LEVÍTICO 19:3 - Enhlit Bible

³ Elasicjojo sat mataa apyap najan inquin. Elasicjojo sat mataa silanya quellhip acnim ninnayclha. Coo sicvisay Dios Visqui apancaoc quellhip.,

LEVÍTICO 19:3 Iomraidhean Croise

GÉNESIS 48:12

Apnam nic nat José apquitquic acpayjo aptapnaoc apquilyata. Apquinimcasquic nic nat apquitquic tap José. Yejemoc nic nat apjalhaja José napato apyap. Inticlhicvocmec nic nat napaat nalhpop.

NEHEMÍAS 9:14

Apcanama nic nat lhip eltamilsic acnim ninnayclha. Aplhocac nic nat Moisés singanamaclha najan singascamaclha acpeyvomo.

ÉXODO 16:29

Quip elaylhojo quellhip: —Coo sicvisay Dios, sicmescama quellhip acnim ninnayclha. Vocmec sat ancoc 6 acnim, elansiclha sat nintom acmenmalhem anit acnim. Vocmec sat ancoc 7 acnim, elhnam sat congne tingma. Colapvanquejec elanteypoc — nic nat aptomjac Dios Apyimtalhnamo.

ÉXODO 20:12

Incaymalhquic ongilyejiclhojo mataa appayvam tata ingac najan meme ingac. Ajolhec sat nintiyascam as nalhpop ayinyema Dios Visqui ingac.

ÉXODO 20:8

Incaymalhquic ontamilsic acnim ninnayclha yoyam ongilpayicsojo Dios Visqui ingac.

ÉXODO 21:15

Incaymalhquic ematong enlhit, aptomja apcajem apyap najan inquin (apyimsascama).

ÉXODO 21:17

Incaymalhquic ematong enlhit, aptomja aplom apquinmelhaycam apyap najan inquin.

PROVERBIOS 1:8

Lhip sictamongvoyam: Ingyeylhojo mataa apyap appayvam najan inquin acpayvam, yoyam eltamsacpoc lhip.

PROVERBIOS 23:22

Ingyeylhojo mataa lhip apyap appayvam najan inquin acpayvam. Novennam nasa altomjayclho alvanyam.

PROVERBIOS 30:11

Apquiltemaclha enlhit: apquilyamnam apquilyap, mepqui apquilayo inquin.

PROVERBIOS 30:17

Yitnec sat ancoc ningvenéycam tata ingac najan meme ingac acvanyam, onlingamcojoc sat acmasom: eltaclhamcoc sat ingataoc mama apquitcoc, jingiltovcamcoc sat mama apyivey.

ISAÍAS 58:13

Aptomjac alhta mocjam: Eltamilquis sat quellhip acnim ninnayclha, noeltamjam nasa quellhip, noeltingya nasa apquilyanmongsomap as acnim nac jay. Colpayjiclha sat apquilvalhoc, eltime sat apquilayo Visqui ingac as acnim acponquinomalhca, mepqui apquiltamjaycam, mepqui apquilyanmongsomap.

EZEQUIEL 20:12

Apquilanyacpec alhta eltamilsic acnim ninnayclha, actomja asoc monquinatquiscama pacto ningmiyovmalhca, actomja nasoc anco silyacyescama israelitas eltimjic enlhit ajancaoc.

LEVÍTICO 11:44

Coo sicvisay Dios Visqui apancaoc quellhip. Elalhnasiclhojo apanco quellhip eltimjic sat mepqui apquiltanovmap najato. Eltimjic sat quellhip santo mayayo, sicno coo lha santo mayayo. Noeltanovmap nasa quellhip napato Dios, ayinyema aptoycaoc asoc alpilhyevaycam nalhpop.

LEVÍTICO 19:25

Vocmec sat ancoc 5 año, eltovaoc sat yamit acyilhna. Colhamiclhac sat mataa acyilhna. Coo sicvisay Dios Visqui apancaoc quellhip.

LEVÍTICO 19:30

Eltamilquis sat mataa acnim ninnayclha. Noeltovas nasa tingma apponquinomap. Coo sicvisay Dios Visqui apancaoc quellhip.

LEVÍTICO 19:31

Noelyiplovcasojo nasa apquilpayvam apquilyascamco asoc acyilhamalhca. Noelyiplovcasojo nasa apquilpayvam apquilpamejitquiscama apquiljangaoc. Elsilhnanacpoc sat apanco quellhip. Coo sicvisay Dios Visqui apancaoc quellhip.

LEVÍTICO 19:34

Eltime sat mataa ingmoc. Elasicjojo mataa, acno apquilasicjamacpo apanco. Quellhip alhta najan metnaja apnaymacoc co Egipto. Coo sicvisay Dios Visqui apancaoc quellhip.

LEVÍTICO 23:3

Eltamjam sat quellhip seis acnim. Incaymalhquic elhnam sat quellhip mepqui apquiltamjaycam, acvocmo inlhojo séptimo acnim. Ingyaniclhac sat mataa quellhip as acnim. Colhic sat ayaco Dios as acnim lhalhma anco.

LEVÍTICO 26:2

Eltamilquis sat mataa acnim ninnayclha. Noeltovas nasa tingma apponquinomap. Coo sicvisay Dios Visqui apancaoc quellhip.

MALAQUÍAS 1:6

Aptomjac alhta Dios Apyimtalhnamo: Apquilyajaclhoc mataa apquitcavoc apquilanama apyapmayc. Apquilyajaclhoc mataa apquiltimesaycam appayvam apvisqui apancaoc. Coo sicvisay Apquilyap quellhip, ¿so actomja yi meltomja selayo quellhip? Coo sicvisay Apvisqui apancaoc, ¿so actomja yi meljalhenmo sicpayvam quellhip? Nasoc anco sevennéycam quellhip naysicsa apquillhanma: ¿Co laa ayinyema ningvennéycam Dios? — apquiltomjac quellhip.

DEUTERONOMIO 27:16

Etvasacpoc sat enlhit apvennéycam apyap najan inquin: ¡Naso! — sat eltimjic.

DEUTERONOMIO 5:16

Incaymalhquic ongilyejiclhojo mataa appayvam tata ingac najan meme ingac, acno ningilanyomalhca ontimjic. Ajolhec sat nintiyascam as nalhpop ayinyema singmescama Dios.,

HEBREOS 12:9

Aptomjac mataa ingilyap nincoo singilanem ongilyejiclhojo nintemaclha inquitcoc. Ningilyajaclhoc nincoo mataa. Incaymalhquic ongilyejiclhojoc mataa Ingyapam netin. Colhic sat mataa acyimnatem ingnenyic.