LEVÍTICO 17:7 - Enhlit Bible

⁷ Colapvanqueje mataa israelitas elnapoc apnatoscama, cotnejic macmescama yavey. Ayinyema apquiltemaclha mataa apquilayo as yavey, apquiltomja apquilyamasma Dios. Comasquejec sat mataa as singanamaclha cotmongvoycamlha nelha.

LEVÍTICO 17:7 Iomraidhean Croise

2 CRÓNICAS 11:15

Poc nic nat sacerdotes apquilanyomap eltimesam acyitnamaclha quilaycmasquiscama, ayinyema apquilyacyescama siclho Jeroboam, yoyam colhic ayaco yavey najan quilaycmasquiscama vayqui najan nipquesic acyitsomalhca dios.

SALMOS 106:37

Apquiltimec nic nat apquitquic macmescama quilaycmasquiscama yavey.

SALMOS 106:39

Apquilsilhnanacpec nic nat apanco ayinyema apquiltemaclha apancaoc. Apquilyinyovquic nic nat Dios ayinyema apquiltemaclha apancaoc.

ÉXODO 22:19

Enlhit aptomja apminsovm aptoscama. Incaymalhquic ematong. Metyisamejec sat as enlhit.

ÉXODO 22:20

Enlhit aptomja apcajem aptoscama macmescama quilaycmasquiscama, cotnaja macmescama Dios, incaymalhquic ematong. Metyisamejec sat as enlhit.

ÉXODO 27:21

Eltamilquisic sat mataa Aarón najan apquitquic acyovoclhojo calevascama, yoyam colapongmetic (colsacsic sat olhma) acyovoclhojo alhtaa congne carpa apponquinomap, payjoc jilip apava apjalhtamomap acyitnamaclha yamit aysicsic avalhoc Dios appayvam. Comasquejec sat mataa siyanamaclha, elyiplovcasojoc israelitas najan aptovana.

ÉXODO 32:8

Apquilvatsamquic elyiplovcasojo actemaclha siyanamaclha. Apquillanac quilaycmasquiscama vayqui ayitcoc. Allanomalhca oro asoc alyinmom. Apquilpayasoc enlhitaoc, apquilajac apnatoscama macmescama quilaycmasquiscama. Apquiltomjac apquilpayvam: —Eycaso apvisay Dios Visqui ingac, singnalovsingvoyclha alhta yoclhilhma Egipto — lhac apquiltomjac — nic nat aptomjac Dios Apyimtalhnamo.

ÉXODO 34:15

Noelpamejitsacpojo nasa actomja apquilaoclha actemaclha mepqui ningilnapomalhca (pacto). Elanyacpoc sat quellhip elpasmoc apquilayo quilaycmasquiscama. Najan apquilmescama asoc acmatnam macmescama quilaycmasquiscama. Noelpasmiclha nasa, noeltovaoc nasa apitic maa (macmescama quilaycmasquiscama).

JEREMÍAS 3:1

Aptomjac alhta Visqui ingac: Apyinyovquic sat ancoc aptava enlhit. Yiplovcoc alyimjapayclha poc enlhit. Covanquejec quilvana acyamasma cotajojoc mocjam coyipitquiclhojo atava siclho. Acvisay ningmancactama nintemaclha enlhit. Quellhip israelitas apquilyitsomacpo quilvana alanatama nipyesicsa enlhitaoc. Apquililtamjoc jelyipitquiclhojo mocjam coo — alhta aptomjac Visqui ingac.

EZEQUIEL 23:3

Innam nic nat yoclhilhma Egipto as anit quilvana ayitcoc, altomjayclho alanatama. Inquilpatjetamquic nic nat metnaja anatamcaa.

EZEQUIEL 23:8

Yoclhilhma Egipto alhta actomjayclho alanatama, am colvatasac mataa. Actemaclha ayitcoc alhta alanatama.

LEVÍTICO 17:8

Iltimnas sat sicpayvam siyanamaclha israelitas najan metnaja israelitas apquilpalhaviyam maa.

LEVÍTICO 20:5

Coo sat ongvajic as enlhit apsilhnanomap apanco. Olnapoc sat apyovoclhojo apquilmolhama. Najan poc apquilpasmeyquiclha quilaycmasquiscama Moloc.

LEVÍTICO 3:17

Comasquejec sat mataa singanamaclha nac jay, elyiplovcasojoc sat mataa enlhit najan aptovana naysicsa apquileyvam lhalhma anco. Noeltovaoc nasa acpilhmoc (aptipilhmoc), noeltovaoc nasa ema ac vayqui, najan ema pac yataay najan nipquesic — nic nat aptomjac Moisés.

SAN JUAN 12:31

Quilhvoc olyicpilcojo apquiltemaclha enlhit lhalhma anco. Quilhvoc sat colhic actipsa avisqui ac as nalhpop.

SAN JUAN 14:30

‘Inmasquec quilhvo sicpamejitquiscama quellhip. Inlhingacmec quilhvo avisqui ac as nalhpop, eyca paj acmovan tecjelhit yoyam oyiplovjoc (yoyam jesilhnana).

1 CORINTIOS 10:20

Altamjoc olhenic apquiltemaclha metnaja Jesucristo apmolhama. Am inyicje elmasac asoc actemaclha yoyam elmesic Dios. Apquilmasquic acvamlha asoc apancaoc somquic quilyicjamo. Am oltamjoc coo yoyam elpasmiclhac quellhip somquic quilyicjamo.

2 CORINTIOS 4:4

Ayinyemaclha apquilyascacmec tasic amyaa as enlhitaoc. Yatescamalhma intimescasac apquilvalhoc somquic quilyicjamo. Yoyam melvityejec sat ayitsayolhma actamila ayinyema tasic amyaa najan ayitsayolhma ayinyema Cristo. Ayinyemaclha Cristo apnoc Dios yoyam ongvita.

EFESIOS 2:2

Apquilvajanamquic alhta quellhip apquiltemaclha enlhitaoc lhalhma anco. Apquilyajaclhoc alhta quellhip actemaclha somquic quilyicjamo. Acmovan innac somquic quilyicjamo actomja mocjam avisqui nipyesicsa enlhitaoc apquiltomja melilyajayquiclho Dios appayvam.

DEUTERONOMIO 31:16

Aptomjac nic nat Dios apcanya Moisés: —Ningatoc lhip apquitsepma. Jelyinyoc sat enlhitaoc niptamin lhip. Eltimjic sat apquilayo quilaycmasquiscama ayinyema as yoclhilhma apquilvoycamlha sat quellhip. Eltovacsic sat ningmiyovmalhca, sillanay alhta nipyesicsa enlhitaoc.

DEUTERONOMIO 32:17

Apquiltingyac nat asoc macmescama demonio yavey, eltimjic apquilayo. Malha dios apancaoc apjalhnancoc, quilhva apvoy, melyicpilquemo nat apquilyeyjamcaa, meltomja nat apquilayo.

EL APOCALIPSIS 9:20

Am alhta elyanmoncasac apquilvalhoc poc enlhitaoc apquilaymomap. Am alhta elvatsamcoc apquiltemaclha apancaoc. Apquilyiplovcasquic alhta mocjam actemaclha apquilpayescamo somquic quilyicjamo. Najan apquilpayescamo quilaycmasquiscama acyitsomalhca Dios, allanomalhca alhta asoc alyinmom: oro, plata, bronze, mataymong najan yamit. Mepqui ataoc najan mepqui acpayvam najan mepqui aclhingam quilaycmasquiscama acyitsomalhca Dios.