LEVÍTICO 19:17 - Enhlit Bible

¹⁷ Nocoltanov nasa apquilvalhoc poc enlhit. Elsilhnanacpoc apanco. Elpamejitsacpojo sat poc, yoyam colhic acyascamco poc.

LEVÍTICO 19:17 Iomraidhean Croise

GÉNESIS 27:41

Inyiplovcoc nic nat mataa apquinmelhaycam Esaú apyalhing Jacob, ayinyema appayvam apyap. Intomjac nic nat apvalhoc Esaú: Incovac sat acnim yoyam coyitnocjojoc ingvalhoc apquitsepma tata ingac. Natamin ongvajic sat coo eyalhing— nic nat intomjac apvalhoc.

2 SAMUEL 13:22

Am nic nat epamejitcasac Absalón apipma Amnón. Avanjec nic nat aptanoncama Absalón, ayinyema aptovascama apyalhing Tamar.

NEHEMÍAS 13:17

Actomjac alhta siyanya apquilviscaa co Judá: —¡Quellhip apquiltemaclha apancaoc acmasom acnim ninnayclha!

SALMOS 141:5

Aptasi nac enlhit appeyvomo seltamescama coo. Malha asoc masis intomjac appayvam seyascama coo. Motanovejec mataa seltamescama. Olmalhnesquisic sat mataa siclinga inlhojo seyascama coo.

PROVERBIOS 9:8

Etanovacpoc mataa enlhit, aptomja apquiltamescama enlhit apmapsom. Ingyasicjacpoc mataa enlhit, aptomja apquiltamescama enlhit apyascamco.

SAN LUCAS 17:3

Elavojo quellhip. “Singinmelhaycam sat ancoc ingyalhing, pac ongnavacsic sat nincoo. Apyanmoncasquic sat ancoc apvalhoc, pac ongasicjiclhojoc mocjam.

ROMANOS 1:32

Apquilyasamco inyicje as enlhitaoc actemaclha apcanama Dios: Elnatovasacpoc sat acyanmongayclha apquiltemaclha apquilyiplovquiscama acmasom. Am elacac mataa as enlhitaoc. Apquilyispaquic mataa apquilvita apquilvajanayclho poc apquiltemaclha almasomcaa.

1 CORINTIOS 5:2

Yitnec mocjam quellhip apquilyimtalhnesomacpo apanco. Incaymalhquic elmancangvomoc quellhip actemaclha yoyam colyitnocjojoc apquilvalhoc. Incaymalhquic elantipsic Jesucristo apmolhama ingyalhing aptomja apquilanatama.

GALATAS 6:1

Quellhip elyalhinga. Aplhinganacmec sat ancoc lhama ingyalhing, elyascasingvoclhojo sat quellhip apquiltomja apquilyiplovquiscama actemaclha ayinyema Espíritu apanco Dios. Eltamilsojo sat naysicsa apquilyascasingvayclho ingyalhing. Elavojo sat quellhip yoyam melsilhnanacpeje.

EFESIOS 5:11

Noelvajaniclhojo nasa apquiltemaclha apancaoc enlhitaoc apquileyvam yatescamalhma. Elninquiniclha sat ayitsayoclhilhma apquiltemaclha apancaoc yoyam colvitalhca.

1 TIMOTEO 5:20

Apquilyiplovcasquic sat ancoc moclhama apquilimja apmamyi actemaclha nintamongvaycmolhma. Ingyane sat ellhenic napatavo yoyam elangvoclhac sat apnaymacoc apquilimja apmamyi.

1 TIMOTEO 5:22

Nopecjicsojo nasa etnesquisic apvisay apquimja apmamyi aptomja lhip apnincanma apmeoc. Novjaniclhojo nasa actemaclha aptamongvaycmo poc. Itamilsacpojo apanco lhip.

2 TIMOTEO 4:2

Illhicmos sat lhip tasic amyaa. Ilinlhanmojo sat apquiltimnascama naysicsa apquiljalhenmo enlhitaoc najan naysicsa meljalhenmo. Illhicmos sat yoyam melyascamejec enlhitaoc. Ipeyvescasiclha sat apquiltemaclha najan iyascasingvom enlhitaoc najan ilpamejitsacpojo. Ilinlhanmojo sat apquillhicmoscama acvamlha apmopvan.

TITO 1:13

Nasoc alhta aplhanma. Iyimnaticsojo sat appayvam apquiltimnasquiclho apquiltemaclha yoyam cotamalvomoc apquiltimem melyasquiyam.

TITO 2:15

Illhicmos sat lhip mataa as amyaa. Iltimnasiclhojo sat mataa najan ilyascasingvom, malha actemaclha ningyimtalhnamo. Nongyane nasa evinacpoc lhip nipyesicsa apnaymacoc.

1 SAN JUAN 2:11

Apnec mataa naysicsa yatescamalhma ingyalhing aptomja apquinmelhaycam poc. Apquilinlhanacmec mataa naysicsa yatescamalhma. Am eyasamcoc mataa apyasaclha. Ayinyemaclha yatescamalhma inquilmec apataoc.

1 SAN JUAN 2:9

Aptomjac sat ancoc ingyalhing elhenic naysicsa apquinmelhaycam poc: “Acnec coo naysicsa ayitsayolhma”. Eyca as apna mocjam naysicsa yatescamalhma.