LEVÍTICO 23:21 - Enhlit Bible

²¹ Incaymalhquic quellhip ingyaniclhac as acnim santo, mepqui apquiltamjaycam. Comasquejec sat mataa singanamaclha actema nac jay cotmongvoycamlha nelha.

LEVÍTICO 23:21 Iomraidhean Croise

GÉNESIS 17:7

Eycaso actemaclha monquinatquiscama sicmayjayoclha coo napato lhip najan aplhamoclhojo aptovana niptamin lhalhma anco: Otnejic sat mataa Dios lhip Visqui pac. Otnejic sat mataa Dios Visqui apancaoc aptovana niptamin lhalhma anco.

ÉXODO 27:21

Eltamilquisic sat mataa Aarón najan apquitquic acyovoclhojo calevascama, yoyam colapongmetic (colsacsic sat olhma) acyovoclhojo alhtaa congne carpa apponquinomap, payjoc jilip apava apjalhtamomap acyitnamaclha yamit aysicsic avalhoc Dios appayvam. Comasquejec sat mataa siyanamaclha, elyiplovcasojoc israelitas najan aptovana.

ISAÍAS 11:10

Elhenacpoc sat apmolhama David. Etacpoc sat malha yamit alhcapoc alhnancoc actiyapma ayquipmenaoc. Melquinatsejec sat enlhitaoc lhalhma anco, elyotac sat apmaclha maa. Innec mataa ayaco apmaclha apanco David apmolhama — nic nat aptomjac profeta.

LEVÍTICO 23:14

Apquilpenasquic sat ancoc macmescama Dios as acyilhna, natamin eltovamcoc sat quellhip lha pan, najan trigo apactic macyilhnayam, najan apactic angvitic (apvitic). Comasquejec mataa singanamaclha nac jay cotmongvoycamlha nelha.

LEVÍTICO 23:2

Iltimnas sat lhip sicpayvam napatavo israelitas: Eycaso alvisay acnim alponquinomalhca, yoyam ingyaniclhac sat quellhip.

LEVÍTICO 23:20

Etingyac sat sacerdote as apnatoscama macmescama Dios, acyiplomo pan apquinyema apyilhna siclha apvitay, najan apcanit nipquesic apquitcavoc. Eycaso altomja macmescama Dios, yoyam eltovamcoc sacerdotes.

LEVÍTICO 23:25

Eltingya sat asoc macmescama Dios malvatnama talha colhic ayaco Dios, mepqui apquiltamjaycam as acnim.

LEVÍTICO 23:31

Colapvanquejec eltamjam as acnim. Comasquejec sat mataa singanamaclha nac jay cotmongvoycamlha nelha.

LEVÍTICO 23:4

Eycaso alvisay acnim, yoyam ingyaniclhac quellhip eltimjic fiesta mayayo Dios:

LEVÍTICO 23:7

Ingyaniclhac sat quellhip primer acnim, colapvanquejec quellhip eltamjam as acnim. Moc acnim mataa eltingya asoc macmescama Dios malvatnama talha. Ingyaniclha sat quellhip acnim séptimo ellanac fiesta nimpayvam. Colapvanquejec quellhip eltamjam as acnim.

LEVÍTICO 3:17

Comasquejec sat mataa singanamaclha nac jay, elyiplovcasojoc sat mataa enlhit najan aptovana naysicsa apquileyvam lhalhma anco. Noeltovaoc nasa acpilhmoc (aptipilhmoc), noeltovaoc nasa ema ac vayqui, najan ema pac yataay najan nipquesic — nic nat aptomjac Moisés.

NÚMEROS 18:23

Apquilvamlha levitas eltimesam sat congne carpa apponquinomap, elsilhnanacpoc sat, apquilvita inlhojo acmasom. Comasquejec sat mataa siyanamaclha nac jay, elyiplovcasojoc sat enlhit najan aptovana. Mepqui amyip sat cotnejic mataa apquileyvam levitas.

DEUTERONOMIO 16:11

Ellana sat quellhip fiesta napato Dios, payjoc carpa apponquinomap, apquilpasmeyquiclha apquitquic, najan enlhit apquilmomap, najan apnaymacoc levitas, najan metnaja israelitas, najan apquilyeyjeycam, najan lhintampaa nipyesicsa quellhip.