LEVÍTICO 23:17 - Enhlit Bible

¹⁷ Elsanta sat apcanit pan acyiplomo levadura, malha cuatro kilo cada uno, cotnejic sat macmescama Dios siclha apquilvitay acyilhna.

LEVÍTICO 23:17 Iomraidhean Croise

NEHEMÍAS 10:37

Ontimjic sat ningmescama asoc (contribución) tingma apponquinomap, yoyam eltovamcoc sacerdotes: siclha ningvitay harina, siclha ningvitay yamit acyilhna, siclha ningvitay uva ayingmenic, siclha ningvitay aceite olivo ayingmenic. Ongillhamasiclhac sat ningmescama asoc ellhovamcoc levitas, lhama mataa acyilhna (kilo), ningvita inlhojo diez acyilhna (kilo), elmoc sat tacja depósitos tingma apponquinomap. Poc mataa apquilansayclha acyilhna nipyesicsa apnaycam amyip.

ÉXODO 22:29

Noelmiyov nasa jelmecsic acyanmongam acyilhna ayinyema apquilcaycaoc. Noelmiyov nasa jelmecsic apquitca aptiyam apmamyi, otnejic ajanco.

ÉXODO 23:16

Moc fiesta acvisay pentecostés. Mocjitma ningnaclhama acyilhna siclhoc anco. Moc fiesta acvisay ninsovjomo ningnaclhama acyilhna.

ÉXODO 23:19

Moclhama acyilhna siclho apvitay, elsantimquis sat mataa tingma pac Dios. Mongvanquejec ongjanic yataay neme pac apyingmenic nimpalhaquisa yataay apquitcoc.

ÉXODO 34:22

Ellana sat fiesta (pentecostés) ningnaclhama acyilhna siclhoc anco. Ninsovjomo siclho motajap apactic (trigo). Moc fiesta acvisay ninsovjomo ningnaclhama acyilhna (nelha).

ÉXODO 34:26

Moclhama acyilhna siclha apvitay, elsantimquis sat mataa tingma pac Dios. Mongvanquejec ongjanic yataay neme pac apyingmenic nimpalhaquisa yataay apquitcoc.

LEVÍTICO 2:12

Apvanquic enlhit etnejic macmescama Dios levadura asoc acyipjescama harina, apvanqui etnejic yamyovjene macmescama Dios, acno acyilhna siclha apvitay macmescama Dios. Mongvanquejec mataa levadura najan yamyovjene ongilpalhaquisic nintom, yoyam colhic alvatna talha netin altar napato Dios.

LEVÍTICO 23:10

Iltimnas sat lhip sicpayvam napatavo israelitas: Elvitac sat quellhip yoclhilhma alhnancoc, yoyam ellhovamcoc quellhip. Elvitac sat trigo apyilhna, elsaclha sat quellhip apnaclha sacerdote amamyi anco lhama acpilhtetem trigo apyilhna.

LEVÍTICO 23:18

Apquilsantac quellhip pan, acyiplomo apnalayquinta siete apnatoscama nipquesic apquitcavoc un año mepqui acmasom apyimnpeoc, najan lhama vayqui inquinavo, najan apcanit nipquesic apquilinava, actemaclha holocausto malvatnama talha, colhic ayaco Dios, actemaclha apyisponcama, mocjam macmescama Dios trigo apactic najan uva ayingmenic.

LEVÍTICO 7:13

Tasic najan apsayquinta enlhit tortas de pan con levadura asoc acyipjescama.

NÚMEROS 15:17

Aptomjac nic nat mocjam Dios apcanya Moisés:

NÚMEROS 18:12

Cotnejic sat lhip apanco acyilhna siclha apquilvitay enlhit, selmescama coo moclhama año: actamila anco aceite, actamila anco uva ayingmenic najan aptamila apanco trigo apactic.

NÚMEROS 18:13

Acno moc acyilhna siclha apquilvitay enlhit, selmescama coo, cotnejic sat lhip apanco aptom. Coltasomoc sat moclhama familia apmolhama lhip, acyitna inlhojo actamilaycam apvalhoc.

NÚMEROS 28:26

Ellana sat fiesta primeros frutos, moc acvisay acyilhna siclha ningvitay. Eltingya sat ofrenda trigo apactic macmescama Dios ayinyema acyilhna siclha apquilvitay, moc acvisay fiesta de las Semanas. Cotnejic sat apcaneyquiclha mayayoclha. Noeltingya nasa apquiltamjaycam as acnim.

SAN MATEO 13:33

Apquiltimnasam alhta mocjam moc apyitquiscama Jesús: —Visqui netin apquilnancascama acyitsomalhco quilpasmongam apquimpascaoc. Inpalhacasquic sat ancoc quilvana nipyesicsa motajap, natqui acyacvom inlhojo. Yejemoc apquimpamco apyovoclhojo motajap macyelaquiscama —alhta aptomjac.

ROMANOS 8:23

Jave acvamlha aclhamoclhojo asoc allingaycamco acmasca. Najan nincoo lha ningilmiyovsica acyitna ingvalhoc Espíritu apanco Dios singmescama ingmamyi Dios. Ningiljalhnec nincoo yoyam onlhojoc sat lhama Dios ningiltomja apquitquic. Yoyam najan cotniclha moc actemaclha ningilyovoclhojo, am colhno actemaclha ningilyovoclhojo as nalhpop.

1 CORINTIOS 15:20

Nasoc anco, Cristo aptomja aplhaticjangviyam nipyesicsa apquilmasquingvaycmo. Aptomja aplhaticjangviyam apmamyi, malha ningvitay acyilhna amamyi.

SANTIAGO 1:18

Ingmesquic Dios Ingyapam acyimnatem ingnenyic ayinyema appayvam actomja nasoc anco. Apquiltamjoc yoyam ontimjic ingmamyi naysicsa apquilantipquiscama asoc, malha actemaclha acyilhna acnaclhamalhca amamyi. Eycaso apmayjayoclha apanco Dios Ingyapam.

EL APOCALIPSIS 14:4

Am alhta elanoc quilvana as enlhitaoc, paj najan apquilyipitcaycam quilvana. Malha mepqui apnatamcaa as enlhitaoc. Apquilyiplaclhec mataa apyasaclha Nipquesic Apquitcoc. Apyinyovquic alhta acyanmongam Dios yoyam elvomsacpoc tap as enlhitaoc. Malha asoc amamyi macmescama Dios najan macmescama Nipquesic Apquitcoc alhta as enlhitaoc.