LEVÍTICO 20:22 - Enhlit Bible

²² Elyiplovquis sat mataa siyanamaclha najan siyascamaclha. Meltanovacpejec sat quellhip yoclhilhma apquilvoycamlha. Onaliclhac sat coo, yoyam elhnam quellhip as yoclhilhma.

LEVÍTICO 20:22 Iomraidhean Croise

SALMOS 105:45

Yoyam elyiplovcasojo mataa apcanamaclha Dios. Yoyam elilyejiclhojo mataa apquiltamescama Dios Visqui ingac. Colhic ayaco mataa Visqui ingac.

SALMOS 119:106

Siclhanma alhta mepqui sicyeycajascaoc. Osavojoc sat siclhanma. Oyiplovcasojoc sat mataa singanamaclha acpeyvomo.

SALMOS 119:145

Visqui ajac. Avanjec aclhanma evalhoc lhip. Jeyatingmojo. Pac osavojo sicyiplovquiscama lhip appayvam singanamaclha.

SALMOS 119:160

Lhip appayvam actomja nasoc anco mepqui apyeycajascaoc. Cotningvomejec sat nelha lhip aptemaclha appeyvomo.

SALMOS 119:164

Actomjac siyayo lhip acyovoclhojo acnim, ayinyema lhip appayvam acpeyvomo.

SALMOS 119:171

Otnejic mataa siyayo lhip, ayinyema lhip alhta seyascasingvoyam appayvam.

SALMOS 119:175

Otnejic sat mataa siyayo lhip naysicsa sictiyascam coo. Jepasmoc sat lhip aptemaclha appeyvomo.

SALMOS 119:20

Avanjec alipvoyam evalhoc, sicmayjayo olyasingvomoc lhip appayvam singanama.

SALMOS 119:80

Momancayc sat mataa coo sicyiplovquisa lhip appayvam, mepqui sicsilhnanomalhca ajanco.

ÉXODO 21:1

Eycaso siyanamaclha, yoyam elyiplovcasojo apnaymacoc — nic nat aptomjac Dios Apyimtalhnamo.

EZEQUIEL 36:27

Coo espíritu ajanco olhnecsic sat apquilvalhoc quellhip, elyiplovcasojoc sat quellhip siyanamaclha najan siyascamalhca.

LEVÍTICO 19:37

Elyiplovquis sat quellhip sicpayvam siyanamaclha najan siyascamaclha. Coo sicvisay Dios Visqui apancaoc quellhip — nic nat aptomjac Dios.

LEVÍTICO 26:33

Ongvilhpansic sat quellhip elinyajamcoc mocjay, nipyesicsa cotnaja nimpayvomó lhama. Elminlhinacpoc sat quellhip. Cotniclhac sat yoclhilhma actamopeycaoc. Enatovasacpoc sat tingma apancaoc.

DEUTERONOMIO 4:45

Acyovoclhojo singanamaclha najan singascamaclha ayinyema Dios natamin apquilyamasma yoclhilhma Egipto.

DEUTERONOMIO 5:1

Apcansaclhec nic nat Moisés apyovoclhojo enlhitaoc Israel. Aptomjac nic nat apquilanya: —Quellhip enlhitaoc Israel, elaylhojo sicpayvam singanamaclha najan singascamaclha quilhvo nac jay. Colma sat apquilvalhoc, elyiplovcasojo sat mataa.