LEVÍTICO 17:8 - Enhlit Bible

⁸ Iltimnas sat sicpayvam siyanamaclha israelitas najan metnaja israelitas apquilpalhaviyam maa.

LEVÍTICO 17:8 Iomraidhean Croise

2 SAMUEL 24:25

Apquillanac nic nat mataymong ningilmalhnancamaclha Dios Apyimtalhnamo. Apquilnapquic nic nat apnatoscama macmescama Dios acyanmongam mongilyascalhma. Najan macmescama Dios actemaclha singasicjayquiclha mocjam. Apjalhnoc nic nat apquilmalhnancama Dios. Apcasicjaclhec nic nat mocjam enlhitaoc. Inmasquec nic nat ningmasquem nipyesicsa enlhitaoc Israel.

LEVÍTICO 17:10

Aptomjac nic nat Dios apcanya Moisés: Ongvinmelhac sat israelita najan metnaja israelita aptomja aptom ema ayinyema asoc acmatnam. Ongvajic sat coo as enlhit.

LEVÍTICO 17:4

Mepqui inlhojo apyantamayquinta aptoscama carpa apponquinomap, etnejic macmescama Dios, esilhnanacpoc apanco ayinyema aptemaclha apcajem, malha apcajem enlhit. Ematong sat as enlhit.

LEVÍTICO 17:7

Colapvanqueje mataa israelitas elnapoc apnatoscama, cotnejic macmescama yavey. Ayinyema apquiltemaclha mataa apquilayo as yavey, apquiltomja apquilyamasma Dios. Comasquejec sat mataa as singanamaclha cotmongvoycamlha nelha.

LEVÍTICO 17:9

Am sat ancoc ingyajac aptoscama enlhit payjoc apatong carpa apponquinomap, actemaclha macmescama Dios, najan actemaclha holocausto etvasacpoc sat nipyesicsa apnaymacoc, ematong sat maa — nic nat aptomjac.

LEVÍTICO 3:7

Incaymalhquic enlhit eyantemiclha aptoscama nipquesic, tasic najan yataay carpa tingma, epquinic sat apmic netin apcatic aptoscama. Ingyajic sat payjoc apatong carpa tingma. Elilhpajac sat ema pac netin najan niyava altar sacerdotes. Colhojoc sat macmescama Dios malvatnama talha acyanmongam melyascalhma. Colhic sat alvatna talha aptipilhmoc apvalhoc nipquesic najan yataay. Najan alyayem pac, najan aptipilhmoc niyava alyayem pac najan niyava lomos, najan nipyava apicjic, najan apyipacyic (najan aptipilhmoc apyipacyic), comyetic sat netin altar, najan maa apitic najan alyayem pac. Elvitic sat talha sacerdotes as asoc netin altar, alvatnamó lhama talha nintom macmescama Dios.

MALAQUÍAS 1:11

Innec seyaco coo nipyesicsa enlhitaoc lhalhma anco. Innec seyaco coo lhalhma anco ayinyema apquilvatnama talha asoc masis. Najan ayinyema selmescama asoc altamila sicyisponcama coo.

JOSUÉ 22:11

Inlingalhquic nic nat amyaa nipyesicsa apquilmolhama israelitas. Amyaa ilhnic nat apquillanay altar apquilayoclha Dios apquilmolhama Rubén, najan Gad, najan media tribu Manasés. Payjoc vatsam Jordán, nicja yoclhilhma Canaán apquileyvomaclha israelitas.

JOSUÉ 22:15

Apquilvocmec nic nat yoclhilhma Galaad apyovoclhojo malapajascama, nipyesicsa apquilmolhama Rubén, najan Gad, najan media tribu Manasés. Apquiltomjac nic nat apquilanya:

JOSUÉ 22:16

—Yitnec nincoo amyaa ningilvisay ningmolhama Dios. ¿So actomja yi apnatovasa quellhip apquilinmelhaycam Dios Visqui apancaoc Israel? ¿So actomja yi apquilyinyova quellhip Dios Visqui ingac, ayinyema apquillanay quellhip altar mataymong mayicjescama apquilayoclha Dios?

JUECES 6:26

Ilana sat lhip netin inquilhe moc apvatnamaclha asoc macmescama Dios. Ingyaa sat vayqui inquinavo cotnaja actiyam amamyi. Iyatemen sat yamit acponquinomalhca ayimja nicja, yoyam elvitic talha. Cotnejic sat asoc acmatnam macmescama Dios acyanmongam mongilyascalhma — nic nat aptomjac ángel.

1 SAMUEL 10:8

Iyas sat lhip apmamyi acvisay Gilgal. Alhayi sat ovoclha coo lha yoyam ongilpayicsojo Dios actemaclha ningmescama asoc acyanmongam mongilyascalhma najan acyanmongam actamilaycam ingvalhoc. Jelalh sat acvocmo siete acnim. Ovoclhac sat apnaclha lhip. Olhicmocsic sat lhip actemaclha yoyam eyiplovcasojo — nic nat aptomjac profeta.

1 SAMUEL 16:2

Apcatingmavoc nic nat profeta Samuel: —Movanquejec oyacsic maa. Apyasamcoc sat ancoc Saúl, jeyajic sat — nic nat aptomjac. Aptomjac nic nat Dios apcanya profeta: —Iyantemiclha sat vayqui ayitcoc. Itne sat ingyanic maa: Acvaac coo yoyam omquecsic sictoscama actemaclha macmescama Dios — sat itne.

1 SAMUEL 7:9

Apcajac nic nat nipquesic apquitcoc Samuel, actemaclha macmescama Dios acyanmongam melyascalhma. Apquilmalhnescasquic nic nat napato Dios yoyam elmiyovacpoc israelitas. Apjalhnoc nic nat apquilmalhnancama Dios.