LEVÍTICO 18:25 - Enhlit Bible

²⁵ Actanovmalhca napato Dios actomja as yoclhilhma. Acyanmongsaclhec alhta apquiltemaclha apancaoc acmasom, apquilantipsacpec alhta apquilaoclha enlhitaoc.

LEVÍTICO 18:25 Iomraidhean Croise

1 REYES 21:26

Aptimec nic nat apcayo quilaycmasquiscama acyitsomalhca dios acno ilhnic nat apquiltemaclha amorreos. Apyinyovcasquic nic nat Dios apquilaoclha amorreos, yoyam elhnam israelitas.)

ESDRAS 9:11

singiltimnascama mataa profetas apquillingascama lhip singanamaclha. Ninlingac alhta mataa lhip appayvam singiltimnascama profetas aplhanma yoclhilhma alhnancoc, yoyam ongillhovamcoc. Apquilmapsomcaa as enlhitaoc ayinyema apquilayo quilaycmasquiscama naysicsa apquiltemaclha apancaoc — alhta intomjac ninlingay.

SALMOS 106:38

Inyanquinalhquic nic nat ema apancaoc apquitquic mepqui apquilmapsomcaa. Apquiltimec nic nat macmescama quilaycmasquiscama yoclhilhma Canaán. Ema ilhnic nat ayinyema meyisponcama Dios as yoclhilhma.

SALMOS 89:32

Oyanmongsiclhac sat apquiltemaclha apancaoc (silticpaycam sat otnejic). Oyanmongsiclhac sat apquilsilhnanomap apanco acyiplomo siyasquiscama apyimpeoc.

ISAÍAS 24:5

Ayinyema alhta enlhit apquilsilhnanomap apanco, am alhta elyiplovcasac singanamaclha najan singascamaclha najan pacto ningmiyovmalhquilha ayinyema Dios Visqui ingac.

ISAÍAS 26:21

Visqui ingac etyapoc sat tingma pac, eyanmongsiclha apquiltemaclha apancaoc enlhitaoc as nalhpop. Elvitacpoc sat apticyovam nano, malha macpiquinayclha ayalhnaclhojo sat cotnejic, elvitacpoc apticyovam nano.

JEREMÍAS 14:10

Aptomjac alhta Visqui ingac apquilanyacpo israelitas: Apquilaycmascam as enlhitaoc acma anit apquilvalhoc. Am colcac evalhoc apquiltemaclha apancaoc. Mongvasicjiclhejec sat mocjam, pac oyanmongsiclhac sat apquiltemaclha apancaoc — alhta aptomjac Visqui ingac.

JEREMÍAS 16:18

Oyanmongsiclhac sat apquiltemaclha apancaoc, malha anit sat cotnejic sicyanmongsayclha apquiltemaclha apancaoc melyascalhma najan apquilsilhnanomap apanco. Apquilpaysimcasquic mataa yoclhilhma actemaclha sevenéycam coo, ayinyema apquilayo quilaycmasquiscama apaoc, najan acyitnamaclha quilaycmasquiscama sictanoncama coo — alhta aptomjac Visqui ingac.

JEREMÍAS 2:7

Acnalantac alhta quellhip yoclhilhma actamila, yoyam eltovamcoc quellhip acyilhna altamila najan nintom actamila. Apquilvaac alhta quellhip, apnatovasquic alhta as yoclhilhma. Yiplovcoc alhta sictanoncama yoclhilhma ajanco.

JEREMÍAS 23:2

Dios Visqui apancaoc enlhitaoc Israel, aptomja alhta apquilanya apquilviscaa: Apquilhpancasquic alhta quellhip enlhitaoc apquilyitsomacpo sicnatoscama. Apquilinyajasquic alhta quellhip mepqui apquiltamilquiscama quellhip. Quellhip apquiltomja apquilmapsomcaa. Oyanmongsiclhac sat apquiltemaclha apancaoc. Naso coo sicpayvam sicvisay Dios.

JEREMÍAS 5:29

Evanquic coo oyanmongsiclha apquiltemaclha apancaoc apquilmapsomcaa. Eycaso sicpayvam sicvisay Visqui apancaoc — alhta aptomjac.

JEREMÍAS 5:9

¿Incaymalhqui ya coo moyanmongsiclhejec apquiltemaclha apancaoc as enlhitaoc?

JEREMÍAS 9:9

¿Naso ya oyanmongsiclhac apquiltemaclha apancaoc? ¿Naso ya ellingamcojoc sat acyimtalhnama enlhit ajancaoc? Nasoc sat otnejic — alhta aptomjac Visqui ingac.

OSEAS 2:13

Oyanmongsiclhac sat actemaclha anco quilvana, acmescama asoc acyitnamaclha quilaycmasquiscama. Actemaclha anco alhta acnalhimquiscama asoc alyinmom apeoc najan ayispoc. Inyiplaclhec alhta mataa apquilanatama, naysicsa seyamasma coo. Eycaso sicpayvam sicvisay Dios— nic nat aptomjac profeta.

OSEAS 8:13

Apquilnapquic mataa apnatoscama macmescama acyanmongam melyascalhma. Apquiltovcamquic mataa apnatoscama acticyovam. Am colcac evalhoc sicvisay Dios. Jelvoncamejec sat mataa apquiltemaclha acmasom. Oyanmongsiclhac sat apquiltemaclha apancaoc. Otajicsojoc sat mocjam, elhnam yoclhilhma Egipto.

OSEAS 9:9

Apquilsilhnanacpec apanco apyovoclhojo, acno apquiltemaclha nano co Gabaa. Colvoncamejec mataa Dios Apyimtalhnamo apquiltemaclha apquilmapsomcaa. Eyanmongsiclhac sat apquiltemaclha apancaoc Dios Apyimtalhnamo — nic nat aptomjac profeta.

LEVÍTICO 18:26

Quellhip apquilvisay israelitas, najan metnaja israelitas apquilpalhaviyam. Elsavojo apquilyiplovquiscama siyanamaclha najan siyascamaclha, noelsilhnanap nasa quellhip napato Dios.

LEVÍTICO 18:28

Elavojo quellhip, eltonavacpoc sat quellhip lha napato Dios, elantipsacpoc sat quellhip lha as yoclhilhma, acno siclho enlhit actomjaclha apquilaoclha.

ROMANOS 8:22

Ningyasamcoc nincoo aclhamoclhojo asoc apquillanay Dios actomja ninlingaycamco lhama acmasca nincoo acvocmo acnim nac jay. Malha quilvana aclingaycamco acmasca amamyi actimquiscama ayitca.

DEUTERONOMIO 18:12

Aptanovquic mataa Dios apquiltemaclha maa. Enatovasacpoc sat as enlhitaoc actomja apquilaoclha, ayinyema apquiltemaclha apancaoc almasomcaa.

DEUTERONOMIO 21:23

Copvanquejec apquitsepma ingyilhnic sat alhtaa netin yamit. Incaymalhquic ingyatoynacpoc yicpintama actalhnama acnim. Apmapsom apanco napato Dios, apvitacpo inlhojo enlhit apquilhnama netin yamit. Cotanovalhcac sat yoclhilhma, yoyam ellhovamcoc quellhip, apvita inlhojo Dios enlhit apmapsom netin yamit — nic nat aptomjac Moisés.

DEUTERONOMIO 9:5

Jave ayinyema quellhip apquiltemaclha apquiltamila, ellhovamcoc as yoclhilhma. Ayinyema apquiltemaclha apquilmapsomcaa, yoyam colhic acyinyovsa as yoclhilhma. Acno aplhanma ilhnic nat Dios napatavo ningilyeyjamcaa Abraham, najan Isaac, najan Jacob, yoyam ellhovamcoc as yoclhilhma.