LEVÍTICO 18:2 - Enhlit Bible

² Iltimnas sat lhip sicpayvam siyanamaclha napatavo enlhitaoc: —Coo sicvisay Dios Visqui apancaoc quellhip.

LEVÍTICO 18:2 Iomraidhean Croise

GÉNESIS 17:7

Eycaso actemaclha monquinatquiscama sicmayjayoclha coo napato lhip najan aplhamoclhojo aptovana niptamin lhalhma anco: Otnejic sat mataa Dios lhip Visqui pac. Otnejic sat mataa Dios Visqui apancaoc aptovana niptamin lhalhma anco.

SALMOS 33:12

Apquilinyejemoc anco enlhitaoc aptomja apvisqui apancaoc Dios. Apquilinyejemoc anco enlhitaoc aptomja apquilyacyescama Dios, malha apmayclha aptomjac.

ÉXODO 20:2

—Apvamlha pac lhama Visqui ingac aptomja Dios Apyimtalhnamo. Jingyinyovcasquic alhta yoclhilhma Egipto ningiltimesaycamcaclha alhta, malha ningmomalhca nincoo.

ÉXODO 6:7

Otnejic sat quellhip enlhit ajancaoc. Otnejic sat Dios Apvisqui apancaoc quellhip. Elyasingvomoc sat quellhip sictomja Dios, quellhip Apvisqui apancaoc. Sictomja sicyinyovquiscama actemaclha acyimtalhnama apquiltamjaycam quellhip ayinyema co Egipto.

EZEQUIEL 20:5

Iltimnas sat lhip mocjam: Eycaso appayvam ayinyema Visqui ingac: Apnam siclhoc nat israelitas yoclhilhma Egipto. Alyacyesquic alhta coo yoyam olmeyvoc sat mataa. Nasoc alhta siclhanma mepqui sicyeycajascaoc: Coo nac Dios Visqui apancaoc quellhip — alhta actomjac coo.

EZEQUIEL 20:7

Actomjac alhta silanya: ¡Etlhaoc sat quellhip quilaycmasquiscama acyitsomalhca dios sictanoncama coo! ¡Noelmiyov nasa quilaycmasquiscama apancaoc co Egipto, noeltime nasa apquilayo! ¡Coo sicvamlha Dios Visqui apancaoc quellhip! — alhta aptomjac Dios Visqui ingac.

LEVÍTICO 11:44

Coo sicvisay Dios Visqui apancaoc quellhip. Elalhnasiclhojo apanco quellhip eltimjic sat mepqui apquiltanovmap najato. Eltimjic sat quellhip santo mayayo, sicno coo lha santo mayayo. Noeltanovmap nasa quellhip napato Dios, ayinyema aptoycaoc asoc alpilhyevaycam nalhpop.

LEVÍTICO 18:1

Aptomjac nic nat Dios apcanya Moisés:

LEVÍTICO 18:30

Elsavojo sat apquilyiplovquiscama siyanamaclha najan siyascamaclha. Noelvajaniclhojo nasa apquiltemaclha enlhitaoc actomja apquilaoclha siclho. Noelpasmiclha nasa apquiltemaclha apquiltanovmap as enlhit napato Dios. Coo sicvisay Dios Visqui apancaoc quellhip — nic nat aptomjac Dios.

LEVÍTICO 18:4

Elsavojo sat quellhip apquilyiplovquiscama sicpayvam siyanamaclha, noelyeycajas nasa quellhip. Coo sicvisay Dios Visqui apancaoc quellhip.

LEVÍTICO 19:10

Noelsavojo nasa acyilhna uva avjac. Noelsavojo nasa uva acpaliyam. Elane sat enlhit mepqui asoc elsavojoc sat acyilhna. Najan maa enlhit metnaja nintemolhama. Coo sicvisay Dios Visqui apancaoc quellhip.

LEVÍTICO 19:34

Eltime sat mataa ingmoc. Elasicjojo mataa, acno apquilasicjamacpo apanco. Quellhip alhta najan metnaja apnaymacoc co Egipto. Coo sicvisay Dios Visqui apancaoc quellhip.

LEVÍTICO 20:23

Noelyiplovquis nasa apquiltemaclha actomja apquilaoclha. Apquillinga inyicje quellhip sicpayvam siclhanma apquiltemaclha apancaoc actomja apquilaoclha. Actanovquic coo as enlhitaoc. Olantipsic sat as enlhitaoc napatavo quellhip.

LEVÍTICO 20:7

Eltamilsacpojo apanco quellhip. Jellhojo sat sictemaclha actamilaycam evalhoc coo. Coo sicvisay Dios Visqui apancaoc quellhip.