LEVÍTICO 23:40 - Enhlit Bible

⁴⁰ Primer acnim elpatmenta sat acyilhna actamila anco ayinyema yamit, najan alha ava actengaoc, najan moc actengaoc acma ava alimja nicja vatsam. Colpayjiclha sat mataa apquilvalhoc naysicsa apquilayo Dios, acvaycmo siete acnim.

LEVÍTICO 23:40 Iomraidhean Croise

SALMOS 137:2

Ningilquilhnec alhta netin yamit arpa actemaclha yatalhpong. Netin yamit alimja alhta nipyesicsa tingma.

SALMOS 92:12

Elmiyovacpoc sat actamilaycam apquilvalhoc. Malha apquilictingam aptomjac. Malha yamit alyivey cedro netin inquilhe Líbano intomjac apquilictingam.

ISAÍAS 35:10

Dios Visqui ingac ayinyema apquilvomquiscama tap, elmiyantac sat tingma Jerusalén naysicsa acpayjayclha apquilvalhoc, comasquejec sat mataa acpayjayclha apquilvalhoc naysicsa apquileyvam. Apquilinyejemoc sat eltimjic. Comascoc sat mataa actemaclha acmayovsa apquilvalhoc najan apquiliclhangveycam — nic nat aptomjac profeta.

ISAÍAS 44:4

Elvanac sat apquitquic, malha paat ayictingam acyitnamaclha yingmin.

ISAÍAS 66:10

Elitsovacsojo sat lhama tingma Jerusalén. Colpayjiclha apquilvalhoc aplhamoclhojo apquiltomja apquilasicjayo as tingma. Elpasmiclha apquilitsovascama quellhip apquiltomja alhta apquilmapyovseca apquilvita tingma.

LEVÍTICO 23:39

Acnim quince, najan piltin séptimo, apquilsovjo inlhojo quellhip apquilnaclhama acyilhna, ellana sat fiesta siete acnim, yoyam colhic ayaco. Cotnejic acnim ninnayquiclha primer acnim najan octavo (ocho) acnim.

LEVÍTICO 23:41

Moclhama año, apvocmo inlhojo piltin séptimo, ellana sat fiesta siete acnim, yoyam colhic ayaco Dios. Comasquejec mataa singanamaclha nac jay cotmongvoycamlha nelha.

SAN MATEO 21:8

Aplhamoclhojo alhta enlhit apquilpayesamco apquilantalhnama amay avalhoc apmiyaclhilha. Poc enlhit apquilyatemenamquic yamit ava. Apninquinamquic alhta amay avalhoc.

SAN JUAN 12:13

Yejemoc alhta apquilyatemenamco alha ava. Apquilamyilhamquic alhta Jesús apquilpalhamamcaa: —Sas, tasic anco. Ningilayo aptomja apquilhyam aplhanma apvisay Visqui ingac. Ningilayo aptomja Israel Apvisqui apancaoc —alhta apquiltomjac apquilpamesma.

SAN JUAN 16:22

Innoc najan quellhip. Apyovsecac quellhip quilhvo nac jay. Otangvotac sat mocjam quellhip. Colpayjiclhac sat apquilvalhoc quellhip. Comascosalhquejec sat acpayjayclha apquilvalhoc.

ROMANOS 5:11

Moc asoc mocjam: Inpayjeclhec nincoo ingvalhoc ningiltomja ninpasmeyquiclha Dios Ingyapam ayinyema Jesucristo Visqui ingac. Ayinyemaclha Cristo aptomja singasicjascaseyquiclho Dios.

DEUTERONOMIO 12:12

Ellanac sat fiesta quellhip napato Dios, apquilpasmeyquiclha apquitquic najan enlhit apquiltimesaycam nipyesicsa quellhip, apquilpasmeyquiclha levitas apquiltomja apnaymacoc, mepqui alhta apquillhoy amyipayc levitas.

DEUTERONOMIO 12:7

Eltovamcoc sat quellhip napato Dios, apquilpasmeyquiclha familias. Elitsovacsojoc sat lhama quellhip ayinyema apquiltamjaycam quellhip naysicsa apvaticjapquiscama mataa Dios Apyimtalhnamo.

FILIPENSES 3:3

Nincoo eyca acyitna asoc monquinatquiscama ingyimpejic actomja nasoc anco. Ayinyemaclha ningilpayasoc nincoo Dios Ingyapam ayinyemaclha Espíritu apanco. Ningilacoc nincoo Cristo Jesús. Am ontingyac asoc apquiltemaclha apancaoc judíos.

FILIPENSES 4:4

Colpayjiclha mataa apquilvalhoc ayinyema Visqui ingac. Pac otnejic ongvanic mocjam: Colpayjiclha apquilvalhoc quellhip.

1 SAN PEDRO 1:8

Apquilasicjavo inyicje quellhip Jesucristo, am eyca elvitac mocjam. Am inyicje elvitac quilhvo, am eyca elyascacmoc quellhip. Invocmec sat ancoc nelha melyasquiyam, malha apquilvoyam apmamyi acvisay ningilvomsomalhquilha tap. Avanjec sat cotnejic acpayjayclha apquilvalhoc quellhip, am colhno actemaclha acpayjayclha ingvalhoc as nalhpop.

EL APOCALIPSIS 7:9

Natamin as asoc acvitac alhta enlhit appintalhnama apquilinyema lhalhma anco, mongmovan ongilyipsitic. Apquilinyema aclhamoclhojo apquilaoclha najan aclhamoclhojo apquilmolhama najan aclhamoclhojo cotnaja ninpayvamo lhama. Apcanam alhta acyitnaclha Visqui aptajanem najan apyancaclha Nipquesic Apquitcoc. Apquilmopoy alhta apquilantalhnama. Yatipaang actingaoc alhta apquilmaycam.