LEVÍTICO 16:21 - Enhlit Bible

²¹ Appiquinquic apmeoc netin apcatic yataay, elhenic sat melyascalhma apancaoc enlhitaoc, najan apquiltemaclha apancaoc almasomcaa. Coytic sat netin apcatic yataay acyovoclhojo acmasom najan melyascalhma enlhitaoc. Eyantemiclhac sat lhama enlhit as yataay yoclhilhma actamopeycaoc.

LEVÍTICO 16:21 Iomraidhean Croise

ESDRAS 10:1

Apnec nic nat Esdras payjoc tingma apponquinomap, aplhanma napato Dios apquiltemaclha apquilsilhnanomap apanco, apticlhica aptapnaoc acyiplomo apvinama. Apcaneclhec nic nat apnaclha maa israelitas enlhit, najan quilvanaa, najan apquitcavoc, apquilyapcalhquic nic nat maa.

SALMOS 32:5

Aclhenquic alhta sictemaclha moyascalhma. Am alhta omyavac sicsilhnanomalhca ajanco. Inlhenquic alhta evalhoc: —Pac olhenic napato Dios actemaclha sicsilhnanomalhca ajanco — alhta intomjac evalhoc. Yejemoc alhta apmascosa lhip sictemaclha moyascalhma coo.

SALMOS 51:3

Acyasamcoc coo sictemaclha sictovascama. Am jelvoncacmoc mataa actemaclha acmasom.

ÉXODO 29:10

Iyantemiclha sat vayqui inquinavo payjoc carpa apponquinomap. Ingyane sat Aarón najan apquitquic elninquinic apmeoc netin apcatic vayqui.

PROVERBIOS 28:13

Am sat ancoc ongillhenac ningilsilhnanomalhca inganco, ongiltanovalhcac sat nincoo. Ningillhenquic sat ancoc ningilsilhnanomalhca inganco (ningilvatesa nintemaclha), ongmiyovalhcac sat nincoo.

ISAÍAS 53:6

Ningillhinganyam innac ninlhamoclhojo, malha nipquesic apquillhinganyam. Ningilyasquic mataa ningilyasaclha inganco. Aplingamcoc acmasca Dios apquilancam ayinyema nincoo mongilyascalhma, malha appatimquiscama acyimtalhnama Dios.

LEVÍTICO 1:4

Incaymalhquic avtip epquinic apmic netin apcatic aptoscama. Comascosalhcac sat apsilhnanomap apanco enlhit, ayinyema Dios.

LEVÍTICO 16:20

Appenasquic sat ancoc Aarón santuario, najan carpa apponquinomap, najan altar apquilvatnamaclha. Ingyanic sat colhic acyantamenta yataay apjalhnancoc.

LEVÍTICO 16:22

Elhnanmoc sat yataay, aptomja apsoycam (appatmeycam) melyascalhma apancaoc enlhitaoc, payjoc mepqui apquileyvomaclha enlhit.

LEVÍTICO 26:40

Incovac sat acnim, yoyam elyicpilcangvomoc sat quellhip apquilsilhnanomap apanco. Najan apquiltemaclha apancaoc apquilyeyjamcaa. Ellhenic sat quellhip apquiltemaclha alhta selinmelhaycam.

LEVÍTICO 5:5

Incaymalhquic enlhit apsilhnanomap apanco elhenic aptomjaclha apanco.

ROMANOS 10:10

Yitnec sat ancoc coyasquiyam ingvalhoc, ongiltimjic sat ningilpeyvomo napato Dios. Yitnec sat ancoc ninlingascama apvisay Jesús, ongilvomsalhcac sat tap.

2 CORINTIOS 5:21

Am coyitnac lhama meyascalhma Cristo. Dios aptomja appatimquiscama Cristo mongilyascalhma nincoo. Yoyam jingiltimesquisic ningilpeyvomo ayinyema ninpasmeyquiclha Cristo.