30 Aptamjam sat ancoc enlhit as acnim, memyovacpejec sat napato Dios, ematong sat nipyesicsa apnaymacoc.
Am sat ancoc colhnac asoc monquinatquiscama lhama enlhit nipyesicsa quellhip, incaymalhquic ematong. Ayinyemaclha aptovasquic actemaclha siclhanma sicmayjayoclha coo— nic nat aptomjac Dios.
Actimescasquic coo nipyesicsa co Judá, malha siyimposcay actic, actomja acsovm alhcajayam ayimpeoc. Acyinyovcasquic tingma apancaoc, acyinyovcasquic apquitquic as enlhitaoc, ayinyema mepqui apquilvatescama apquiltemaclha apancaoc.
Aptomjac alhta mocjam Dios Apyimtalhnamo: Aplingasquic sat ancoc profeta apmopvan amyaa, ayinyema coo sicyinimquiscama siclho. Omascocsic sat aptiyascam as profeta nipyesicsa apnaymacoc.
Coo sat otanovac enlhit apsilhnanomap apanco. Otipsic sat maa nipyesicsa apnaymacoc. Ayinyema apquinmelhaycam alhta tingma apponquinomap. Aptomja seyinmelhaycam coo sicvisay Dios.
Am sat ancoc eyiplovcasac enlhit as acnim mepqui nintom, etvasacpoc sat ematong sat nipyesicsa apnaymacoc.
Colapvanquejec eltamjam as acnim. Comasquejec sat mataa singanamaclha nac jay cotmongvoycamlha nelha.
¡Quellhip layi co Creta acyayem lhop, apnaycam nicja yingmin acvanyam! Aptomjac alhta Dios apquillhenacpo quellhip: Quellhip co Canaán apquileyvomaclha filisteos. ¡Onatovacsic sat quellhip, mepqui enlhit sat cotnejic apquileyvam!
Nintovasquic sat ancoc Dios tingma pac, jintovacsic sat nincoo lha Dios. Ayinyemaclha Dios tingma pac aptomja apponquinomap. Quellhip apquiltomja malha Dios tingma pac apponquinomap.