LEVÍTICO 2:9 - Enhlit Bible

⁹ Eyinyoc sat sacerdote nicja nintom naysicsa talha, comyetic sat maa. Cotnejic sat acvisay ofrenda nintom macmescama Dios, actomja apyisponcama.

LEVÍTICO 2:9 Iomraidhean Croise

ÉXODO 29:18

Itne sat ofrenda as nipquesic netin altar, acvisay holocausto malvatnama talha acyanmongam melyascalhma, yoyam colhic ayaco Dios, acvisay ofrenda apyisponcama Dios, acticjanquiscama actamila.

ISAÍAS 53:10

Apquiltamjoc alhta Dios Apyimtalhnamo elngamcojo acmasca apquilancam. Apyinyovquic alhta apyimnatem apanco, malha asoc macmescama Dios acyanmongam mongilyascalhma. Eleyoc sat mocjam aptovana niptamin. Etnejic sat mocjam apquilmilaneycaoc aclhamoclhojo acnim. Elngacsic sat apmayjayoclha Dios lhalhma anco.

LEVÍTICO 1:9

Incaymalhquic enlhit elcoc siclho yingmin vayqui avalhoc (ayi) najan vayqui alhquipcoc. Comyetic sat acyovoclhojo naysicsa talha netin altar apquilvatnamaclha. Cotnejic sat acvisay ofrenda macmescama Dios, actomja apyisponcama.

LEVÍTICO 2:16

Emoc sat sacerdote nintom ayitcoc, acyiplomo aceite najan asoc acmasis, eyinyoc sat naysicsa talha, comyetic sat maa. Cotnejic sat acvisay ofrenda nintom macmescama Dios, actomja apyisponcama.

LEVÍTICO 2:2

Colhic sat acmesa sacerdote Aarón apquitca. Emoc sat lhama apyacvom apmic harina acyipitcayo aceite najan asoc acmasis, eyinyoc sat naysicsa talha netin altar napato Dios. Cotnejic sat macmescama Dios, actomja apyisponcama.

LEVÍTICO 2:8

Incaymalhquic emoc tacja sacerdote as macmescama Dios, yoyam epquinic sacerdote netin altar.

LEVÍTICO 24:7

Ininquin sat nicja hilera incienso asoc acmasis. Colhic sat alvatna talha actemaclha macmescama Dios asoc acmasis, colhic ayaco Dios.

LEVÍTICO 4:31

Comyetic sat netin altar acyovoclhojo aptipilhmoc, colhojoc sat malvatnama talha macmescama Dios actemaclha singasicjayquiclha, Dios apyisponcama. Colhic sat acmascosa meyascalhma enlhit mepqui apyimtalhnamo.

LEVÍTICO 5:12

Elcoc sat sacerdote lhama apyacvom apmic, epalacsic sat naysicsa talha netin altar, alvatnamó lhama moc macmescama Dios actemaclha apyisponcama.

LEVÍTICO 6:15

Lhama sacerdote elcoc sat harina apyacvom apmic, acyiplomo aceite najan asoc acmasis. Comyetic sat naysicsa talha macmescama Dios, actomja apyisponcama.

ZACARÍAS 13:7

Eycaso appayvam ayinyema alhta Visqui ingac: ¡Sovo acvinatem cajic sat apquilancam nipquesic najan aplhalhma! ¡Ematong sat apquilancam, ingyilhpanic sat apnatoscama! ¡Olinmelham sat nipquesic apquitcavoc!

NÚMEROS 5:26

Emoc sat sacerdote nicja ofrenda harina de cebada, elvitic sat talha netin altar, comyetic sat malha macmescama Dios actemaclha acyitnama ingatic. Ingyanic sat sacerdote, coynic sat yingmin acmasca quilvana.

ROMANOS 12:1

Quellhip elyalhinga. Pac oltimnacsic quellhip. Inlhenquic evalhoc actemaclha singamliyam Dios. Elmesacpojo apanco Dios, malha asoc macmescama Dios. Eltime sat macmescama Dios cotnejic alhnancoc. Eltime sat apquilancam actemaclha apyisponcama Dios. Eycaso actemaclha actamila yoyam elanam quellhip Dios.

ROMANOS 15:16

Yoyam otnejic silancam Jesucristo najan soycam amyaa nipyesicsa enlhitaoc lhalhma anco. Eyasinaquic alhta yoyam olngacsic tasic amyaa ayinyema Dios nipyesicsa. Apquiltamjoc najan Dios elvita enlhitaoc lhalhma anco eltimjic apquilponquinomap ayinyema Espíritu Santo. Eycaso cotnejic sat malha macmescama Dios aptomja apyisponcama.

EFESIOS 5:2

Elyiplovcasojo actemaclha ningasicjayo. Ayinyemaclha ingilasicjavoc nincoo Cristo. Apyinyovsomacpo apanco singyanmongam nincoo, malha macmescama Dios actemaclha apyisponcama.

FILIPENSES 2:17

Acmatnec sat ancoc coo, otnejic sat malha asoc ayitcoc macmescama Dios alpalhcomalhca melyasquiyam quellhip. Ayitsovasoc coo lhama quellhip.

FILIPENSES 4:18

Am coyitnac lhama asoc ayaymomalhca quilhvo. Yitnec coo aclhamoclhojo asoc malha acyeycajangvaycmo. Yitnec coo asoc sesantimquiscama alhta ingyalhing Epafrodito, selapajasquiscama alhta quellhip. Asoc selmescama alhta actomja malha apquilaycaoc acmasis napato Dios Ingyapam. Apyispaquic Dios actemaclha apquilaycaoc quellhip.