LEVÍTICO 19:2 - Enhlit Bible

² Iltimnas sat lhip sicpayvam silanya enlhitaoc Israel: Eltime sat mataa apquilpeyvomo. Coo sicvisay sicpeyvomo, sicvisay Dios Sicyimtalhnamo.

LEVÍTICO 19:2 Iomraidhean Croise

SALMOS 99:3

Colhic sat ayaco apvisay. Aptomja apyimtalhnamo najan mayayo. ¡Santo mayayo nac Dios Visqui ingac!

ÉXODO 19:6

Quellhip sat eltimjic sacerdotes malha apquilviscaa najan enlhitaoc apquilponquinomap. Iltimnas sat lhip enlhitaoc Israel actomjaclha sicpayvam — nic nat aptomjac Dios.

ÉXODO 22:31

Quellhip apquilvisay enlhit apquilponquinomap. Noeltovaoc nasa acyamonquilhma ayajem asoc navjac aclom. Elane sat coltovamcoc simjing.

LEVÍTICO 19:1

Aptomjac nic nat Dios apcanya Moisés:

LEVÍTICO 20:26

Coo ayinyema silyacyescama quellhip nipyesicsa lhalhma anco. Ellhojo sictemaclha actamilaycam evalhoc coo. Coo sicvisay Dios Visqui apancaoc quellhip.

LEVÍTICO 20:7

Eltamilsacpojo apanco quellhip. Jellhojo sat sictemaclha actamilaycam evalhoc coo. Coo sicvisay Dios Visqui apancaoc quellhip.

LEVÍTICO 21:15

Meltimjic sat aptovana apquiltanovmap napato Dios, silyacyescama siclho coo, sicvisay Visqui apancaoc — nic nat aptomjac Dios.

LEVÍTICO 21:23

Copvanquejec mataa etlhic congne santuario payjoc apava apjalhtamomap, najan copvanquejec jetnesam altar apquilvatnamaclha, yoyam colhejec actanovmalhca santuario acponquinomalhca. Coo ayinyema sicponquinquiscama, sicvisay Dios Visqui apancaoc quellhip — nic nat aptomjac Dios napato Moisés.

LEVÍTICO 21:8

Sacerdotes apquiltomja seltimesaycam, apquiltomja apquilponquinomap, apquiltomja seltingyasquiscama sictom. Coo sicvisay santo mayayo, silyacyescama sacerdotes, eltimjic santos mayayo nipyesicsa quellhip.

AMÓS 3:3

Aplhalhma aptomjac poc enlhit, ayinyema apquilpamejitsomap siclho.

SAN MATEO 5:48

Appeyvomo apanco Ingyapam netin. Ellhojo sat quellhip lha, eltime sat apquilpeyvomo —alhta aptomjac.

2 CORINTIOS 7:1

Quellhip elyalhinga. Eycaso actemaclha aplhanma ilhnic nat Dios actomja nasoc anco. Nincoo ilhnic nat ingillhenac. Incaymalhquic ongilvatsamcoc actemaclha actomja acpaysimquiscama ningyovoclhojo nincoo najan acpaysimquiscama ingvalhoc ingac. Incaymalhquic nincoo ongiltamilsalhcojo inganco napato Dios.

EFESIOS 1:4

Dios aptomja singilyacyescama yoyam ongiltimjic apquitquic ayinyema Cristo. Eycaso appenescamo ilhnic nat aclhanma apvalhoc amamyi apquilantipquiscama aclhamoclhojo asoc. Apquiltamjoc nic nat Dios yoyam ongiltimjic ningiltamila napato mepqui ningilsilhnanomalhca.

DEUTERONOMIO 27:10

Elilyejiclhojo sat mataa, elyiplovcasojo singanamaclha najan singascamaclha Dios Apyimtalhnamo, siclhanma coo as acnim nac jay — nic nat aptomjac Moisés.

JOSUÉ 24:19

Aptomjac nic nat Josué apquilanya: —Colapvanquejec quellhip eltimesam Dios. Santo mayayo nac Dios najan appeyvomo apanco. Mepqui apcasicjayclha Dios, apvita inlhojo apquiltemaclha quellhip apquilinmelhaycam najan apquilsilhnanomap apanco quellhip.

1 SAMUEL 2:2

Santo mayayo nac lhip Dios Apyimtalhnamo, mepqui poc. Singmasma nac lhip Dios, mepqui poc. Lhip apvamlha pac lhama, mepqui poc.