LEVÍTICO 24:5 - Enhlit Bible

⁵ Ingyane sat colhic allana doce tortas de harina, apvamlha cuatro kilos y medio moclhama torta.

LEVÍTICO 24:5 Iomraidhean Croise

1 REYES 18:31

Apquilansaclhec nic nat doce mataymong Elías, acno apquilvamlha ilhnic nat Jacob apmolhama. Ayinyema ilhnic nat Dios aptimesquiscama Jacob apvisay Israel.

1 CRÓNICAS 23:29

Eltingyasquisic sat pan apponquinomap elninquinic netin mesa. Eltingyasquisic motajap harina, yoyam elanacpoc pan mepqui apquimpascaoc, najan ningilpayescama, najan motajap apyelaquiscama, najan moclhama actemaclha niljanma ningilyipsateycaoc.

1 CRÓNICAS 9:32

Apquilanyacpec nic nat napocja apquilmolhama coatitas ellana pan apponquinomap, appiquenomap netin mesa. Moclhama acnim ninayclha apquilnincanma pan apjalhnancoc.

2 CRÓNICAS 13:11

Yitnec mataa alhtoo najan actalhnam apquiltamjaycam napato Visqui ingac. Apquilnapquic mataa apnatoscama macmescama Dios acyanmongam mongilyascalhma najan moc asoc apquilvatnama actomja macmescama Dios. Apninquinquic mataa netin mesa pan apponquinomap. Apcalevasquic mataa calevascama acvisay alapongmateyquiclha allanomalhca oro. Ninsovjoc mataa nincoo ningyiplovquiscama singanamaclha Dios Visqui ingac, quellhip eyca apquilyamasma Dios Visqui ingac.

NEHEMÍAS 10:33

Yoyam colhic actingyasquisa pan apponquinomap, najan asoc macmescama Dios trigo apactic moclhama acnim. Najan moclhama acnim ninatoscama acticyovam macmescama Dios acyanmongam mongilyascalhma, najan moclhama acnim ninnayclha asoc macmescama Dios, najan piltin apjalhnancoc asoc macmescama Dios najan fiesta ningayoclha Dios, najan moc asoc macmescama Dios. Moc asoc mocjam macmescama Dios, yoyam colmascosalhcac sat melyascalhma apquilsilhnanomap apanco israelitas. Najan asoc macmescama Dios moclhama acnim tingma apponquinomap.

NEHEMÍAS 10:34

Ningilpamejitsalhquic mataa nipyesicsa sacerdotes, ningilmaycam sicas, najan maa levitas najan poc enlhitaoc. Ongilyasamcojo nipyesicsa apquilmolhama, yavamlha elyintilhvomoc acyovoclhojo año. Incaymalhquic mataa alhpongja acvatnamalhquiclha asoc macmescama Dios, acno singanamaclha ayinyema Dios.

ÉXODO 25:30

Ininquin sat netin mesa najato pan apponquinomap, mataa apjalhnancoc — nic nat aptomjac Dios.

ÉXODO 39:36

najan mesa, najan acyovoclhojo apquilmaycam, najan pan apponquinomap napato Dios,

ÉXODO 40:23

Appiquenaclhec nic nat pan netin mesa napato Dios. Apyiplovcasquic nic nat apcanamaclha siclho.

ÉXODO 40:4

Ipquin sat congne lhama mesa acyiplomo pan apponquinomap netin mesa. Ipquin sat congne alapongmateyquiclha acyiplomo calevascama netin maa.

NÚMEROS 4:7

Elalacsic sat mesa acponquinomalhca apava apyivey. Elninquinic sat netin apava aclhamoclhojo apquilmaycam platos, cucharones, copas najan jarras para uva ayingmenic, najan pan apponquinomap.

SAN MATEO 12:4

Aptalhningvocmec nic nat David Dios tingma pac. Aptomquic nic nat quilpasmongam apquilponquinomap singascama ontoc. Apvamlha apanco aptoycaoc sacerdotes.

LOS HECHOS 26:7

Apquililjalhnec mataa apyovoclhojo enlhitaoc Israel, yoyam comoc nelha aplhanmaclha Dios Ingyapam. Apquilinlhanacmec mataa elyiplovsic acnim najan alhtaa. Visqui Agripa, eycaso ayinyema sellhanma sicmasom judíos quilhvo nac jay.

HEBREOS 9:2

Yitnec congne tingma apponquinomap lhama apvalhoc apvisay “apponquinomap”. Inquinmec maa congne ayapongmateyquiclhilha, najan lhama mesa apnaycamcolha quilpasmongam apponquinomap.

SANTIAGO 1:1

Coo nac Santiago sictomja Dios apquilancam najan Jesucristo Visqui ingac. Inlhenquic evalhoc Dios apmolhama apquilhpaneycam lhalhma anco.

1 SAMUEL 21:6

Aplhocac nic nat David pan macmescama Dios, apquinyema sacerdote. Am nic nat eyitnac poc pan, apvamlha pan macmescama Dios. Aptingyac nic nat sacerdote pan apjalhnancoc as acnim nac jay, apya'monquiscama poc.,

1 SAMUEL 21:7

Apnec nic nat congne tingma apponquinomap lhama apcasinancama Saúl. Apvisay nic nat Doeg co Edom, apquimja apmamyi ilhnic nat nipyesicsa apquilancam nipquesic.