LEVÍTICO 19:18 - Enhlit Bible

¹⁸ Noelyanmongsiclha nasa quellhip aptemaclha apanco poc. Colvonquim sat aptomjaclha. Elasicjojo mataa poc, acno apcasicjamacpo apanco. Coo sicvisay Dios Visqui apancaoc quellhip.

LEVÍTICO 19:18 Iomraidhean Croise

GÉNESIS 4:23

Aptomjac nic nat Lamec apquilanya apnatamcaa: Lhiya Ada najan lhiya Zila, colaylhojo sicpayvam. Ayajac alhta coo lhama enlhit. Acyanmongsaclhec alhta seyimsascama. Acyanmongsaclhec alhta seticpaycam.

2 SAMUEL 13:22

Am nic nat epamejitcasac Absalón apipma Amnón. Avanjec nic nat aptanoncama Absalón, ayinyema aptovascama apyalhing Tamar.

2 SAMUEL 13:28

Aptomjac nic nat Absalón apquilanya apquilancam: Apquilvitac sat ancoc anmin ayajem Amnón. Ongvanic sat coo, elajic quellhip Amnón. Elaa sat mepqui apquilay. Eycaso coo sicpayvam. Elvascap, eltime sat apquilyimnatem — nic nat aptomjac Absalón.

SALMOS 103:9

Comascoc sat aplom najan actemaclha aclom apvalhoc.

ÉXODO 20:16

Mongvanquic ontipsic apvisay poc.

PROVERBIOS 20:22

Mongvanquejec ongajic poc aptomja singinmelhaycam. Jingilpasmoc sat Dios acyitna inlhojo mongyasquiyam.

LEVÍTICO 19:34

Eltime sat mataa ingmoc. Elasicjojo mataa, acno apquilasicjamacpo apanco. Quellhip alhta najan metnaja apnaymacoc co Egipto. Coo sicvisay Dios Visqui apancaoc quellhip.

SAN MATEO 19:16

Yejemoc alhta apvaa enlhit apquitcoc (apyimnanic) apnaclha Jesús. Aptomjac alhta enlhit apquitcoc apcanya Jesús: —Visqui, ¿soc asoc actamila ollanac sat coo, yoyam momasquingvomoc? —alhta aptomjac.

SAN MATEO 19:19

Ilyejiclhojo apyap najan inquin. Ingyasicjojo ingmoc, acno apcasicjamacpo apanco —alhta aptomjac.

SAN JUAN 13:34

Pac olmesic quellhip singanamaclha alhnancoc: Elasicjacpojo nipyesicsa quellhip. Altamjoc coo yoyam elasicjacpojo nipyesicsa quellhip, acno coo silasicjayo mataa quellhip.

LOS HECHOS 16:28

Yejemoc alhta apquilpalhamamcaa Pablo: —¡Nani! Nongyajap nasa. Ningilanalhco nincoo aso —alhta aptomjac.

ROMANOS 12:17

Noelyanmongsiclha nasa poc apquiltemaclha apquilmapsomcaa. Elinlhanmojo sat apquilyiplovquiscama actemaclha actamila napatavo aplhamoclhojo enlhitaoc.

ROMANOS 12:19

Quellhip elyalhinga. Noelyanmongsiclha nasa apquiltemaclha poc. Dios sat eyca eyanmongsiclha apquiltemaclha poc. Intomjac nic nat Dios appayvam actalhesomalhca: “Coo sat oyanmongsiclha apquiltemaclha apancaoc enlhitaoc. Eycaso appayvam Dios Visqui ingac” —nic nat intomjac Dios appayvam.

ROMANOS 13:4

Ayinyemaclha apquilviscaa apquiltomja Dios apquilasinaycam. Apquiltamjoc yoyam elyejiclhojoc sat lhip. Apyiplovcasquic sat ancoc lhip actemaclha acmasom, apcay sat etnejic lhip. Ayinyemaclha apmopvan innac apquilviscaa apquiltomja Dios apquilasinaycam yoyam elyanmonsiclha apquiltemaclha enlhit apquilyiplovquiscama acmasom.

ROMANOS 13:9

Eycaso actemaclha singanamaclha: “Notvas nasa actemaclha singilyimjapma. Nongyaa nasa poc. Nominyilh nasa. Notne nasa apmopvan amyaa. Nocotsip nasa apnenyic cotnaja asoc apác” —intomjac singanamaclha. Lhama eyca actomja ayimja amamyi, actomja acsovjomo acyovoclhojo singanamaclha. Eycaso actomja ayimja amamyi: “Ingyasicjojo sat poc acno apcasicjamacpo apanco” —intomjac singanamaclha.

GALATAS 5:14

Ingvanquic onsavojo singanamaclha naysicsa ningyiplovquiscama ayimja amamyi acvisay: “Ingyasicjojo sat poc, acno apcasicjamacpo apanco” —intomjac mataa singanamaclha.

GALATAS 5:20

Najan actemaclha ningayo quilaycmasquiscama acyitsomalhca Dios najan actemaclha nintimem apyojolhma najan actemaclha nintanoncama najan actemaclha ningilatingmoctamo najan actemaclha ningilmiyoycam intava najan actemaclha ninlom najan actemaclha ningiltemo ontimjic ningimja ingmamyi najan actemaclha colhno moc ingvalhoc najan actemaclha ningilhpansomalhca.

EFESIOS 4:31

Elvatsaoc sat actemaclha apquiltanovaycam najan apquiltemaclha apancaoc najan actemaclha apquillom najan actemaclha apquilatingmoctamo najan actemaclha alnatjesaycam najan aclhamoclhojo actemaclha acmasom.

DEUTERONOMIO 32:25

Eticyoc sat apquitquic apvalhoc tingma apvanyam. Cotyamoc sat apquilvalhoc, elitsapoc sat enlhit najan quilvanaa, najan apquilvanyam najan sicaa.

DEUTERONOMIO 32:35

Incovac sat acnim, yoyam oyanmongsiclhac sat apquiltemaclha apancaoc. Quilhvoc sat comascoc apquileyvam, ningatoc maa apnatovasomacpilha.

COLOSENSES 3:8

Elvatsaoc sat quellhip aclhamoclhojo as asoc: ninlom, ningnatjemo, nintemaclha acmasom, actemaclha acmasom ninpayvam, nintipquiscama apvisay ingmoc.

HEBREOS 10:30

Ningyasamcoc nincoo aptomja ilhnic nat appayvam: “Coo sat oyanmongsiclha apquiltemaclha enlhitaoc” —nic nat aptomjac. Aptomjac nic nat mocjam: “Visqui sat eyanmongsiclha enlhit apquiltemaclha apancaoc” —nic nat aptomjac.

SANTIAGO 2:8

Nasoc sat ancoc quellhip elyiplovcasojo actemaclha singanamaclha ayimja amamyi: “Ingyasicjojo poc acno apcasicjamacpo apanco” —nic nat intomjac. Actamila sat cotnejic apquiltemaclha quellhip.

1 SAN PEDRO 2:1

Etlhaoc sat quellhip aclhamoclhojo nintemaclha almasomcaa najan actemaclha ningyinimquiscama najan actemaclha anit ingilvalhoc najan actemaclha ningyasipquiscama najan actemaclha nintipquiscama apvisay ingmoc.

1 SAN JUAN 4:21

Eycaso singmescama singanamaclha Dios: Ningasicjavoc sat ancoc Dios, incaymalhquic najan lha ongasicjojo ingyalhing.