LEVÍTICO 16:34 - Enhlit Bible

³⁴ Comasquejec sat mataa singanamaclha: Acvisay fiesta una vez al año, colhic acmascosa melyascalhma apancaoc apyovoclhojo israelitas. Apquilyajaclhoc nic nat Aarón, acno apcanama siclho Dios napato Moisés.

LEVÍTICO 16:34 Iomraidhean Croise

ÉXODO 27:21

Eltamilquisic sat mataa Aarón najan apquitquic acyovoclhojo calevascama, yoyam colapongmetic (colsacsic sat olhma) acyovoclhojo alhtaa congne carpa apponquinomap, payjoc jilip apava apjalhtamomap acyitnamaclha yamit aysicsic avalhoc Dios appayvam. Comasquejec sat mataa siyanamaclha, elyiplovcasojoc israelitas najan aptovana.

ÉXODO 30:10

Eycaso altar acvisay acponquinomalhca napato Dios. Etnejic sat Aarón una vez al año eltilhnamcoc inquipetaoc netin altar, apmaycam ema asoc acmatnam malvatnama talha acyanmongam melyascalhma. Aclhamoclhojo años, una vez al año colhic alvatna talha macmescama Dios acyanmongam melyascalhma — nic nat aptomjac.

ÉXODO 39:43

Apvitac nic nat Moisés acyovoclhojo asoc apquillanay apnaymacoc, apvaticjapcasquic nic nat apquilmalhnesquisa apnaymacoc.

LEVÍTICO 16:2

Aptomjac nic nat Dios apcanya Moisés: Ingyane sat lhip Aarón metalhningvotayc sat sicmaclha coo tap apava apjalhtamomap, payjoc acyitnamaclha ayapma atong yamit aysicsic acyitnamaclha Dios appayvam, ingyitsapoc sat maa. Evanquic coo ongvanic etalhningvota sicmaclha, olhicmocsic sat sicmayjayoclha ajanco naysicsa yipjopay tacjalhit yamit aysicsic acyitnamaclha Dios appayvam.

LEVÍTICO 17:1

Aptomjac nic nat Dios apcanya Moisés:

LEVÍTICO 23:28

Colapvanquejec eltamjam quellhip as acnim, acvisay acnim Singasicjayquiclha moc acvisay Acmascosomalhquilha mongilyascalhma. Elasicjacpoc sat mocjam quellhip napato Dios.

LEVÍTICO 23:31

Colapvanquejec eltamjam as acnim. Comasquejec sat mataa singanamaclha nac jay cotmongvoycamlha nelha.

LEVÍTICO 24:23

Apcapajasquic nic nat Moisés apquilanyacpo israelitas, elantipsic sat tingma enlhit apvenéycam Dios apvisay apanco, ematong sat maa apquilyicnay mataymong. Apquilyajaclhoc nic nat israelitas, acno apcanama Dios napato Moisés.

LEVÍTICO 3:17

Comasquejec sat mataa singanamaclha nac jay, elyiplovcasojoc sat mataa enlhit najan aptovana naysicsa apquileyvam lhalhma anco. Noeltovaoc nasa acpilhmoc (aptipilhmoc), noeltovaoc nasa ema ac vayqui, najan ema pac yataay najan nipquesic — nic nat aptomjac Moisés.

NÚMEROS 29:7

Ellana sat apcaneyquiclha mayayoclha quellhip acnim diez najan piltin séptimo. Eltime sat quellhip apquililmalhnancama mepqui aptoycaoc. Noeltamjam nasa as acnim.

HEBREOS 10:14

Aptimescasquic alhta apquilpeyvomo napato Dios aplhamoclhojo acyitna ayalhnayo apquilvalhoc, ayinyema acvamlha lhama macmescama Dios.

HEBREOS 10:3

Am nic nat colmascosalhcac mataa melyascalhma ayinyema ema ac asoc acticyovam. Apquilyasingvoclhoc nic nat mataa enlhitaoc acyitna melyascalhma, ayinyema apquilmescama mataa asoc acticyovam actemaclha macmescama Dios aclhamoclhojo años.

HEBREOS 9:25

Aptalhningvoclhec mataa Dios apquilancam Leví apmolhama tingma apvalhoc apvisay “apponquinomap apanco” moclhama año yoyam esaclha ema ac asoc acticyovam, cotnaja em pac apanco. Lhama apmesomap apanco alhta Cristo, jave aclhamoclhojo años.

HEBREOS 9:7

Apvamlha Dios apquilancam apquimja apmamyi apvanquic etlhic apvisay anit apvalhoc. Acvamlha lhama aptalhningvayclha lhama año. Copvanquejec etalhningvoclha mepqui apsayclha ema, ayinyema asoc acticyovam acyanmongam meyascalhma apanco najan acyanmongam melyascalhma enlhitaoc.