LEVÍTICO 19:30 - Enhlit Bible

³⁰ Eltamilquis sat mataa acnim ninnayclha. Noeltovas nasa tingma apponquinomap. Coo sicvisay Dios Visqui apancaoc quellhip.

LEVÍTICO 19:30 Iomraidhean Croise

2 CRÓNICAS 33:7

Appiquinquic nic nat quilaycmasquiscama congne tingma apponquinomap. Yitnec nic nat aplhanma Dios napato David najan napato Salomón: Alyacyesquic coo tingma Jerusalén nipyesicsa apquilmolhama tribus Israel, as tingma apponquinomap, yoyam olhic cotmongvoycamlha nelha.

2 CRÓNICAS 36:14

Apquilvatsamquic nic nat apquilyiplovquiscama singanamaclha Dios apyovoclhojo apquilviscaa mayayo co Judá, najan sacerdotes, najan enlhitaoc. Apquilvajanamquic nic nat mataa apquiltemaclha metnaja israelitas apquilayo quilaycmasquiscama, apquiltomja apquilvennéycam tingma apponquinomap, Dios nic nat apponquinquiscama payjoc tingma Jerusalén.

SALMOS 89:7

Lhip Dios Visqui ingac apyimtalhnamo. Elavojoc ángeles apquilpamejitsomap.

ÉXODO 20:8

Incaymalhquic ontamilsic acnim ninnayclha yoyam ongilpayicsojo Dios Visqui ingac.

ECLESIASTÉS 5:1

Itamilsacpojo apanco naysicsa aptomjaclha napato Dios congne tingma apponquinomap. Ingyeylhojo najan iyasingvom sat Dios appayvam. Paj cotamila apquiltemaclha enlhit acyeyjamelhma, elsantimquisic asoc macmescama Dios naysicsa apquiltemalcha apquilmapsomcaa.

LEVÍTICO 10:3

Aptomjac nic nat Moisés apcanya Aarón: —Eycaso aplhanma siclho Dios: Cotalhcac sat santidad mayayoclha ajanco napatavo seltimesaycam coo. Cotalhcac sat gloria sicyimtalhnamo ajanco napatavo israelitas — nic nat aptomjac. Intiyacmec nic nat apvalhoc Aarón.

LEVÍTICO 15:31

¡Quellhip israelitas! Elavojo sat mataa actemaclha apquiltanovmap napato Dios. Elavojo sat quellhip elantalhningvota carpa apponquinomap sicmaclha coo, eticyoc sat moclhama apquiltanovmap najato coo — nic nat aptomjac Dios.

LEVÍTICO 16:2

Aptomjac nic nat Dios apcanya Moisés: Ingyane sat lhip Aarón metalhningvotayc sat sicmaclha coo tap apava apjalhtamomap, payjoc acyitnamaclha ayapma atong yamit aysicsic acyitnamaclha Dios appayvam, ingyitsapoc sat maa. Evanquic coo ongvanic etalhningvota sicmaclha, olhicmocsic sat sicmayjayoclha ajanco naysicsa yipjopay tacjalhit yamit aysicsic acyitnamaclha Dios appayvam.

LEVÍTICO 19:3

Elasicjojo sat mataa apyap najan inquin. Elasicjojo sat mataa silanya quellhip acnim ninnayclha. Coo sicvisay Dios Visqui apancaoc quellhip.,

LEVÍTICO 26:2

Eltamilquis sat mataa acnim ninnayclha. Noeltovas nasa tingma apponquinomap. Coo sicvisay Dios Visqui apancaoc quellhip.

SAN MATEO 21:13

Aptomjac alhta Jesús apquilanya: —Yitnec actalhesomalhca Dios appayvam: “Coo tingma ajac cotnejic sat apquilmalhnancamaclha enlhit” —nic nat intomjac appayvam. Apquiltimescasquic quellhip as tingma apquilyilhanmomaclha apquilminyilhma —alhta aptomjac.

2 CORINTIOS 6:16

Mongvanquejec najan tingma apponquinomap ongninquinic quilaycmasquiscama alyitsomalhca Dios. Nincoo ningiltomja malha Dios tingma pac apponquinomap. Dios aptomja apquilmilaneycaoc. Aptomjac nic nat Dios: Otnejic sat tingma ajac nipyesicsa enlhitaoc, otyisam sat nipyesicsa. Otnejic sat Dios Apvisqui apancaoc enlhitaoc. Otnejic sat sicmolhama aplhamoclhojo enlhitaoc.

1 SAN PEDRO 4:17

Invocmec acvamlha acnim yoyam eyanmongsiclha Dios apquiltemaclha Jesucristo apmolhama. Apyanmongsaclhec sat ancoc siclhoc nintemaclha nincoo, coyimtilhojoc sat actamongvomlha nelha acnim apyanmongsayclha Dios apquiltemaclha enlhitaoc apquilyasquiyam Dios appayvam.