LEVÍTICO 2:4 - Enhlit Bible

⁴ Apvanquic enlhit esantac ofrenda nintom mocjetic macmescama Dios. Acvisay torta allanomalhca harina alpalhquemalhca aceite, mepqui eyca asoc acyipjescama. Tasic najan nilpayescama alpalhquemalhca aceite, mepqui asoc acyipjescama.

LEVÍTICO 2:4 Iomraidhean Croise

SALMOS 22:14

Coo sictomja malha yingmin acyanquinomalhca. Inquilyitipquic acyovoclhojo elhquipcoc. Ayovsec evalhoc coo, malha papac appayjayclha intomjac evalhoc.

ÉXODO 12:8

Eltovaoc sat apquilyalhaclhama as alhtaa najan pan mepqui apquimpascaoc. Elincaja sat panatem acmasca.

ÉXODO 16:31

Apquiltimec nic nat nintom acvisay maná, acyitsomalhca sepo apnic. Mocjam acyitsomalhca cilantro actic acmopoy. Atsic alhta, malha ningilpayescama ningincajay yovjan intomjac.

ÉXODO 29:2

Mocjam itingya ofrenda harina de trigo, illana sat panes najan tortas mepqui apquimpascaoc, alpalhquemalhca aceite, najan nilpayescama mepqui apquimpascaoc acyiplomo aceite.

ISAÍAS 42:1

Eycaso sicpayvam Dios: Quip elanojo. Eycaso aptomja selancam, aptomja sicmasma, aptomja sicyacyescama, aptomja siyasicjayo. Acpiquinquic apvalhoc Espíritu ajanco. Elngacsic sat actomja nasoc anco nipyesicsa enlhitaoc lhalhma anco.

ISAÍAS 61:1

Aptomjac nic nat profeta aplingascama: Apnec evalhoc coo espíritu apanco Dios. Eyapajasquic alhta Dios nipyesicsa mepqui apquilnatam, olngacsic tasic amyaa. Nipyesicsa apquilmapyovseca, yoyam oltamilquiscomoc apquilvalhoc. Nipyesicsa apquilmomap, yoyam colhic acyamyeclho mocjam. Nipyesicsa apnaycam singilpilhtetomaclha, yoyam colhic acyamyeclho mocjam.

EZEQUIEL 46:20

Aptomjac alhta seyanya: Quip aso apquiljanmaclha nintom sacerdotes, apitic asoc acticyovam acyanmongam melyascalhma enlhit macmescama Dios. Najan apquiljanma cereales actic macmescama Dios. Colapvanquejec elsaclhesic nintom payjoc atrio exterior, colapvanquejec enlhitaoc elmoc tacja lhama asoc, actomja nintom acponquinomalhca — alhta aptomjac.

LEVÍTICO 1:11

Incaymalhquic enlhit (apvitip) eyantemiclha carpa tingma, ingyajic napato Dios, payjoc acyitnamaclha altar, payjoc nicja nilhqueyja. Sacerdote Aarón apquitca ingyilhpajac sat ema pac netin altar najan niyava altar apquilvatnamaclha.

LEVÍTICO 10:12

Aptomjac nic nat Moisés apquilanya Aarón, najan Eleazar, najan Itamar, Aarón apquitquic: —Ellic sat nintom macmescama Dios ayaymomalhca, eltovaoc sat nilpayescama mepqui levadura payjoc nicja altar apquilvatnamaclha. Acvisay nintom santísima acponquinomalhca.

LEVÍTICO 6:17

Ellanac sat nintom mepqui asoc acyipjescama. Apvancaac eltovamcoc sacerdotes eltovamcoc asoc macmescama Dios, actomja asoc acponquinomalhca santísima, acno acvisay macmescama Dios acyanmongam melyascalhma najan acyanmongam apsilhnanomap apanco enlhit.

LEVÍTICO 7:12

Actemaclha asoc macmescama Dios acvisay singasicjayquiclha mocjam, ayinyema aptimem gracias enlhit napato Dios. Comatong sat aptoscama macmescama Dios. Esantac sat enlhit tortas mepqui levadura alpalhquemalhca aceite, cotnejic macmescama Dios, najan nilpayescama mepqui levadura alpalhquemalhca aceite, najan tortas de harina alpalhquemalhca aceite.

NÚMEROS 6:15

Mocjam esantac alhancoc aclaneyo pan apquilanomap harina aptamila apanco, mepqui apquimpascaoc, eyca alpalhquemalhca aceite. Najan nilpayescama acyiplomo aceite, mepqui apquimpascaoc najan trigo apactic najan uva ayingmenic.

SAN MATEO 26:38

Aptomjac alhta Jesús apquilanya: —Ayovsec evalhoc coo, malha yoyam ongvitsapoc. Elhnam siclhoc asi, elilmalhnam sat quellhip lha —alhta aptomjac.

SAN JUAN 12:27

‘Aptomjac alhta mocjam Jesús: —Avanjec coo actamjaycam evalhoc. ¿Jalhco sat otnejic? ¿Pa ya ongvanic coo Tata, yoyam jevomsic tap actomjaclha quilhvo nac jay? Paj. Acvaac coo, yoyam otac actomjaclha quilhvo nac jay.

SAN JUAN 3:34

Enlhit apcapajasomap apquinyema Dios Ingyapam apquiltimnam mataa Dios appayvam. Ingmesquic nincoo Dios Ingyapam Espíritu Santo cotlaycaoc, mepqui apquilyipsateycaoc.

HEBREOS 7:26

Apnec nincoo quilhvo Dios apquilancam apyimtalhnamo ningiljalhanma alhta mataa. Aptomja apponquinomap, mepqui apmapsom, mepqui apsilhnanomap, mepqui meyascalhma najan macyasquiclho netin nitnoc anco.

1 SAN PEDRO 2:1

Etlhaoc sat quellhip aclhamoclhojo nintemaclha almasomcaa najan actemaclha ningyinimquiscama najan actemaclha anit ingilvalhoc najan actemaclha ningyasipquiscama najan actemaclha nintipquiscama apvisay ingmoc.

1 SAN PEDRO 2:22

Am coyitnac lhama meyascalhma Cristo, am najan coyitnac lhama apmopvan amyaa.