LEVÍTICO 22:4 - Enhlit Bible

⁴ Copvanquejec mataa sacerdote Aarón aptavin etasomoc nintom, acyitna inlhojo lepra ningmasquem, najan acyitna inlhojo cavin actiyapma aptilha. Incaymalhquic siclho comascoc aptanovmap napato Dios. Enlhit etniclhac sat aptanovmap napato Dios, aptomja apmongvoyam apquitsepma (asoc ayitsepma), aptomja apmongvoyam enlhit acyitna siclho apale (apalem),

LEVÍTICO 22:4 Iomraidhean Croise

LEVÍTICO 11:39

Inquitsepquic sat ancoc aptoscama mepqui actanovmalhca napato Dios. Etanovacpoc sat enlhit, apmongvocmo inlhojo aptoscama ayitsepma, etanovacpoc sat acvaycmo actalhnama acnim.

LEVÍTICO 15:17

Moclhama asoc acpaysomalhca ayinyema apale (apalem) enlhit, incaymalhquic colhic acyimyesa yingmin, cotniclhac sat actanovmalhca napato Dios acvaycmo actalhnama acnim.

LEVÍTICO 2:10

Moc nintom ayaymalhca actomja acponquinomalhca napato Dios, eltovamcoc sat sacerdote Aarón najan aptovana.

LEVÍTICO 2:3

Moc harina ayaymalhca actomja acponquinomalhca napato Dios, eltovamcoc sat sacerdote Aarón najan aptovana.

LEVÍTICO 21:1

Aptomjac nic nat Dios apcanya Moisés: Iltimnas sat lhip sicpayvam siyanamaclha napato Aarón najan aptovana, yoyam elavojoc sat mataa eltimjic apquiltanovmap napato Dios, ayinyema apmongvoyam apmolhama apquitsepma (ayitsepma).

LEVÍTICO 21:22

Apvancaac eltovamcoc pan ayinyema selmescama enlhit, najan eltovamcoc asoc santa acponquinomalhca, najan asoc santísima acponquinomalhca selmescama coo.

HAGEO 2:13

Aptomjac nic nat mocjam profeta: —Apyipitcaclhec sat ancoc sacerdote asoc ápac, aptomjayclho comasis apyimpejic napato Dios. Apyipitcaclhec sat ancoc sacerdote lhama asoc nintom aclhenamalhca: ¿naso ya cotniclhac comasis as nintom napato Dios? Apquilatingmavoc nic nat: —Eje — nic nat apquiltomjac.

NÚMEROS 18:19

Itne sat lhip apanco acyovoclhojo asoc selmescama coo israelitas. Eltasomoc sat mataa lhip apquitquic apquilinava najan quilvanaa. Comasquejec sat mataa siyanamaclha nac jay. Acvisay ningmiyovmalhca cotmongvoycamlha nelha najato coo najan lhip najan aptovana niptamin — nic nat aptomjac Dios.

NÚMEROS 18:9

Moclhama asoc macmescama Dios, yoyam colvatnalhcac talha, cotnejic sat lhip apanco ofrendas cereales, moclhama actic macmescama Dios. Najan maa moclhama asoc acmatnam macmescama Dios acyanmongam melyascalhma enlhit, cotnejic sat lhip apanco najan lhip apquitquic apancaoc, yoyam eltovamcoc nicja.

NÚMEROS 19:20

Incaymalhquic ematong enlhit nipyesicsa quellhip, mepqui apyiplovquiscama siyanamaclha actemaclha ayalhnayo apvalhoc napato Dios. Aptomja as enlhit, yoyam etanovacpoc carpa apponquinomap napato Dios, ayinyema mepqui ayalhnayo apvalhoc napato Dios, mepqui alhta aptingyey panatem ayilhpajay apyimpejic.