjac Dios Apyimtalhnamo — nic nat aptomjac profeta.

LEVÍTICO 20:23

Noelyiplovquis nasa apquiltemaclha actomja apquilaoclha. Apquillinga inyicje quellhip sicpayvam siclhanma apquiltemaclha apancaoc actomja apquilaoclha. Actanovquic coo as enlhitaoc. Olantipsic sat as enlhitaoc napatavo quellhip.

LEVÍTICO 26:15

Yitnec sat ancoc apquilvennéycam siyanamaclha najan siyascamaclha. Acyiplomo apquiltanoncama, mepqui apquilyiplovquiscama quellhip. Apquiltovasqui nac quellhip sicpayvam actemaclha sicmayjayoclha.

LEVÍTICO 26:43

Apquilyamasmec alhta siclho yoclhilhma apquileyvomaclha, yoyam colimjamcoc años mepqui amyaa, malha acnim ninnayclha. Ellingamcojoc sat apquilsilhnanomap apanco. Mepqui alhta apquilyiplovquiscama siyanamaclha najan siyascamaclha.

LEVÍTICO 26:44

Naso, apnam inyicje quellhip nipyesicsa cotnaja ingmoc. Mosovejec sat sictovascama apyovoclhojo quellhip. Otnejic sat nasoc anco sicpayvam mepqui sicyeycajascaoc. Siclhanma siclhoc nat napatavo apquilyeyjamcaa quellhip. Coo sicvisay Dios Visqui apancaoc quellhip.

ZACARÍAS 11:8

Alapajasquic alhta apnatqui apquilancam apquilmapsomcaa, apquiltomja selinmelhaycam najan seltanoncama. Lhama piltin alhta aptomjac.

EFESIOS 2:22

Quellhip najan lha apquiltomja malha macninquinaycaoc netin apquilpasmeyquiclha Cristo. Etnejic sat tingma apponquinomap yoyam elhic Dios ayinyema Espíritu apanco.

DEUTERONOMIO 32:19

Aplovquic nat Dios, apvita apquiltemaclha quellhip. Apquilhaquic nat apquitquic apquilinava najan quilvanaa.

JOSUÉ 22:19

¿Apquilanayqui ya quellhip acmasom napato Dios apquileyvomaclha quellhip? Elquilhyim sat apquileyvomaclha apquilmolhama Dios, payjoc Dios tingma pac apponquinomap. Elpalhavota sat ningyesicsa. Noelinmelham nasa Dios Visqui ingac. Nojingilinmelham nincoo lha. Noellana nasa moc altar apquilayoclha Dios, acyitna inlhojo lhama altar ningayoclha Dios Visqui ingac.

JOSUÉ 22:31

Aptomjac nic nat Finees, sacerdote Eleazar apquitca apquilanya: — Ningilyasingvocmec quilhvo nac jay singilpasmom Dios Visqui ingac. Am alhta elsilhnanaacpoc apanco quellhip actemaclha apquilinmelhaycam Dios quellhip. Singmasma nincoo Dios Visqui ingac, monlingamquejec sat acyimtalhnama ayinyema Dios Visqui ingac — nic nat apquiltomjac.

EL APOCALIPSIS 21:3

Aclingac alhta appayvam acyimnatem ayinyema Visqui aptajanem. Intomjac alhta: —Quip ilanojo Dios apma nipyesicsa enlhitaoc. Elhic sat mataa nipyesicsa eltimjic sat enlhit apancaoc. Eltimjic sat enlhitaoc Dios Visqui apancaoc.

EL APOCALIPSIS 7:15

Eycaso ayinyema apcanvoycta apnaclha Dios apma netin Visqui aptajanem. Apquilanam congne Dios tingma apponquinomap acnim najan alhtaa. Dios sat etamilsic as enlhitaoc, malha appayescama carpa sat etnejic tacjaplhit enlhitaoc.