LEVÍTICO 22:18 - Enhlit Bible

¹⁸ Iltimnas sat sicpayvam napato Aarón najan apquitquic najan apyovoclhojo israelitas. Itne sat elanic: Aptingyac sat ancoc lhama israelita, poc lhaja metnaja israelita, etnejic sat asoc macmescama Dios actemaclha holocausto malvatnama talha, malha ayinyema aplhanma mepqui apyeycajascaoc, tasic najan apmescama nasa asoc ofrenda.

LEVÍTICO 22:18 Iomraidhean Croise

2 CRÓNICAS 31:14

Lhama levita apvisay nic nat Coré, aptomja aptamilquiscama atong acyivey payjoc actiyapmaclha acnim. Imna apquitca ilhnic nat Coré, aptomja apquimja apmamyi ofrendas apquilmescama nasa enlhitaoc, najan maa contribución ayinyema enlhitaoc, najan moc macmescama Dios ayinyema enlhit.

SALMOS 116:14

Moyeycajacsejec sat mataa siclhanma napato Visqui ingac. Moyeycajacsejec sat mataa napatavo aplhamoclhojo enlhitaoc.

SALMOS 116:18

Moyeycajacsejec sat mataa siclhanma napato Visqui ingac. Moyeycajacsejec sat mataa siclhanma napatavo aplhamoclhojo enlhitaoc.

SALMOS 22:25

Otnejic sat siyayo lhip naysicsa apcaneyquiclhilha aplhamoclhojo enlhit. Nasoc anco sat otnejic actomjaclha siclhanma napatavo enaymacoc.

SALMOS 56:12

Dios Visqui ajac. Yitnec alhta siclhanma mepqui sicyeycajascaoc. Osavojoc sat siclhanma alhta siclho. Otnejic sat siyayo lhip.

SALMOS 61:5

Apyasamcoc lhip actemaclha siclhanma mepqui sicyeycajascaoc. Apjalhnoc mataa lhip ningilmalhnaycam asoc. Ningiltomja ningilayo lhip.

SALMOS 61:8

(Coo sicvisay visqui David.) Otnejic sat mataa siyayo lhip apvisay. Osavojoc sat mataa siclhanma mepqui sicyeycajascaoc, aclhamoclhojo acnim.

SALMOS 65:1

O Dios, lhip aptomja Apvisqui tingma Sión. Lhip nac mayayo. Innec almesa lhip asoc ninlhanma actomja nasoc anco yoyam ongilmecsic.

SALMOS 66:13

Osantimsic sat macmescama lhip netin acvatnamaclha tingma apponquinomap. Osavojoc sat siclhanma mepqui sicyeycajascaoc.

ÉXODO 12:5

Incaymalhquic actomja inlhojo lhama año aptoscama mepqui acmasom apyimpejic. Aptomja inlhojo nipquesic apquitcoc inlhojo eyca laa yataay apquitcoc.

ECLESIASTÉS 5:4

Aplhenquic sat ancoc lhip mepqui apyeycajascaoc napato Dios, isavojo sat apyiplovquiscama quilhvo. Aptanovquic Dios enlhit acyeyjamelhma mepqui apquilyiplovquiscama.

LEVÍTICO 1:10

Elyacyes sat aptoscama nipquesic, tasic najan yataay apquinavo, mepqui acmasom apyimpejic, ematong sat acyanmongam melyascalhma, actemaclha holocausto.

LEVÍTICO 1:2

Ilngas sat lhip nipyesicsa israelitas sicpayvam siyanamaclha: Eltime sat mataa ofrendas selmescama coo. Elyacyes sat mataa vayqui, najan nipquesic najan yataay.

LEVÍTICO 17:10

Aptomjac nic nat Dios apcanya Moisés: Ongvinmelhac sat israelita najan metnaja israelita aptomja aptom ema ayinyema asoc acmatnam. Ongvajic sat coo as enlhit.

LEVÍTICO 17:13

Naysicsa apmompaviyam enlhit apcajem asoc navjac actamila ontoc, najan nata actamila ontoc, incaymalhquic etipsic ema apyamonquilhma, ingyatoynic sat congne lhopactic.

LEVÍTICO 22:17

Aptomjac nic nat Dios apcanya Moisés:

LEVÍTICO 23:38

Moc mataa acvisay acnim ninnayclha, yoyam colhic ayaco Dios. Moc mataa apquilmescama nasa asoc quellhip, najan asoc apquilmescama quellhip ayinyema apquillhanma mepqui apquilyeycajascaoc.

LEVÍTICO 7:16

Intomjac sat ancoc asoc acmatnam macmescama Dios actemaclha aplhanma enlhit mepqui apyeycajascaoc, najan moc asoc acmatnam macmescama Dios ofrenda voluntaria, apvanquic mataa eltovamcoc apitic as acnim nac jay, najan eltovamcoc sat apitic ayaymomalhca moc acnim sat.

AMÓS 4:5

Elninquin sat netin apquilvatnamaclha pan macmescama quilaycmasquiscama, emyetic sat. Ellingas sat apquiltemaclha quellhip apquilmescama nasa, colngalhcac sat lhalhma anco. Eycaso apquiltemaclha apancaoc quellhip — alhta aptomjac Dios Apyimtalhnamo.

JONÁS 1:16

Avanjec nic nat apquilay enlhitaoc napato Dios Apyimtalhnamo. Apquilajac nic nat aptoscama macmescama Dios acyanmongam melyascalhma. Apquillhenquic nic nat elilyejiclhojo Dios appayvam.

JONÁS 2:9

Coo eyca olngacsic sat gracias. Olmecsic sat asoc macmescama lhip, siclhanma alhta mepqui sicyeycajascaoc, yoyam olmecsic. Lhip apvamlha pac lhama singvomquiscama tap — nic nat aptomjac Jonás.

NAHÚM 1:15

Aptomjac nic nat mocjam profeta: ¡Quip elanojo quellhip! ¡Apquilhyacme apsoycam amyaa netin inquilhe alvinatem, elngacsic amyaa actamilaycam ingvalhoc! Ellana sat fiesta apancaoc quellhip co Judá. Noelyeycajas nasa apquillhanma napato Dios. Melvotayc sat mocjam cotnaja ingmoc, yoyam jingilimpocja. Apnatovasacpec alhta apyovoclhojo — nic nat aptomjac profeta.

MALAQUÍAS 1:14

Apmapsom as enlhit aptomja aplhanma nasoc anco, eyantementa aptoscama alhnancoc, yoyam comatong. Apyinimcasqui eyca, ayinyema aptoscama acmasom. Coo sicvisay Visqui Sicyimtalhnamo nipyesicsa enlhitaoc lhalhma anco. Eycaso sicpayvam Visqui Sicyimtalhnamo — nic nat aptomjac profeta.

NÚMEROS 15:3

Apquilajac sat ancoc aptoscama vayqui, tasic najan nipquesic, cotnejic sat selmescama coo naysicsa apquilvatnama talha acticyovam sacrificio, najan seticjanquiscama holocausto aptoscama acmatnam macmescama acyanmongam melyascalhma. Cotnejic sat ayinyemayaclha apquillhanma mepqui apquilyeycajascaoc, najan ayinyemayaclha apquilmescama nasa, najan ayinyemayaclha fiesta apquilmescama nasa aptoscama acmatnam.

LOS HECHOS 18:18

Acvoncaclho alhta apna Pablo maa. Appayvesamquic alhta apquilyalhinga, yoyam elhong. Apquinatvoclhec alhta barco. Apmiyaclhec alhta Pablo yoclhilhma Siria. Apquillhalhmaa alhta Priscila najan Aquila. Apyisem alhta aptingyac Pablo tingma Cencrea. Invocmec alhta aplhenquiscamaclha Pablo napato Dios Ingyapam.

DEUTERONOMIO 12:17

Noeltovaoc nasa quellhip natingma acyilhna najan apnatoscama, apquilanyomap quellhip elmecsic Dios: acvisay diezmo trigo apactic, najan uva ayingmenic. Najan aceite, najan apnatoscama siclha apvitay vayqui ayitcoc najan nipquesic apquitcoc. Noelmiyov nasa moc asoc apquillhanma quellhip elmecsic Dios mepqui apquilyeycajascaoc, paj najan moc ofrendas macmescama Dios.

DEUTERONOMIO 12:6

Elnapoc sat maa apnatoscama macmescama Dios malvatnama talha, yoyam colhic ayaco Dios, elmecsic sat lhama asoc acyitna inlhojo diez asoc, najan contribuciones apquilyamasma acyanmongam, najan promesas apquillhanma mepqui apquilyeycajascaoc najan ofrendas macmescama Dios, najan apquilanyomap elmecsic apnatoscama apquitcoc siclha apvitay, najan vayqui najan nipquesic.

DEUTERONOMIO 16:10

Ellana sat quellhip fiesta de las Semanas, colhic ayaco Dios. Eltingya sat ofrendas macmescama Dios, ayinyema acyilhna najan moc asoc aplhamasayclha mataa Dios.